गुनो समतानी
TSW Citation
मशहूर सिंधी लेखक – साहित्य अकादमी अवार्ड 1972 – मॉडर्न सिंधी साहित्य जूं ट्रे मूरतियूं – सिंधी अदीब
शाह, सचल ऐं सामी खे सिंधी साहित्य जूं ट्रे लासानी मूरतियूं लेखियो वेन्दो आहे। जे विरहांङें खां पोय या मॉडर्न सिंधी साहित्य जो विचार कजे त अहिडी हिक बी त्रिमूर्ती गुनो समतानी, मोहन कल्पना ऐं लाल पुष्प जे रूप में तसवउर में अचे थी।
इनहन टिनहिन न सिरफ पहिंजन तरकीयाफता विचारन जे इजिहार वसीले पर सिंधी भाषा में लिखण जे नयें तरीके वसीले साहित्य सिरजन जी हिक नयीं वसफ़ तियार कयी आहे। इनहन खे मॉडर्न सिंधी साहित्य जूं टे मूरितियूं चवण ग़ैर वाज़िब कोन आहे।
टिनहिन जी हिक आम गालिह इहा बि आहे त उहे सिंधी कहाणी लिखण में शोहरत हासिल सिंधी साहितकार आहिन। जेकडहिं गुनो समतानी सिंधी भाषा में लव स्टोरीज (प्रेम जूं रुमानियत भरियूं कहाणियूं ) लिखण में ऐं सिंधी युथ खे धियान में रखी हिंदी अखरन जे चंगे उपयोग वासिते मशहूर आहे त लाल पुष्प जे लिखण जो मरक़ज़ दार्शनिक नज़रिये खे अहमियत डियण वारो रहियो आहे। मोहन कल्पना खे उहो कहाणी लेखक चयी सघिजे थो जेको तंजवादी आहे या जंहिंजी कहाणिन में किरदार अखरी तंज जो को मोको न था छड़िन।
बायोग्राफी - गुनो समतानी
सिंधी साहित्य में नयूं रिवायतुन जी शुरुआत कन्दड़ ऐं साहित्य अकादमी अवार्ड सां नवाज़ियिल मशहूर सिंधी लेखक गुनो समतानी जो जन्म 14 जुलाई 1933 ते हैदराबाद सिंध में थियो हो। हुन पंहिजे बालपणे जी उमिर जी हद मस पारि कयी हुयी जो देश खे अंग्रेजी राज जी गुलामी खां आज़ादी त मिली पर मुल्क के विरहांङें जी कीमत ते। नतीज़ो इहो थियो जो सिंधी समाज खे सिंध छडे, दर बदर थी भारत लड़े अचण वासिते मज़बूर थियणो पयो।
गाने समतानी पिणु पंहिंजी B.A. तायीं पढ़ाई भारत में ई कयी। खुशकिस्मती सां कॉलेज जी पढ़ायी पूरी कन्दे ई महाराष्ट्र सरकार जी नोकरी करण जो वझु मिलियो। गुनो केतिरा ई साल महाराष्ट्र सरकार जी मुलाज़िमत में गुजारिया, रिटायरमेंट वक़त हू जॉइंट सेक्रेटरी जे ओहदे ते कमु करे रहियो हो।
डिसजे त गुनो समतानी जे साहित्यिक जीवन जी शुरुआत अखबारुन ऐं रिसालन में छपिजण वारिन संदस कविताउन ऐं सिंधी कहाणी लिखण सां थी आहे। किताबन जे तादाद जे लिहाज खां संदस योगदान घटि महसूस थी सघे थो पर इहो यादि रखण जोगि आहे त गुनो समतानी उहो सिंधी साहित्यकार आहे जंहि सिंधी कहाणी लिखण जे उफ़क़ में नवों मयारु कायम कयो आहे। गुनो समतानी मुल्क जे विरहांडगें खां पोय वारे अरसे जी सिंधी साहित्य जी मशहूर त्रिमूर्ती में शुमारियिल आहे बिया ब लेखक आहिन मोहन कल्पना ऐं लाल पुष्प। इन्हन ट्रिन्ही खे संदन तरकीयाफ्ता विचारन ऐं लिखण जे खास नमूने सबब हिकु खास मुकदमे हासिल आहे।
गुनो समतानी बुनियादी तौर हिकु कहाणी लेखक आहे जहिं जूं कहाणिन जो मुख्य विषय घणे भांडें सचे पियार जी तलाश ऐं इंसानी रिश्ता रहियो आहे। संदस कहाणी मजमो “अपराजिता ” जहिं वास्ते खेस 1972 में सिंधी साहित्य अकादमी अवार्ड हासिल थियो तहिं में छह कहाणियूं आहिन। मुखे हिकदम चिट्री तरह सां त यादि कोन आहे पर शायद त इहो 1990 -1995 जे विच वारा साल हुआ जो मुखे गुनो समतानी जी हिक कहाणी जो अंग्रेजी तरजुमो The Boundary Line पढ़ण जो मोको मिलियो हो। इन कहाणी में हिन हकीकत पसंद ऐं तरकीयाफता विचारन वारे सिंधी साहित्यकार वडी उमिर वारन जो अकसु अहिड़े असिरायिते नमूने उकेरियो हो जो मुखे अजु बि यादि आहे त इहा कहाणी हुयी उन बुजुर्ग औरत जी जेका बुढ़ा आश्रम में सिर्फ इन करे रहे पयी जो संदस नाठी (नियाणे) खे इहो महसूस थियो त ससु वठां सूखड़ी तोर मिलियल फिलेट उन्हन सभनी जे रहण वासिते नंढो आहे।
सिंधी अदब वास्ते हिन जे योगदान वास्ते महाराष्ट्र सरकार पिण गौरव पुरस्कार सां हिन जो सत्कार कियो आहे। पंहिंजी साहित्यिक रचनाउन सां गडु गुनो समतानी महाराष्ट्र सिंधी साहित्य अकादमी जी शुरुआत खां वठी 1995 तायीं अकादमी जो सेक्रेटरी हो। पहिंजे 64 वें जन्म डीहं खां कुछ डीहं पोय 16 अगस्त 1997 ते संदस सुरगुवास थियो।
गुनो समतानी - लिखियिल किताब
गुनो समतानी जे साहित्यक जीवन जी शुरुआत अखबारुन, रिसालन में कहानियूं ऐं कविताउन जे छपिजण सां थियल आहे सो खेसि आमु माणुहअ जो सिंधी साहित्यकार लेखियो वेन्दो आहे। संदस लिखियिल कुझु मशहूर किताबन जा उनवान आहिन :-
अभिमान
अपराजिता
वापस
Books Window
अवार्ड - गुनो समतानी
साहित्य अकादमी अवार्ड (सिंधी भाषा): 1972
किताब जो उनवान: अपराजिता (सिंधी कहाणी संग्रह)
बिया अवार्ड
महाराष्ट्र सरकार पारां – महाराष्ट्र गौरव पुरस्कार
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.