पदम भूषण डॉ एल एच हीरानंदानी
TSW Citation
टीम TSW पारां पदम भूषण ऐं धनवंतरी अवार्ड सां नवाज़ियिल मकबूल सिंधी शख्सियत डॉ लखुमल हीरानंद हीरानंदानी खे श्रध्दाजंली तोर लिखिजे थो
रहियो नावं सदा जग में उन्हन जो, जिन पहिंजे आराधिय देव खे यादि रखियो
बणिया हमदर्द मददगार गरीबन जा जेके, नालो उन्हन खे लखुमल मिलियो
चाहे दुनिया डॉ हीरानंदानी खे भारत जे वड़े ऐं कामियाब ENT सर्जन, Otolaryngology जी शुरुआत कन्दड़ तोर यादि करे पर डॉ लखुमल खे यादि हुओ त सिर्फ ऐतिरो त संदस जनमु सिंधी कौम जे आराधिय देव झूलेलाल साहिबन जी सरज़मीं थट्टा में थियल आहे सो हुन जो फरज़ु आहे त दीन दुखी गरीब गुरबन जी मदद करे छो जो झूलेलाल साहिबन जो त जनमु ई सिंधी कौम जे तारणहार तोर थियो हो। डॉ हीरानंदानी पहिंजो इहो फरज़ु सजी ज़िंदगी ईमानदारी सां पूरो कयो ऐं इन जो नतीज़ो आहे त माणुहुन खे न सिर्फ 1993 जे मुंबई दंगन वक़त मददगार डॉ हीरानंदानी अजु बि यादि आहे पर मुंबई ऐं भारत जे नागरिक जी सेवा वासिते पवई मुंबई में डॉ एल एच हीरानंदानी हॉस्पिटल पिणु कमु करे रही आहे।
बायोग्राफी - डॉ लेखुमल हीरानंद हीरानंदानी
पदम भूषण – फेमस सिंधी – ENT सर्जन – धनवंतरी अवार्ड
फेमस सिंधी डॉ लखुमल हीरानंदानी जहिं खे भारत में Otolaryngology जी शुरुआत कन्दड़ लेखिजे थो ऐं जंहिखे भारत सरकार पदम भूषण सां नवाजे सत्कार कियो आहे तहिंजो जन्म सिंधियिन जे आराधिय देव लाल साईं झूलेलाल जी सरज़मीं थट्टा में 17 सितम्बर 1917 ते थियो हो। इहा झूलेलाल जी हिन ते महर आहे त लखुमल न सिर्फ गरीबीअ खां पारि पियो पर हिन जो डॉक्टर थियण जो सपनो बि पूरो थियो। संदस बेमिसाल लगन जी ऐं सेवा करण जी चाहत जी निशानी आहे जो हू भारत जो सभ खां वधीक मशहूर ऐं कामियाब ENT [Eye , Nose , Throat अखि , नकु ऐं गलो ] सर्जन बणिजी वियो।
(Otolaryngology डॉक्टरी जी उहा शाख आहे जहिंजो लागापो अखि, नकु ऐं गले जी तंदरुस्ती सां आहे। आम तौर मथे ऐं गले जी सर्जरी [चीरफाड़] बि हिन जो हिसो लेखी वेन्दी आहे।)
1947 खे सिंधियिन जे इतिहास जो वधि में वधि दुखदायी ऐं तक़लीफ़ुन वारो साल लेखियो वेन्दो आहे पर जिन सिंधियिन इन जो अंदाजो लगाये अगु ई सिंध छड़े भारत में रहण शुरू कियो हो उहे न सिर्फ इन दर्दनाक दौर खां बचिया पर बियन बेघर थी, पहिंजो माल असबाब लुटाये खाली हथें भारत आयल सिंधियिन जा मददगार पिण बणिया। डॉ हीरानंदानी जो कुटुंब उन्हन विरलन खुशनसीब कुटुंबन मां हो। हिन जे कुटुंब 1937 खां वठी मुंबई में रहण शुरू करे छडियो हो।
लखुमल हीरानंद हीरानंदानी 1942 में पहिंजी डॉक्टरी जी पढ़ायी पूरी कयी ऐं FRCS (फेलो ऑफ़ रॉयल कॉलेज ऑफ़ सर्जन्स) जी डिग्री हासिल करण वास्ते इंग्लैंड (UK)रवाना थियो। 1947 में इंग्लैंड मां वापस अची डॉ हीरानंदानी बतोर ENT सर्जन मुंबई जी बी वाय एल नायर हॉस्पिटल सां जुडियो जिते अगते हली हेड ऑफ़ डिपार्टमेंट जे ओहदे ते पहुतो।
1972 में जडिहिं हॉस्पिटल में मथे ऐं गले जी सर्जरी वासिते हिकु अलग डिपार्टमेंट बरपा कियो वियो त उन जो नालो Dr. Hiranandani’s Department of Otolaryngology रखियो वियो। हिन जी कामियाबी जो इहो आलम हो जो “डॉक्टर हीरानंदानी जो कियिल ऑपरेशन ” जहिडा अखर उन समे वापर में हुआ। भारत जे ENT सर्जन्स मां हू पहिरियों हो जहिं खे 1988 में धनवंतरी अवार्ड मिलियो हो।
डॉ हीरानंदानी जी कामियाबी अंञा बि वधीक अहमियत वारी महसूस थींदी जे असां इन गालिह ते धियान डियूं त हू हिकु सिंधी हो। सिंधी कौम उहा कौम आहे जहिं में धंधे खे त अहमियत आहे पर जहिं कौम में पढ़ायी खे माट्रेली धीउ लेखियो वेन्दो आहे। डॉ लखुमल पहिरियों भारतीय हो जेको अमेरिकन सोसाइटी ऑफ़ हेड एंड नेक सर्जरी जो मेंबर चूंडियो वयो हो। International Federation of Otolaryngology डॉ हीरानंदानी खे “गोल्डन अवार्ड ” डिनो त SAARC मुलकन जे सर्जन्स हिन खे बतौर “मिलेनियम ENT ” चूंडियो हो।
झूलेलाल साईं जी महर सां लखुमल खे ट्रे [3] पुट्र जावा जिन मां डॉ नवीन हीरानंदानी पीउ जे बियन जी मदद करण ऐं दुख दर्द दूर करण जे कम खे, हीरानंदानी कुटुंब वसीले 22 -02 -2004 ते मुंबई जे पवई ऐराजीअ में बरपा कियिल डॉ एल एच हीरानंदानी हॉस्पिटल में कमु करे, अगते वधाये रहियो आहे त बिया ब [2] निरंजन हीरानंदानी ऐं सुरेन्द्र हीरानंदानी भारत जे कामियाब ऐं नामवर बिल्डर्स में शुमारिया वेन्दा आहिन।
डॉ हीरानंदानी सदायीं याद रखन्दो हो त हुन जो जन्म झूलेलाल जी सरज़मीं ते थियो आहे। शायद इहो ई सबब हो जो तमाम बिजी सर्जन हूंदे बि हू समाज सेवा जे कमन वासिते वक़त कढन्दो हो 1973 में महाराष्ट्र में अकाल वारियूं हालतूं हुयूं उन वक़त डॉ हीरानंदानी लगभग अठ महीना समाज सेवा जो कमु कियो। 1993 में मुंबई जे दंगन वक़त सामाजिक सिक ऐं शांती महफूज़ रखण में हुन अहमियत वारो किरदार निभायो जहिं वासिते कांग्रेस पार्टी खेस “मौलाना आज़ाद अवार्ड ” सां नवाज़ियो।
डॉ हीरानंदानीअ मुंबई में नेशनल कॉलेज बांद्रा, के सी कॉलेज वगैरह हलायींदड हैदराबाद नेशनल कॉलेजिएट बोर्ड ऐं बियन केतिरिन सिंधी संस्थाउन जी मदद कयी। भारत सरकार हिन जे सामाजिक कमन ऐं बतौर डॉक्टर इन्सानियित जी कियिल सेवा खे धियान में रखी 1972 में पदम भूषण अवार्ड डयी सत्कार कियो।
पवई मुंबई में हीरानंदानी हॉस्पिटल में 06 सितम्बर 2013 ते डॉ लखुमल जो 96 सालन जी उमिर में सुरगुवासु थियो हू अटकल हिक महीने खां वठी वड़ी उमर सां लागापो रखन्दड तंदरुस्ती जी खराबीअ / बीमारी सबब हॉस्पिटल में भरती हो।
डॉ हीरानंदानी - अवार्ड्स
1972 पदम भूषण
1988 धनवंतरी अवार्ड
International Federation of Otolaryngology पारां गोल्डन अवार्ड
SAARC पारां मिलेनियम ENT
मौलाना आज़ाद अवार्ड इंडियन नेशनल कांग्रेस पारां
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.