हीरो ठाकुर
TSW Citation
फेमस सिंधी अख़बार नवीस – शोध विद्वान – साहित्य अकादमी अवार्ड 2003 – शोध साहित्य सृजनकर्ता
हीरो ठाकुर, उहो मकबूल सिंधी अदीब जहिं खे 2003 में मुख्य अवार्ड ऐं 2012 में तरजुमे वास्ते सिंधी साहित्य अकादमी अवार्ड सां नवाज़ियो वियो आहे।
तव्हां खे पंहिजे अंदर में हासिल करण जो जुनून पैदा करणो आहे, जेकडहिं तव्हां वटि जिदु ऐं लागीतो सखतु मेहनत करण जी सलाहियत जज़्बो आहे त पक समझो त तव्हां जी मुकिरर कयल कामियाबी जी मंज़िल हासिल करण में किसमत या कुदरत बि तव्हां जी मदद करण वासिते मज़बूर थी वेंदी। मां समझां थो हीरो ठाकुर जी ज़िंदगी जो मरकज़ी विचार इहो ई आहे। छाकाण त चाहे इहो संदस सोरिहीं सदी जे बेमिसाल सिंधी कवी क़ाज़ी कदन ते लिखियल शोध मज़मून हुजे या भेरूमल मेहरचंद जी जीवनी इहे वक़त जी हदुन खां परे लासानी साहित्यिक रचनाउं आहिन ऐं हीरो ठाकुर जी सिंधी साहित्य खे डिनल अमोलक सूखड़ी आहिन। शोध साहित्य सृजनकर्ता, अख़बार नवीस (हिंदुस्तान सिंधी डेली जो पार्लियामेंट ऐवजी) नामवर कवी, आल इंडिया रेडियो जी सिंधी न्यूज़ जो इंचार्ज , अदबी मज़मून जी माहिर मकबूल शख्सियत, साहित्यिक इजिलासन सेमीनार्स जो दुलारो हरदिल अज़ीज़ रिसोर्स पर्सन मतलब सिंधी अदब जी जंहिं में सिन्फ़ में तव्हां लियो पाईन्दा उते हीरो ठाकुर जी मौजूदगी जा निशान डिसन्दा। टीम TSW वड़े फ़खुर सां संदस जानकारी शेयर करे रही आहे।
बायोग्राफी - हीरो ठाकुर
हीरो ठाकुर जो जन्म 02 मार्च 1943 ते हैदराबाद [सिन्ध] में थियो हो पर स्कूली तैलीम शुरू थियण खां अगु ई विरहांङें सबब कुटुंब खे सिंध छड़े भारत अचिणो पयो। संदस कुटुंब उल्हासनगर में थायींको थियण जो फेसिलो कयो नतीज़े तौर हिन उल्हासनगर जे S.E.S. स्कूल नंबर – 1 में स्कूली तैलीम हासिल कयी ऐं पोय तलरेजा कॉलेज मां ग्रेजुएशन [बी ए आनर्स] कियो। हीरो ठाकुर राष्ट्र भाषा रतन जे इम्तिहान में बि पास थियो।
ग्रेजुएट थियण जे बिन सालन जे अंदर मतलब 1967 में हुन खे आल इंडिया रेडियो दिल्ली जे खबरुन जे सेक्शन में नौकरी मिली। खेस सिंधी खबरुन जे सेक्शन जी जवाबदारी [इंचार्ज] डिनी वयी। आल इंडिया रेडियो ते कमु कन्दे हिन अख़बार नवीसी जी दुनिया में बि दाखिला वरती ऐं हिंदुस्तान सिंधी [ रोज़ानो अख़बार] जे पार्लियामेंट ऐवजी तौर कमु करण लगो।
हीरो ठाकुर खे महसूस थियो त शायद त इहो सभु सिंधी बोली ऐं सिंधी साहित्य जी सेवा वास्ते घटि आहे सो हिन कविता लिखण, छंड छाण ऐं खोजना वारा मज़मून लिखण शुरू किया। अजु तायीं हिन जूं 200 खां बि वधीक कविताऊं छपिजी चुकियूं आहिन। हिंदी जी केतिरिन कहाणिन जो हिन तरजुमो पिण कियो आहे सो खेसि लाजवाब सिंधी तरजुमेकार जो लक़ब पिणु हासिल आहे।
शोध साहित्य सृजनकर्ता - हीरो ठाकुर
सिंधी अदबी संसार में खेसि पके इरादे वारो इंसान जे रूप में मशहूरी हासिल आहे। हीरो ठाकुर इन गालिह सां बखूबी वाक़िफ़ हुओ त कहिं लासानी बेमिसाल साहित्यिक रचना जो मतलब आहे हिकु तमाम डुखियो कमु करण , कंडन भरी राह ते पेरन उघाड़े हलण ऐं तमाम तक़लीफ़ुन खां पोय बि धीरज जो दामन पहिंजन हथन मां न निकरण डियण। हिन गालिह जो लागापो आहे सिंधी साहित्य जी अजीमोशान हस्ती, जहिं जी हर हिक रचना खे वक़त जी हदुन खां परे ऐं नओं इतिहास लिखन्दड लेखियो वेन्दो हुजे, तहिं बाबत कुछ लिखणो हुजे त मतलब सिर्फ हिक ई आहे त अण थीन्दड कमु करण जो इरादो करण। इन्हन सभनी हक़ीक़तुन सां वाक़िफ़ हूंदे बि हीरो ठाकुर सोरिहीं सदी जे बेमिसाल सिंधी कवी क़ाज़ी कदन ते शोध मज़मून लिखण जो फेसिलो कयो हो।
हिन जो चवण हो त इहो कमु उन्हन तक़लीफ़ुन ऐं दुखन जेतिरो दर्दनाक त न हूंदो जिनखे हुन सिर्फ पंजन सालन जी उमर में मुल्क जे विरहांङें सबब डिठो ऐं मुहं डिनो हो।
अदबी योगदान - लिखियिल किताब
200 खां बि वधीक सिंधी कविताउन खां सिवाय सिंधी साहित्य खे जेका बेशकीमती सूखड़ी हीरो ठाकुर डिनी आहे सा आहे क़ाज़ी कदन जो कलाम इहो हिकु शोध मज़मून [ Research work] आहे जेको 1978 में छपजियो ऐं जहिं वास्ते हिन खे न सिर्फ साहित्य अकादमी अवार्ड पर बिया बि केतिरा अवार्ड मिलिया। हीरो ठाकुर जे किन चूंड किताबन जा उनवान हेठि डिजन था।
कृष्णचन्दर जूं नंढियूं कहाणियूं [ तरजुमो – 2012 जो साहित्य अकादमी अवार्ड तरजुमो]
तहक़ीक़ ऐं तनक़ीद [अदबी मज़मून]
बेहतरीन सिंधी मज़मून
भेरूमल मेहरचंद [जीवनी]
गोलियूं [देश भक्ति जा गीत]
Books Window
हीरो ठाकुर - अवार्ड
साहित्य अकादमी अवार्ड (सिंधी भाषा): 2003
किताब जो उनवान: तहक़ीक़ ऐं तनक़ीद (अदबी मज़मून)
बिया अवार्ड
साहित्य अकादमी जो तरजुमो अवार्ड (कृष्णचन्दर जूं नंढियूं कहाणियूं) 2012
सिंधी सोशल एंड कल्चरल कौंसिल जो सिंधी रतन अवार्ड
सेंट्रल हिंदी डायरेक्टरेट पारां अवार्ड
NCPSL पारां अवार्ड
1983 जी वर्ल्ड सिंधी कांफ्रेंस दौरान भारत जे राष्ट्रपति जे हथन सां खास ट्रॉफी
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.