जयपुर

सिंधी साहित्य : जयपुर जा ट्रे सिंधी साहित्यकार सुंदर अगनानी, वासुदेव सिंधु भारती ऐं लछ्मण भंभाणी सिंधी अदबी संसार में जयपुर त्रिमूर्ती (Trio) जे रूप में मशहूर आहिन।
चैत्र मेला : अमरापुर स्थान ते हर साल चैट्र महीने (April – May) में थियण वारे प्रेम प्रकाश पंथ जे इन सालने उत्सव में न सिर्फ देश विदेश जा हज़ारें सिंधी श्रध्दालू शामिल थियन था पर इहो चैत्र मेलो जयपुर जी सुञाणप बि बणिजी वयो आहे।
सिंधी जनसंख्या : जयपुर जी सिंधी जनसंख्या बाबत कुझु मुंझारो आहे किन समाज सेविन जो दावो ट्रिन लखन जो आहे त के वरी पंज लख हुजण जी गालिह कनि था। असां खे इहा गालिह धियान में रखण घुरिजे त पोयन कुझु डहाकन खां वठी (1980 -1990) सिंधी समाज वडन कुटुंबन जी जगह ते ट्रिन खां पंजन भातिन वारन नंढन परिवारन खे न सिर्फ पसंद कयो पर अमल में बि आन्दो आहे। हाणे जे इन्हन समाज सेविन जे ट्रिन ऐं पंजन लखन जे दावन ते विशवास कजे त जयपुर शहर में रहण वारन सिंधी परिवारन जी संख्या सठि हज़ारन खां हिक लख जे विच में हुजण घुरिजे। सिंधी परिवारन जी संख्या जो इहो अंगु हकीकत सां न थो ठहिके।