एम कमल
Introductory
फेमस सिंधी कवी – सिंधी ग़ज़ल – नाटकनवीस – साहित्य अकादमी अवार्ड 1989
अकादमी अवार्ड हासिल कयलन में शुमारियिल मूलचंद मंघाराम बिंदरानी पहिंजे अदबी नाले एम कमल सां वधीक मशहूर आहे। सिंधी अदबी दुनिया में एम कमल पहिंजी कविताउन, खास करे सिंधी ग़ज़ल वास्ते हर दिल अज़ीज़ त आहे ई पर सिंधी ड्रामा वासिते बि नामवर आहे संदस एडिट कियिल किताब “बेहतरीन सिंधी नाटक ” अजु बि माणुहू चाह सां पढ़िहन्दा आहिन ऐं मशहूर सिंधी किताब लेखियो वेन्दो आहे।
बायोग्राफी - एम कमल - मूलचंद मंघाराम बिंदरानी
मूलचंद मंघाराम बिंदरानी- तखलुस कमल – जो जनमु 08 अगस्त 1925 ते सिंध जे नवाब शाह ज़िले में थियो हुओ। बिंदरानी कुटुंब उन्हन थोरन ऐं विरलन सिंधी कुटुंबन मां हिकु हुओ जंहिं 1947 में भारत लड़े अचण जी जगह ते सिंध में ई रहण पसंद कयो हुओ। बिंदरानी कुटुंब पंहिजे इन सिंध में रहण जे फेसिले ते कायम न रही सघियो छो जो हालतुन में अहिड़ा बदिलाव आया जो बिन सालन अंदर ई उन्हन वटि लड़े अचण खां सिवाय बियो को इलाज न बचो। अलग अलग शहरन मां थी आखिर बिंदरानी कुटुंब उल्हासनगर अची थाईंको थियो।
फ़क़त इंटर साइंस तायीं पढ़ायी कियिल मूलचंद बिंदरानी वासिते बेहद तकलीफ भरिया ऐं पेसे जे खियाल खां ज़फ़ाकशी वारा रहिया। 1951 में एम कमल रेलवे में नौकरी ते लगो ऐं 1983 में सेंट्रल रेलवे (कमर्शियल ब्रांच) मां रिटायर थियो। बिंदरानी साहिब जे जीवन जी इहा खासि गालिह चयिजे जो इन्हन सालन में मतलब रेलवे में नोकरी शुरू करण खां पोय न त हुन बी नोकरी बाबत सोचियो ऐं न ई को धंधो करण जो खियालु संदस मन में आयो।
मूलचंद में सिंधी कविता लिखण जो कुदरती हुनर हुओ पर संदस किन दोसतन इन्हन कविताउन सिंधी में लिखियल संदस ग़ज़ल जे सिंधी भाषा तोड़े सिंधी साहित्य जे पैमाने ते हुजण बाबत शकु ज़ाहिर कयो। इहा संदस खुशकिस्मती हुयी जो खेस सिंधी अदबी दुनिया जी महान शख्सियत स्व. लेखराज अज़ीज़ खां सिंधी शायरी बाबत सिखण जो वझु मिलियो। लेखराज अज़ीज़ न सिर्फ कविता जी तहज़ीब सां संदस वाक़फ़ियत करायी पर ग़ज़ल जे मीटर में हुजण बाबत पिणु जाण डिनी।
सिंधी भाषा में एम कमल जी पहिरियीं कविता (1953 में छपिजी हुयी) ऐं संदस पहिरियें किताब निंड्र ऐं जाग (1965) जे छपिजण जे विच में बारिहन सालन जो काफी वडो अरसो आहे। एम कमल जहिं सिंधी ग़ज़ल जो सिरजन करे रहियो हुओ तहिं जो लगापो हिक आम सिंधी जी रवाजी रोजाने ज़िंदगी सां काफी हद तायीं सिधो जुडियल हुओ सो थोरे ई वक़त में सिंधी ग़ज़ल लिखण जे खेतर में मशहूर थी वयो। 1983 मां नौकरी मां रिटायर थियण खां पोय हुन न सिर्फ पंहिजे ग़ज़ल सिरजन वासिते पर सिंधी साहित्य वासिते बि वधीक वकतु डियण शुरू कयो।
1984 में एम कमल “महराण कला मंच ” ड्रामा स्कूल शुरू कियो। इन वक़त तायीं संदस पेश कयल बयी नाटक बि मशहूर थी चुका हुआ ऐं खेसि हिक मकबूल सिंधी नाटकनवीस तोर शोहरत बि हासिल थी चुकी हुयी। 1985 में पेश कयल सिंधी ड्रामा माचीसु किथे आ खे संदस हिक बेहद कामियाब सिंधी ड्रामा लेखियो वेन्दो आहे। इन दौरान शाया थियल संदस किताब बेहतरीन सिंधी नाटक न सिर्फ उन समे पर अज़ु बि मशहूर सिंधी किताब लेखियो पयो वंञे। 03 फरवरी 2010 ते हिन मकबूल सिंधी नाटकनवीस सिंधी साहित्य खे पंहिजी लिखियल सिंधी ग़ज़ल सां महकाईन्दड सिंधी साहित्यकार जो सुरगुवास थियो।
1989 में एम कमल खे संदस कविता संग्रह – सिंधी ग़ज़ल जे किताब बाहि जा वारिस वासिते साहित्य अकादमी जे मान वारे ऐं देश जे सभ खां वड़े अदबी अवार्ड, साहित्य अकादमी अवार्ड सां नवाज़ियो वयो। महाराष्ट्र सरकार बि गौरव पुरस्कार ज़ाहिर करे एम कमल जे सिंधी भाषा ऐं सिंधी साहित्य, सिंधी ग़ज़ल तोड़े सिंधी ड्रामा जे वाधारे में डिनल योगदान जी क़दुरशिनासी कयी।
इहो चयो वेन्दो आहे त एम कमल पहिंजे अदबी जीवन में 650 खां बि वधीक सिंधी ग़ज़ल लिखियूं आहिन जिन मां केतिरियूं त अहिडियूं बि आहिन जेके संदस शाया थियल 11 कवीता संग्रह – सिंधी ग़ज़ल जे किताबन में बि शामिल न आहिन।
अदबी योगदान - लिखियल किताब
एम कमल जे लिखियल ऐं साल दर साल छपियिल किताबन जा उनवान हेठि डिजन था।
कविता – सिंधी ग़ज़ल
निंड्र ऐं जाग (1965) – झुरियल जियो (1971) – गरन्दड बरफ जा नक़्श (1979) – रोशन राहूं धुंधला माग (1981) – पंजाह ग़ज़ल (1982) – बाहि जा वारिस (1986) – मेरानिझडो थक (1988) – सोच जा पाछा (1989) – उंञायल लहर (1989) – सुमहियिल शाम (1990) – सोझिरो शाम जो (1992) – बिन्ही पासे बाहियूं (1994) – मनु मुड़े ही नथो (1995) – हिक बी रात (1999) – चूंड ग़ज़ल (2001)
सिंधी नाटक – सिंधी ड्रामा
म्युनिसिपल कौंसिलर (1979) – नाटक (1980) – माचीसु किथे आ (1985) – खोटो सिक्को (1987)- खुश खबरी (1989) – आल इंडिया पुलिस स्टेशन (1997)
Books Window
अवार्ड - एम कमल
साहित्य अकादमी अवार्ड (सिंधी भाषा): 1989
किताब जो उनवान: बाहि जा वारिस (सिंधी ग़ज़ल संग्रह)
बिया अवार्ड
सेंट्रल हिंदी डायरेक्टरेट भारत सरकार पारां गरन्दड बरफ जा नक़्श ऐं रोशन राहूं इन्हन बिन्ही किताबन वास्ते अलग अलग अवार्ड
सिंधी साहित्य जी सेवा वासिते बख्शानी अवार्ड
महाराष्ट्र सरकार पारां गौरव पुरस्कार (1990)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.