गोबी पटाटा - सिंधी वेजीटेबल्स
सिंधी रेसीपीज - पोटेटो रेसीपीज - सिंधी खाधो - सिंधी रंघणे मां
गोबी पटाटा हिक अहिडी सिंधी भाजी [वेजिटेबल्स ] आहे जेका तव्हां फुल्कन या चांवर बिन्हिन मां कहिं बि सां गडु खायी सघो था। इहो सिर्फ सिंधी रंधणे में ई मुमकिन आहे त सागी रेसिपी कम आणे सिर्फ ठाहिण जे तरीके में लगभग न जे बराबर फरकु करे तव्हां हिक ई भाजीअ खे बिन अलग अलग रूपन में पेश करे सघो था। जे गोबी पटाटा चांवरन सां खायिणा हुँदा आहिन त रसु वधीक ठाहिबी आहे पर जे गडु फुलको हुजे त रसु घाटी या लगभग न जे बराबर रखबी आहे। गोबी पटाटा त हिक बिये नमूने बि ठाहिया वेन्दा आहिन। तव्हां खे शायद त जाण हूंदी त तरिण [ frying] सिंधी औरतुन जो पसंदीदा कमु आहे हाणे जे सिंधी पुलाव सां गडु गोबी पटाटा ठाहिणा हुजन त गोबी जा टुकर ऐं पटाटे जे टुकरन खे गडु तरियो वेन्दो आहे।
गोबी पटाटा - घुरिबल शयूं
गोबीअ जो गुल [विचोली साइज] – पटाटा – टमाटा – सावा मिर्च अयं सावा धाणा – थूम अदरक जी पेस्ट – गरम मसालो – हैड्र – मिर्च – लूण -गीहु – पाणी
नोटु : गोबीअ जे गुल मां डांडीअ सूधा नंढा नंढा टुकर धार करे पाणी में पुसाये रखण सां गोबी पटाटा वधीक लज़ीज़ ठहन था। केतिरा त गोबी जे टुकरन खे लूणाये पाणीअ में हलको ओबारे कम आणिन था पर इन हालत में भाजी ठाहिण वक़त लूण मिलाईण वक़त धिआनु रखणो पवंदो आहे। पटाटो छिले टुकर करे ऐं टमाटे जा बि टुकर करे रखण सां भेजी ठाहिण वक़त सहूलियत थिये थी।
गोबी पटाटा - रधिण जो तरीको
थांव में थोरे गीह में सावा मिर्च, थूम अदरक जी पेस्ट , गरम मसलो वगैरह, हल्की बाहि ते महक अचण तायीं भूञिंयो।
गोबी,पटाटा , टमाटा हैड्र मिर्च लूण ऐं पाणी विझी हलको मिलायो।
गोबी जे भूरे थियण – पटाटे जे गरण तायीं गर्म कियो।
हिते तव्हां जे रधिण जे हुनर जो इम्तिहान आहे छो जो फुलिके वास्ते भाजी लागि वारी ऐं चांवरन वास्ते रसु वारी खपे इहो मदार रखे थो पाणी जे अंदाज़ ते।
तव्हां जा गोबी पटाटा तैयार आहिन। चाहे फुल्के सां गडु खाओ या चावरन सां।