पदम विभूषण एल के आडवाणी
TSW Citation
फेमस सिंधी राजनेता – वकील – लोह पुरुष
सिंधियत जे ताज़ जो रोशन, चमकंदड आला हीरो आहे एल के आडवाणी या लालकृष्ण आडवाणी। भारत में आडवाणी अकेलो सिंधी आहे जहिं खे 03 फरवरी 2024 ते भारत सरकार पारां डिनो वेंदड वडे में वडे अवार्ड भारत रतन सां नवाजियो वियो। 2015 में जडहिं खेनि पदम विभूषण मिलियो हुओ तहिं वकत बि इहो अवार्ड हासिल करण वारो पहिरियों सिंधी हुआ।
न सिरफ सिंधी मौजूदगी जे लिहाज़ खां बियाबान खेतर राजनीती में हुन जी कामियाबी कंहिं बि भेट खां परे आहे आडवाणी अकेलो सिंधी आहे जंहि केतिरा ई साल बीजेपी जे राष्ट्रीय अध्यक्ष तोर कम करण सां गडु भारत जे डेप्युटी प्रधानमंत्री तोर बि कमु कयो आहे। आडवाणी पको हिंदुत्व वादी ऐं उसूलन ते हलण वारो शख्सु आहे शायद इहो ई सबब आहे जो हिक सिंधी जे ऐडन वडन ओहदन ते रहण जो सिंधी कौम खे ओतिरो फायदो न पहुतो आहे। आडवाणी लोकशाही जे सिद्धांत सभनी खे हिक जहिड़ा मोका ऐं सहूलियतूं जो बेहद सख्ती सां पालन कयो आहे।
..
बायोग्राफी - एल के [लालकृष्ण] आडवाणी
जडिहिं गालिह देश जी सियासत जी हुजे त इहो नामुमकिन आहे त दिल्ली या नई दिल्ली जो ज़िकर न थिये पर जे गालिह बी जे पी ते पहुती त हिकु भेरो चाहे देश जे माज़ी प्रधान मंत्री श्री अटल बिहारी वाजपेयी या हाणोके प्रधानमंत्री श्री नरेंद्र मोदी जो नालो अचे न अचे पर फेमस सिंधी राजनेता लालकृष्ण आडवाणी जो नालो त अचिणो ई अचिणो आहे। हिन वक़त [2021] बि चाहे बी जे पी सरकार जी अगुवानी श्री नरेंद्र मोदी करे रहियो आहे। पार्टी जो अध्यक्ष श्री जे पी नड्डा आहे पर तहिं हूंदे बि पार्टी में लालकृष्ण आडवाणी जी अहमियत आहे। आखिर श्री एल के आडवाणी बी जे पी जो लोह पुरुष आहे सो हुन खे मान वारो ओहदो डियण जी मुराद सां पार्टी में मार्ग दर्शक मंडल ठाहियो वयो आहे।
1980 खां पोय जे समे जो जे विचार कजे त मुल्क जी सियासत जो इतिहास तोड़े सियासी हलचलूं हिक मरकज़ी शख्सियत जे चौगिरद आहिन। इहा शख्सियत सियासत में विरले [खास करे 1947 जे मुल्क जे विरहांङें खां पोय] बहिरो वठन्दड सिंधी कौम मां लालकृष्ण आडवाणी आहे। सिंधी कौम जो भारत जी सियासत खां परे रहण जो सिर्फ हिकु सबब आहे त सिंध मां बेघर थी आयल सिंधी नयीं सामाजिक हालतुन सां पाणु ठहकायिण ऐं पहिंजे माज़ी वारे माली [Economic] रुतिबे खे वरी हासिल करण में मशगूल हुआ। हाणे 70 सालन खां पोय हालतुन में कुछ तबदील अीन्दी नज़र अचे थी छो जो शंकर लालवानी जहिड़ा कुछ सिंधी नवजवान लालकृष्ण आडवाणी ऐं राम जेठमलानी जहिडियिन कामियाब ऐं नामवर सिंधी सियासतदानन जे नकशे कदम ते हली सियासत में बहिरो वठण जो चाहु ऐं कामियाबी हासिल करण जो रुख डेखारिन पया था।
लालकृष्ण आडवाणी जेको एल के आडवाणी जे नाले सां वधीक मशहूर आहे सो आज़ाद भारत जो विरलो सिंधी राजनेता आहे। सियासी तौर हू जनसंघ जेको अगते हली बी जे पी [भारतीय जनता पार्टी] में बदिलिजी वियो सां जुडियिल आहे। देश ऐं सियासत जे बारे में हिन जी विचार धारा मुल्क जे पहिरियें गृह मंत्री सरदार वल्ल्भभाई पटेल जे विचारन सां मेल रखन्दड आहे जहिं करे हिन खे बी जे पी जो लोह पुरुष इहो लक़ब पिण मिलियो आहे।
डिसजे त इहा लालकृष्ण आडवाणी जी “रथ यात्रा ” हुयी जेका बी जे पी जे मरक़ज़ में हुकूमत हासिल करण ऐं अटल बिहारी वाजपेयी [प्रधान मंत्री] जी सरकार ठहण जो सबब बणी। इन सरकार में एल के आडवाणी खे डेप्युटी प्रधान मंत्री जो ओहदो डीन्दे गृह खाते जहिडो अहमियत वारो खातो पिणु मिलियो हुओ।
सियासती विचार धारा जे लिहाज खां आडवाणी खे हार्ड लाइनर पॉलिटिशंस में शुमार कयो वेंदो आहे। हुन जो हिंदुत्व में पको विशवासु आहे ऐं आर एस एस [राष्ट्रिय स्वयं सेवक संघ] सां संदस नातो तमाम गहिरो ऐं मज़बूत आहे।
एल के आडवाणी - सरनामो [प्रोफाइल]
फेमस सिंधी सियासतदान – बी जे पी जे लोह पुरुष – लालकृष्ण आडवाणी जे जीवन सां लागापो रखन्दड हकिकतूं
सजो नालो :: लालकृष्ण किशनचंद आडवाणी
माउ जो नालो :: ग्यानीदेवी किशनचंद आडवाणी
जन्म तारीख :: 08 नवंबर 1927
जन्म जो हंद : कराची [सिंध]
पढ़ायी :: शुरुआती स्कूली पढ़ाई – सेंट पैट्रिक हाय स्कूल कराची
कॉलेज जी पढ़ायी – डी जी नेशनल कॉलेज ऐं गवर्नमेंट लॉ कॉलेज हैदराबाद
पढ़ायी पूरी करण – मुंबई [बॉम्बे] यूनिवर्सिटी मां एल एल बी जी डिग्री
शादी ::: 22 फरवरी 1965
ज़ाल जो नालो::: कमला
बार :: प्रीतिभा [धीउ ] ऐं जयंत [पुट्र ]
पसंदीदा वक़्त गुजारी ::: हिंदी फिल्मस । हू नाटक डिसण बि पसंद कन्दो आहे पर संदस राये मूजिब घणन माणुहुन तायीं पहुची सघण जी सलाहियत सबब फिल्म नाटक खे आग़ डयी वञन थियूं।
पसंदीदा किताब::: रामायण ऐं महाभारत [सी राजगोपालाचारी जा लिखियिल ] ऐं “जय सोमनाथ ” के एम मुंशी जो हिंदी में लिखियिल
अवार्ड::: 2015 पदम विभूषण 2024 भारत रतन [ वडे में वडो सिविलियन अवार्ड ]
लालकृष्ण आडवाणी सियासी सफ़रनामो
एल के आडवाणी जे सियासी जीवन साल दर साल [टाइम लाइन] हेठि डिजे थी
1942 – राष्ट्रिय स्वयंसेवक संघ [आर एस एस ] में शामिल थियण
1947 – कराची शहर जो आर एस एस जो ऑर्गनाइजर
1947 -1948 – अलवर, अजमेर ऐं राजस्थान जे बियन जिलन में बतौर संघ प्रचारक कमु करण
1951-1957 – जनसघ जो राजस्थान राज्य जो सेक्रेटरी
1957 – दिल्ली जनसंघ ऐं पार्लियामेंट्री ग्रुप जो सेक्रेटरी
1970-1989 – राज्य सभा जो मेंबर
1973-1977 – जनसंघ जो अध्यक्ष
1973- 1975 – मीसा में गिरफ़्तार [बैंगलोर जेल]
1977 – इनफार्मेशन एंड ब्राडकास्टिंग खाते जो कैबिनेट मिनिस्टर
1980 – बी जे पी जो फाउंडर सेक्रेटरी ऐं राज्य सभा में लीडर ऑफ़ अप्पोज़ीशन
1986 – बी जे पी जो राष्ट्रीय अध्यक्ष
1989 – लोक सभा चूंडू खटण
1991 – लोक सभा चूंडू वरी खटण ऐं लीडर ऑफ़ अप्पोज़ीशन
1998 – कैबिनेट होम मिनिस्टर
1999 -2004 – भारत जो डेप्युटी प्रधान मंत्री
2004 – लोक सभा चूंडू वरी खटण ऐं लोक सभा में लीडर ऑफ़ अप्पोज़ीशन
2009 – लोक सभा चूंडिन में बी जे पी जो प्रधान मंत्री जे ओहदे वासिते उमेदवार
2011 – करप्शन बरख़िलाफ़ सुजागी वास्ते बिहार मां जन चेतना यात्रा जी शुरुआत
2013 – “दृष्टिकोण ” ऐं “राष्ट्र सर्वोपरी ” ब हिंदी किताब ब्लॉग ते आणिण
2014 – लोक सभा चूंडू वरी खटण [छहों भेरो] – अटल बिहारी वाजपेयी ऐं मुरली मनोहर जोशी सां गडु बीजेपी जे मार्गदर्शक मंडल जो मेंबर
लालकृष्ण आडवाणी जा लिखियल किताब
हिंदी में
नज़रबंद लोकतंत्र -2016
दिर्ष्टिकोण – 2016
राष्ट्र सर्वोपरी -2014
अंग्रेजी में
As I See It: LK Advani’s Blog Posts (2011)
My Country My Life (2008) (Autobiography)
New Approaches to Security and Development (2003)
A Prisoner’s Scrap-Book (2002)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.