आगरा

ताजमहल ऐं फतेहपुर सीकरी जहिड़न बिन वर्ल्ड हेरिटेज मोनुमेंट्स में शामिल सैलानी कशिश जे सेंटरन सबब आगरा न सिर्फ उतरप्रदेश पर भारत जो बि उहो शहर आहे जिते अचण वारन विदेशी सैलानिन जी संख्या बेहद वधीक आहे। इतिहास मूजिब मुगल बादिशाह शाहजहां पहिंजी बेगम मुमताज़ महल जी याद में 1953 में ताजमहल ठाहिरायो हुओ। चमड़े मां ठहन्दड शयन – जूता चपल – जे कारखानन वासिते मशहूर आगरा यमुना किनारे वसियल आहे। कहिं समे आगरा उतरप्रदेश राज्य जो वधि में वधि सिंधी आदमशुमारी वारो शहर हुओ पर हाणे राजधानी हुजण सबब लखनऊ शहर रेस खटन्दो महसूस थिये थो। आगरा जे बाजार में सिंधी भाषा बुधण में अचण का वडी गालिह न आहे हालांकि हाणे सिंधी परिवारन में गैर सिंधी भाषा में गालिहायिण जे फैशन जे वधण करे सिंधी भाषा आगरा में आम गालिहायिण वारिन भाषाउन में शामिल न आहे। आगरा शहर में कुझु सिंधी संस्थाउं आहिन जेके सिंधी भाषा जो उपयोग वधायिण ऐं सिंधी वरसे जे फैलाव जे रुख में कमु करे रहियूं आहिन।