Everlasting Blessings of Mata Dadanbai & Dr. Premchand Manghirmalani

हितेन तेजवानी

advertise here

Advertise Here

बायोग्राफी – हितेन तेजवानी

फेमस सिंधी मॉडल एक्टर - क्यूंकि सास भी कभी बहू थी - टेलीविजन सीरियल

hiten_tejwaniइन गालिह खे को घणो अरसो कोन थियो आहे जो असां जे मुल्क जूं टेलीविजन सिरिअल्स जूं शौकीन जायफुं न सिर्फ पाण में विराणी कुटुंब जूं गालिहियुं कन्दुयुं हुयुं पर वढी बेसबरीअ सां क्यूंकि सास भी कभी बहू थी जे टेलीविजन ते अचण जो इन्तिज़ार बि कन्दुयुं हुयुं छो जो हर का चाह रखन्दी हुयी त खबर पवे त अगते छा थियो। ३ जुलाई २००० ते शुरू थियिल इन टेलीविजन सीरियल जे माणुहुन कहे पसंद अचण जो अंदाज़ इन गालिह मां लगे थो त इहो सीरियल हिंदुस्तानी टेलीविजन सिरिअल्स जे इतिहास में सभ खां वधीक अरसे लगभग २००० एपिसोड्स [मुहिंजी जाण मूजिब १८३३ ] तायीं टेलीकॉस्ट थियिल सीरियल साबित थियो। भारत सरकार में हिन वक़्त [२०१५] एच आर डी मिनिस्टर जे ओहदे ते कमु कन्दड स्मृती ईरानीअ क्यूंकि सास भी कभी बहू थी में सभ खां अहमियत वारो तुलसी विराणी जो मतलब नूहं जो रोल कियो हो।

भारतीय टेलीविजन इतिहास जे इन ज़बरदस्त कामियाब सीरियल में काफी अहमियत वारो करन विराणी [मिहिर विराणी जो पुट्र] जो रोल नवजवान पर फेमस सिंधी मॉडल एक्टर हितेन तेजवानी कियो हो। हितेन जो जन्म मुंबई जे उपनगर गोरेगांव में आशा अं जेठानंद तेजवानी जे घर ०५ मार्च १९७४ ते थियो हो।

हितेन जी पढ़ायी सेंट फ्रांसिस हाय स्कूल अं जय हिन्द कॉलेज में थी। पढ़ायी पूरी थियण खां पोय पिता भोजराज जिनजो कपडे जो धंधो हो से चाहिन पिया त हितेन धंधे खे अगते वधाये पर हितेन जो सपनो हो बॉलीवुड मतलब फिल्म अं टेलीविजन में को मुकाम हासिल करण सो हू बुनियादी गालिहियुं सिखण जी मुराद सां अंकुर थिएटर ग्रुप सां जुडियो।

टेलीविजन ते कामियाब थियण अगु हितेन केतिरिन कमर्शियल्स [जाहिरात] में मॉडल एक्टर तौर कमु कियो हो जिनमे मुख्य हुआ क्लोजअप, TVS स्कूटी अं ब्रीज साबुण। सोनी टीवी ते डेखारियिल "घर एक मंदिर " पहिरियों सीरियल हो जहिं में हितेन कमु कियो हो। एकता कपूर अं शोभा कपूर जे मशहूर बालाजी टेलीफिल्म्स सां जुड़ण खां हितेन तेजवानी खे वधीक कामियाबी मिली।

बालाजी टेलीफिल्म्स जे सीरियल "कुटुंब" में हिन जे कम जी सभनी सारह कयी। इन सीरियल जी शूटिंग जे वक़्त सीरियल में कमु कन्दड गौरी पटवर्धन अं हितेन में प्यार थी वियो अं उन्हन २९ अप्रैल २००४ ते शादी कयी। २००९ में कहें जुड़वा बार धीउ कात्या अं पुट्र नेवान जावा। हालांकि इहो चयो वेन्दो आहे त हितेन इन खां अगु बि घरवारन जी मर्ज़ी सां शादी कयी हुयी पर सिर्फ ११ महीनन में ई तलाक बि थी वियो हुअुस।

टेलीविजन सिरिअल्स खां सिवाय हितेन कृष्णा कॉटेज अं जॉगर्स पार्क जहिडिन किन फ़िल्मुन में बि बतौर एक्टर कमु कियो आहे पर संदस का बि फिल्म कमायी जे लिहाज खां कामियाब कोन थी आहे। बिये पासे टेलीविजन सिरिअल्स जी दुनिया में हितेन हिकु स्टार आहे सो हिन फ़िल्मुन जी जगह ते सिरिअल्स खे वधीक अहमियत डियण जो फैसलों कियो। २००५ अं २०१० में ब भेरा इंडियन टेलीविजन एकडेमी अवार्ड सां नवाजिण खां सिवाय हितेन बिया कतीरा अवार्ड्स हासिल करे चुको आहे।

एक्टिंग अं मॉडलिंग मां सुठी कमायी हूंदे बि हितेन Barcode O53 नाले सां रेस्टॉरेन्ट खोलियो आहे। हिन वक़्त हितेन ऐंड टीवी जे सीरियल "गंगा" में कमु करे रहियो आहे किन अखबारी खबरून मूजिब हितेन फिल्म तेरे आने से जी शूटिंग करे रहियो आहे जेका शायद त २०१६ में रिलीज़ थींदी।

हितेन तेजवानी – सिरिअल्स अं फिल्म्स

हितेन तेजवानी जे सिरिअल्स जी लिस्ट
Ghar Ek Mandir
Kabhii Sautan Kabhii Sahelii
Kaahin Kissii Roz
Kutumb (Season 1 & 2)
Kyunki Saas Bhi Kabhi Bahu Thi
Kahiin To Hoga
Kusum
Kavyanjali
Mukti Bandhan
Pavitra Rishta

हितेन तेजवानी सिर्फ पंजन फिल्म्स Joggers Park, Krishna Cottage, Anwar, Entertainment and Thoda Lutf Thoda Ishq में कमु कियो आहे। टेलीविजन जे बियन शोज जिन में हितेन शामिल थियो आहे से आहिन
Jodi Kamaal Ki
Nach Baliye
Koffee With Karan
Kya Aap Paanchvi Pass Se Tez Hain?
Nach Baliye 4

हितेन तेजवानी – अवार्ड्स

हितेन तेजवानी खे मिलियिल अवार्ड्स जी लिस्ट हेठ डिजे थी।
2010: India Ne Banadi Jodi Awards & Indian Television Academy Awards
2008: The Global Indian TV Honours
2005: Indian Television Academy Awards
2004: Star Parivaar Awards and Indian Telly Awards