Everlasting Blessings of Mata Dadanbai & Dr. Premchand Manghirmalani

सिंधी डिणु - चेट्री चंड्र

चेट्री चंड्र - सिंधी नओं साल - सिंधी डे

Sindhi New Year Celebration

सिंधी न्यू ईयर – सिंधी डिण – झूलेलाल जयन्ती – बहराणो – पलव
सिंधियिन जे वास्ते सभ खां वधीक अहिमयत वारो डिण आहे चेट्री चंडु जेको सिंधी न्यू ईयर या झूलेलाल जयन्ती तौर बि मलिहायो वेन्दो आहे। सजी दुनिया में जिते बि सिंधी आहिन उते बियो को बि सिंधी डिण चाहे न मलिहायो वेन्दो हुजे पर चेट्री चंडु ज़रूर मलिहायो वेन्दो आहे।

चेट्री चंड्र ते मंदिर में लाल साईं झूलेलाल साहिब ऐं बहराणे जी पूजा करे बहराणो हिकु जुलुस जे रूप में वेझडायीअ वारी नदी जे किनारे ते आन्दो वेंदो ऐं हिकु भेरो वरी पूजा, प्राथर्ना, आरती  करे दरियाह शाह खे अखो अर्पण करण खां पोय श्रद्धालुन में सेसा विरहायी वेन्दी आहे।

बहराणे साहिब जे जुलुस सां नवजवान सिंधी सिंधी लोक डांस “छेज” जो मुज़ाहिरो कन्दा हलन्दा आहिन त वरी चेट्री चंड्र ते किन शहरन में सिंधियत जे आलीशान विरसे जे शाही दर्शन वास्ते तरह तरह जा सांस्कृतिक कार्यक्रम रखिया वेन्दा आहिन। बहिराणे साहिब जे जुलुस सां गडु आदिपुर गांधीधाम जहिड़न कुछ शहरन में सिंधियत जे विरसे सां लागापो रखण वारियूं झांकियूं पिण कढ़ियूं वेंदियूं आहिन।  

बियन सिंधी डिणन वांगुर चेट्री चंड सां हिकजहिडायप रखन्द त्यौहार भारत जूं बिये हिंदु कौमुं मलिहाईंनदुं आहिन तिन में महाराष्ट्र जो “गुड़ी पाड़वा ” जेको या त चेट्री चंड्र खां हिकु डींहु अगु या सागिये डीहं ते ऐं कर्नाटक तोड़े आंध्र प्रदेश जो “उगाडी ” त्यौहार शामिल आहिन।

Cheti Chand - Haridwar Celebration - Video

चेट्री चंड्र जो मतलब

चेट्री चंड्र जो मतलब आहे सिंधी महीने चेट्र जो चंड्र  मतलब सिंधी आराधिय देव लाल साईं – झूलेलाल जो जन्म डींहुं। हुअं त दुनिया जी हर कुंड में रहण वारा सिंधी मलिहायिन था पर भारत में चेट्री चंड्र जो मतलब आहे वड़े में वडो सिंधी  डिणु।  नागपुर महाराष्ट्र में चेट्री चंड्र सिंधु मुक्ती डींहुं जे रूप में मलिहायो वेन्दो आहे।     

चेट्री चंड्र - मलिहायिण जो ऐतिहासिक सबब

ऐतिहासिक तौर चेट्री चंड्र सिंधियिन जे आराध्य देव लाल साईं अमरलाल जो जन्म डींहु आहे। वेझडायीअ जे सालन में चेट्री चंड्र खे “सिंधी डे ” जे रूप में मलिहायिण जी रीत शुरू थी आहे।

चेट्री चंड्र सिंधी टिपणे जे चेट्र महीने जे चंड्र ते मलिहायो वेन्दो आहे। जीयं त 1947 में सिंधियिन खे सिंध छड़े भारत लड़े अचणो पियो ऐं भारत जे मुख़्तलिफ़ शहरन में रहणो पियो तहिं करे सिंधी न सिर्फ भारत पर सजी दुनिया में टिडी पखड़ी विया आहिन शायद इहो सबब आहे जो चेट्री चंड्र, सभनी कौमुन जे उन्हन थोरन डिणन में शामिल आहे जेके सजी दुनिया में मलिहाया वेन्दा आहिन।

थोरे घणे फरक सां सभनी हंदन ते चेट्री चंड्र लगभग सागिये नमूने मलिहायो वेन्दो आहे। इन डीहं ते सिंधी पहिंजा दुकान धंधा बंद रखी झूलेलाल मंदिर या पंचायती भवन में कठा थी गीत संगीत सां झूलेलाल साहिब जी पूजा करे बहरणो कढन्दा आहिन।

उल्हासनगर, अजमेर, इंदौर, आदिपुर, गांधीधाम,अहमदाबाद, सूरत, नागपुर वगैरह कुछ शहर आहिन जिते चंगी सिंधी आदमशुमारी आहे से चेट्री चंड्र मलिहायिण वास्ते मशहूर आहिन।

Last Updated 14 May 2021

error: Content is protected !!