अर्जन सिकायिल
TSW Citation
अर्जन सिकायिल जहिडिन किन चूंडि सिंधी अदबी शख़्सियतुन इहो साबित कयो आहे त हिकु साहित्यकार सिर्फ नसीहत भरियूं गालिहियूं न थो लिखे पर समाज जी ज़रूरत मूजिब शामिल थी बहिरो पिणु वठे थो। अर्जन सिकायिल वक़त जे जंहि दोर में जवान थियो उहो समो हुओ भारत खे अंग्रेजन जी गुलामी खां आज़ादी जी हलचलुन जो। उन समे जे सिंधी साहित्य जी आम रिवायत मूजिब अर्जन खे बि आशिक़ी सां जुडियल कविता लिखण में महारत हासिल हुयी। इन रुमानियत जे रचनाकार समाज जी ज़रूरत समझंदे आज़ादी जी हलचल में बहिरो वठण जो फेसिलो करण में देर न कयी मतलब अर्जन सिकायिल फ्रीडम फाइटर सिंधी अदीबन में शुमारियो वेन्दो आहे। भारत अची अंधेरी मुंबई में रहन्दे साहित्य सिरजन जो ऐं अखबारनवीस तोर कमु कन्दे हुन सामाज सां जुडियो रहण जी मुराद सां पहिंजे पारिवारिक हिकमत जे ज्ञान जो अधारु ऐं आर एम पी जी सनद हासिल करे आयुरवेदिक डॉक्टर तौर समाज जी सेवा कयी। टीम TSW सिंधी अदब जी शानदार शख्सियत अर्जन सिकायिल खे श्रध्दाजंली अर्पण करे थी।
अर्जन सिकायिल - बायोग्राफी
फेमस सिंधी – सिंधी साहित्य – फ्रीडम फाइटर
सिंधी साहित्य जी नामवर शख़्सियतुन में शामिल अर्जन सिकायिल जो जन्म 05 नवंबर 1919 ते साहिती जे गोठ सजोदा [सिंध जे नवाबशाह जिले] में थियिल आहे ऐं हिन जो शुमार उन्हन सिंधी नवजवानन में आहे जिन मुल्क जी आज़ादी जी हलचल में बहरो वरतो हो। सिंधी फ्रीडम फाइटर ऐं आयुर्वेद जो डॉक्टर अर्जन डेटाराम नाथानी अंधेरी मुंबई जो रहवासी आहे।
सिंधी अदबी संसार में अर्जन सिकायिल खे हिकु रूमानी ऐं आशिक़ी जूं रचनाउन जो माहिर कवी लेखियो वेन्दो आहे पर संदस पहिंजे खियाल मूजिब हू तरकीयाफ्ता कवी आहे। हालांकि अर्जन जो जन्म हिकमत में महारत रखण वारे कुटुंब में थियो हो पर घर में केतिरिन अखबारुन ऐं रिसालन जे अचण सबब कुछ साहितिक माहोल बि हुओ जहिं जो असर हिन जे बालपणे ते पियो।
हिक इंटरव्यू में अर्जन सिकायिल पाण बुधायो आहे त कविता लिखण जी प्रेरणा खेस पहिंजे बालपणे जे दोस्त हरचेमल डिनी। संदस उमिर 10 -12 साल मस हुयी जो हिक डींहुं जो हुन पंहिजे दोसत सां गालिहाईन्दे चयो
“चवे यार हरचो – समझो कीन चरचो -अची हाणे परिचो – मिठा यार अर्जन।
बस इन्हन सिट्रनि कविता लिखण जो जोश पैदा करे छडियो। सिंधी नज़म खे तमाम सवलन लफजन में लिखण वास्ते मशहूर, नेहरु अवार्ड हासिल कियिल अर्जन सिकायिल खे सिंधी नसर में सुठी महारत हासिल आहे। संदस 20 खां वधीक किताब छपिजी चुका आहिन।
अर्जन सिकायिल बतोर अख़बार नवीस पिणु सिंधी साहित्य जी सेवा कयी आहे। मुंबई मां शाया थियण वारी रोजाने अख़बार सिंधु समाचार जो हो 1973 खां 1978 तायीं असिस्टेंट एडिटर हुओ त पूरा डह साल 1982 खां 1992 तायीं उल्हासनगर जे रोजाने अख़बार नगर न्यूज़ सां इंचार्ज एडिटर तोर जुडियल रहियो। डॉ अर्जन डेटाराम नाथानी कुछ अरसो महाराष्ट्र सिंधी साहित्य अकादमी जे मेंबर तौर पिण कमु कयो।
19 अगस्त 2012 ते सिंधी अदबी दुनिया में हिक अज़ब जी मायूसी ऐं दुख भरी ख़ामोशी छायिजी वयी छो जो हिकु डॉक्टर, हिकु लेखक, हिकु कवी ऐं हिकु अख़बारनवीस अर्जन सिकायिल हिन फानी दुनिया खां मोकिलाये वयो।
अदबी योगदान - लिखियिल किताब
सिंधी साहित्य जे 50 सालन जे सफर में अर्जन सिकायिल जा 20 खां बि वधीक किताब शाया थी चुका आहिन। अर्जन सिकायिल जे किन चूंड मशहूर किताबन जा उनवान आहिन: –
गुफाउन जी यात्रा [1989]
अमर शहीद इंदिरा गांधी [1985]
लेनिन [1968]
हिकु पुरुष टे इस्त्रियूं [1963]
अनारकली [1954]
Books Window
अवार्ड - अर्जन सिकायिल
अर्जन सिकायिल खे संदस किताब “लेनिन ” वास्ते नेहरु पीस अवार्ड मिलियिल आहे। सेंट्रल हिन्दी डायरेक्टरेट भारत सरकार पिण अर्जन सिकायिल खे “अमर शहीद इंदिरा गांधी ” इन किताब वास्ते अवार्ड डिनो आहे। इहे बयी किताब इन्हन बिन्ही नामवर सियासतदानन जी बायोग्राफी आहिन। सिंधी साहित्य जी सेवा वास्ते अखिल भारत सिंधी बोली ऐं साहित सभा बि हिन जो सत्कार करे चुकी आहे। 2009 में न सिर्फ खेस NCSPL लाइफ टाइम अवार्ड डिनो। उतम साहित्य अवार्ड सां बि सिकायिल साहिब खे नवाज़ियो वियो आहे ।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.