Everlasting Blessings of Mata Dadanbai & Dr. Premchand Manghirmalani

मेथी पटाटा

सिंधी वेजीटेबल्स – पोटेटो रेसीपीज - मेथी पटाटा - सिंधी रेसीपीज

जे तव्हां सिंधी न आहियो ऐं सिंधी खाधो खायिण जा शौकीन आहियो त तव्हां खे खबर हूंदी त सिंधी रंधणे में जेके वेजिटेबल्स वापिरायूं वेन्दियूं आहिन उन्हन में पटाटे जो खपु वधि में वधि आहे। सिंधी रेसिपीज में चंगे अंदाज़ में अहिडियूं रेसिपी आहिन जिन जे नाले में पटाटा शामिल आहिन, मेथी पटाटा बि हिक इन किसम जी सिंधी रेसिपी आहे।

मेथी पटाटा ठाहिण वक़त सभ खां वधीक अहमियत वारी गालिह या खबरदारी आहे मेथी जो ताजो हुअण छो जो बि हालत में मेथी पटाटा ओतिरा जायकेदार न था लगन। सागे नमूने सुठी तरह सां सोयल ऐं कटियिल मेथी कम आणे वधीक लज़ीज़ मेथी पटाटा ठाहे सघजन था।

मेथी पटाटा -घुरिबल शयूं

ताज़ी मेथी – पटाटा – सावा मिर्च – टमाटा – हैड्र – धाणा – लूण – गीहु – थूम अदरक जी पेस्ट [के कम आणिन था के न ]

तैयारी :मेथी खे साफ पाणीअ धोईजे। चंगी तरह सां धिआनु डयी पन ऐं डांडियूं धारि कयो। धारि कियिल पन कटियो। पटाटा छिले अध ओबारियो ऐं नंढा नंढा टुकर करे रखो। टमाटा ऐं सावा मिर्च बि कटे तैयार रखो।

मेथी पटाटा -रधिण जो तरीको

कुकर में मेथी खणी अधु ओबारियो।
जे पटाटा अग में अध ओबारे छिले टुकर करे न रखिया हुजन त पटाटा बि मेथी सां गडु अधु ओबारियो। पटाटा कढ़ी उन्हन जी खल लहे नंढा नंढा टुकर कियो।
थोरे गीह में हैड्र धाणा कटियिल सावा मिर्च थूम अदरक जी पेस्ट खे हलकों भुञिंयो। पटाटा ऐं मेथी मिलाये मेथी जे रंग बदिलजण तायीं हल्की बाहि ते गर्म कियो।
टमाटा, लूण बचियिल मसाला ऐं थोरो पाणी मिलाये तमाम हल्के नमूने सभनी खे मिलायो। पटाटन जे गरण तायीं सिजायो।
गरम गरम फुलके सां मेथी पटाटा बेहद स्वाद महसूस थींदा आहिन।

Last Updated 20 May 2021

error: Content is protected !!