डॉ हरुमल सदारंगानी
Introductory / TSW Citation
फेमस सिंधी कवी – सिंधी रुबायिन जो बादशाह – सिंधी उमर ख़य्याम – साहित्य अकादमी अवार्ड 1978
1978 में सिंधी भाषा वासिते साहित्य अकादमी अवार्ड हासिल कन्दड़ डॉ हरुमल इसरदास सदारंगानी सिर्फ हिकु फेमस सिंधी कवी न आहे पर सिंधी अदब जी उहा शख्सियत आहे जहिं खे सिंधी उमर ख़य्याम जो लक़ब हासिल आहे। “खादिम ” तखलुस वापिरायिण वारे सदारंगानी साहिब लेखणी ते पर्शियन भाषा जो जोश पैदा करण वारो असर नज़र अचे थो। शायद इन्ही असर हेठि संदस कविता रुपी इजिहार रुबायी ऐतिरी त पुर असर साबित थी जो हिन खे सिंधी रुबायिन जो बादशाह जहिड़े लक़ब सां बि याद कियो वेन्दो आहे।
बायोग्राफी - एच आय सदारंगानी
डॉ हरुमल सदारंगानी जहिंजो जन्म 22 अक्टूबर 1913 में शहदादपुर नवाबशाह सिंध में थियो आहे सो एच आय सदारंगानी जे नाले सां वधीक मशहूर आहे। डॉ सदारंगानी कराची जे नामवर डी जे सिंध कॉलेज में फ़ारसी भाषा जे डिपार्टमेंट जो हेड बि रही चुको आहे। संदस अदबी सफर जी शुरुआत काफी नंढी उमिर खां थी आहे। विद्यार्थी जीवन में छहें दरिजे में हून्दे हुन साधु हीरानंद ते हिकु लेख लिखियो हो जहिं वास्ते मिलियल इनाम में रबिन्द्रनाथ टैगोर जो किताब “वन हंड्रेड वन पोयम्स ऑफ़ कबीर ” बि हो। हकीकत में इन किताब उहो बिजु पोखियो जहिं मां सिंधी अदब जी शानदार शख्सियत कवी सदारंगानी जो जन्म थियो। हैदराबाद में पढ़ायी जे अरसे में खेस लेखराज अज़ीज़ जे घर अचण वञण जो वझु मिलियो हो जहिं पिण हिन जे अंदुरुनी शायरी वारिन सलाहियतुन खे वाधि पायिण जो मोको डिनो।
डॉ हरुमल सिंधी अदब जे वधीक तैलीमयाफता अदीबन में अगिरो आहे। सिंधी साहित्य जी सेवा करण में हिन वांगुर Ph. D. ऐं D.Lit. जहिड़ियूं डिग्रीयूं हासिल कन्दड़ के विरला ई आहिन। असल में फ़ारसी में M.A. करण खां पोय हिन डी जे सिंध कॉलेज में पढ़ाहिण जो कमु शुरू करे छडियो हो। भारत में लड़े अचण खां पोय दिल्ली जे हिक कॉलेज में प्रोफेसर जो कमु करण लगो। डॉ सदारंगानी आल इंडिया रेडियो ते फ़ारसी जे सुपरवाइजर जो कमु बि कयो हालांकि इहो थोरे अरसे वास्ते हुओ। हुन साहित्य अकादमी जे एडवायजरी बोर्ड जे कन्वीनर तौर ऐं सेंट्रल हिंदी डायरेक्टरेट जे सिंधी विभाग जे चेयरमैन तौर बि सिंधी साहित्य जी सेवा कयी आहे।
स्कूली ज़िन्दगीअ खां शुरू थियिल संदस अदबी चाह कॉलेज जी पढ़ाई दौरान काफी तरकी कयी। इन अरसे में हिन सिख गुरु, गुरु गोबिंद सिंह जी ज़िंदगीअ ते हिक कविता लिखी जहिं न सिर्फ खेस मशहूर कियो पर सिंधी अदब में दाखिला बि डियारो छो जो इन कविता खां पोय ई डॉ सदारंगानी खे मुशारियन ऐं बियन अदबी मजलसुन में बहरो वठण जो मोको मिलियो। इन्हन मोकन ते खेस सिंधी अदबी दुनिया जी परसराम जिया जहिडिन नामवर शख़्सियतुन सां मिलण जो वझु मिलियो ऐं हिन जी दिल में नामवर थियण वास्ते चाहु पैदा थियो। इहो सचु आहे त डॉ सदारंगानी जी लेखणी ते फ़ारसी भाषा जो असर आहे पर हिन जी लिखियिल रुबायिन खेस हरदिल अज़ीज़ अदीब बणाये छडियो। “कख ऐं काना” ऐं “सिंध जा पर्शियन कवी ” जहिड़ा किताब लिखी डॉ सदारंगानी डेखारियो त नज़म सां गडोगडु नसर में बि खेस महारत हासिल आहे।
सिंधी भाषा, सिंधी नज़म तोड़े नसर, सिंधी साहित्य जे वाधारे में डॉ सदारंगानी जे योगदान जी क़दुरशिनासी कन्दे साहित्य अकादमी पारां खेसि कविता संग्रह चीख वासिते साहित्य अकादमी अवार्ड (सिंधी भाषा) सां नवाज़ियो। 07 दिसंबर 1992 ते सिंधी अदबी दुनिया में पडादो पैदा कन्दड चीख कायनात खे बुधायो त खादिम पहिंजो फानी दुनिया जो सफर पूरो करे परलोक पधारियो।
अदबी योगदान - लिखियिल किताब
चयिजे थो डॉ सदारंगानी जे लिखियिल किताबन जो तादाद अटकल तीह आहे पर हिते असां संदस कुछ मकबूल किताबन जा उनवान डयी रहिया आहियूं।
रंगीन रुबायूं
कख ऐं काना
परिहा जी बाख
खुशबू जो सफर
रूह डिनो रेलो
चीख
सिंध जा पर्शियन कवी
शाह जूं चूंड शिरू
भारत जी अजु जी कविता
Books Window
डॉ एच आय सदारंगानी - अवार्ड्स
साहित्य अकादमी अवार्ड (सिंधी भाषा): 1978
किताब जो उनवान: चीख (कविता संग्रह)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.