गोरखपुर

गोरखपुर उतर प्रदेश जे डहन हज़ारन खां वधीक सिंधी जनसंख्या वारन बेहद थोरन शहरन मां हिकु आहे। जडहिं गोरखपुर में सोरिहां सिंधी पंचायत हुजण जी गालिह कनन ते पवे थी त माणुहू जे खियाल में कुदरती तोर वडी सिंधी जनसंख्या अचे थी पर गोरखपुर शहर में इहा गालिह न आहे। गोरखपुर तेज़ी सां तरकी करे पयो थो ऐं नवां रियाइशी इलाका ठहन पया सो सिंधी खुलासे घर सबब इन्हन अलग अलग ऐराजिन में न सिर्फ रहण लगा आहिन पर पहिंजी पहिंजी अलग पंचायत बि थाही अथउं जहिं करे डहन हज़ारन खां बेहद मामूली वधीक डह हज़ार पंज सउ सिंधी जनसंख्या हूंदे बि शहर में सोरिहां पंचायतूं आहिन। असां जी मिलियल जानकारी मूजिब गोरखपुर में रहण वारन सिंधी परिवारन जी कुल संख्या जो डेढु हज़ार तायीं पहुचण बि थोरो मुशकिल आहे।