Everlasting Blessings of Mata Dadanbai & Dr. Premchand Manghirmalani

नींगर हेमू कालाणी जी शहादत जो डींहूं

advertise here

Advertise Here

नींगर हेमू कालाणी जी शहादत जो डींहूं [21-01-2017]

अमर शहीद हेमू कालाणी खे सिर्फ 19 सालन जी उमर में 21 जनवरी 1943 ते अंग्रेज सरकार फासी ते लटिकायो। सिन्धियत सच्चे सपूत जे शहादत जे डींहं ते भारत जे सिन्धियन श्रधान्जली डिनी।
लखनऊ मां श्री अमृत राजपाल लिखन था त सिंधी काउन्सिल ऑफ़ इंडिया पारां रखियल शहादत वास्ते ड्रूक [रन फॉर शहादत] जी शुरुआत युथ विंग जे प्रदेश अध्यक्ष श्री वीरेंद्र खत्री साओ झंडो डेखारे कयी। इन मोके ते काउंसिल जा अध्यक्ष डॉ महेश सुरतानी, विवेक लधानी, उमेश जीवनानी, शहर जे वाशिन्दन सां गडु उ.प्र. सिंधी एकडेमी जा उपाध्यक्ष अमृत राजपाल बि मौजूद हुआ। इन डींहं ते टेबल टेनिस चटा भेटी बि रखी वयी हुयी।

बैरागढ़ भोपाल मां श्री धर्मेन्द्र सबनानी ऐं हरीश मेंघानी : भारतीय सिंधु सभा भोपाल पारां रखियल शहीद स्मरण यात्रा जो उदघाटन प्रदेशाध्यक्ष श्री भगवानदास सबनानी हेमू कालाणी जे पुतले खे पुष्पमाला अर्पण करे कियो। इन मोके ते संत हिरदाराम नगर जे सिन्धियिन जो ग्वालियर जे श्री राजेश वाधवानी स्वागत कियो ऐं हेमू कालाणी जे जीवन बाबत विचार रखिया।

बुरहानपुर मध्यप्रदेश, अहमदाबाद ऐं आदिपुर गुजरात जी भारतीय सिंधु सभा, फैजाबाद जी सिंधी काउन्सिल ऑफ़ इंडिया बि शहादत जो डींहुं मलिहायो। दिल्ली में संसद भवन में थियल कार्यक्रम में साईं जगदीशलाल, हेमनदास मोटवानी, देवीलाल लालवानी, कमल खत्री, इंद्रकुमार ज्ञानचंदानी ऐं बिया केतिरा ई शामिल थिया।

गांधीनगर कोल्हापुर में बि श्रधान्जली जे कार्यक्रम सां गडु रैली कढ़ी वयी जहिं में प्राइमरी स्कूल जा बार, भारतीय सिंधु सभा जा ओहदेदार ऐं शहर जा वाशिंदा शामिल थिया।

hemu21012017