अहमदाबाद

अहमदाबाद जा सिंधी मुख्य तोर शयुन जी खरेदी विकरे जे धंधे सां जुडियल आहिन हालांकि जेझिड़ायी में कारखानेदार सिंधी वापारिन जी संख्या में लेखे जोगि वाधि थी आहे। कपड़ो विकिण जो होलसेल कमु करण वारन चंगन सिंधी वापारिन रेडीमेड तियार करण जो कमु शुरू कयो आहे जहिं करे अहमदाबाद कपड़े ऐं रेडीमेड जे शहर तोर मशहूर थी वयो आहे।
हुअं त शहर जी हरि ऐराजी में सिंधी रहन पया पर कुबेरनगर, मणीनगर ऐं सरदारनगरअहिडियूं ऐराजियूं आहिन जिते मुख्य रुप में सिंधी रहन्दा आहिन। अंबावाड़ी ऐं सहजपुर इलाके में पिणु शहर जे बियन इलाकन जी भेट में वधीक सिंधी रहन्दा आहिन।
अजु बि अहमदाबाद मां कुझु सिंधी अखबारूं रोज़ त कुझु हफतेवार रुप में छपिजन्दियूं आहिन। सागे नमूने कुझु सिंधी पत्रिकाउं बि शाया थींदीयूं आहिन। तहिं करे केतिरा ई अहमदाबाद खे सिंधी अखबारुन जो शहर करे चवंदा आहिन।