चिलो ब्रेड

जे डायटिशिन्स जी गालिह कजे त उहे मंझंद या रात जी रोटीअ जी भेट में नाशते खे वधीक अहमियत डीन्दा आहिन। जे सिंधी क़ौम जो विचार करण ते धियान में अचे थो सिंधी रंधणे में सिंधी नाशतो दाल पकवान, दाल मूंग, तरियिल पटाटा फुलको ऐं बिया केतिरन रेसीपीज जे रूप में तैयार थिये थो।

चिलो ब्रेड पूरी तरह सां निजु सिंधी खाधो न आहे। सिंधी बेमिसाल शामिल करण वारी खूबीअ जा धणी आहिन ऐं ज़ायकेदार खाधे जा बि शौकीन आहिन। नतीजे तौर सिंधी बियन कौमुन जे लज़ीज़ खाधे खे पहिंजी फ़ूड हैबिट्स में शामिल करे उन खे सिंधी रेसीपी करण में देर न कन्दा आहिन। चिलो ब्रेड हिक अहिडी ई सिंधी रेसीपी आहे।

भारत ते अंग्रेजन जी राज जे कुछ सालन खां पोय ब्रेड आमलेट सिंधी नाशते जो हिसो बणियों। शाकाहारिन आमलेट जी जगह ते बेसण जो चिलो ठाहे सिंधी रंधणे में तैयार थींदड हिक नयीं सिंधी रेसीपी चिलो ब्रेड खे सिंधी खाधे जो हिसो बणायो। विरहांङे खां पोय त दखण भारत जे डोसे सबब चिलो ब्रेड सिर्फ सिंधी नाशतो न रही अहिडी रेसीपी थी वियो आहे जेको कहिं बि वक़त बतौर सिनेक कम अचे थो ऐं बियन कौमुन वारा बि खाइन था ।