मुकेश जगतियानी
TSW Citation
फेमस सिंधी इंडस्ट्रियलिस्ट – सिंधी एंटरप्रोनियेर – UAE दुबई जा सिंधी
सिंधी बिजनेसमेन मुकेश जगतियानी हकीकत में पहिंजी लासानी कामियाबी सां धंधे वियापार जे संसार खे समझायो त एंट्रेप्रेन्योरशिप बियो कुझु न आहे पर इहो आहे धंधे जे नंवंन तरीकन – आईडियाज ते मुनासिब ऐं असिरायिते नमूने अमल करण। बेबी प्रोडक्ट्स जे हिक नंढे दुकान खां शुरुआत करे रिटेल स्टोर्स जी चैन लैंडमार्क इंटरनेशनल बरपा करण न सिर्फ मुकेश जी धंधे जी लासानी बेमिसाल समझ ऐं सलाहियत जो मिसाल आहे पर इन इहो बि डेखारियो आहे त धंधे में नंवंन आईडियाज ते अमल करे ई कामियाबी जे आला मुक़ाम ते पहुची सघिजे थो। इहो बि हिकु आम सवाल आहे त उहे सिंधी जेके न त सिंध में जावल आहिन ऐं न कडिहिं सिंध वया आहिन उन्हन जे दिलिन में सिंध वासिते ऐतिरी हुब छो आहे त इन गालिह जो जवाब बि मुकेश पहिंजे भारत में शुरू कयल सामाजिक कमन वसीले डिनो। सिंधी उहो समाज आहे जेको पहिंजिन पाड़ुन खे न विसारींदो आहे तहिं करे जहिं वक़त मुकेश खे सामाजिक सेवा जे खेतर में कुझु करण जो विचार आयो त खेसि भारत ऐं स्कूली पढ़ाई जे शहर चेन्नई जी यादि आयी ऐं हुन लैंडमार्क इंटरनेशनल फाउंडेशन ऑफ़ एम्पावरमेंट (LIFE) इहा सामाजिक संस्था चेन्नई में बरपा कयी।
बायोग्राफी - मुकेश जगतियानी - मिकी जगतियानी
फेमस सिंधी बिजनेसमेन मुकेश जगतियानी जेको मिकी जगतियानी जे नाले सां वधीक मशहूर आहे सो भारत में जावल हिक नवजवान सिंधी एंटरप्रोनियेर आहे जेको हिन वक़त दुबई में रहे पियो। मुकेश जगतियानी न सिर्फ जेके दुबई जा सिंधी अमीर आहिन उन्हन में शामिल आहे पर फोर्बेस जी दुनिया जे अमीरन जी लिस्ट में 291 नंबर ते बि आहे। हू लैंडमार्क रिटेल स्टोर्स ग्रुप जो बानीकार आहे फोर्बेस मूजिब 2015 में इन ग्रुप वटि ब [2] USD जी मिलकियत हुयी।
मुकेश इन लिहाज खां हिकु एंटरप्रोनियेर आहे छो जो हू न सिर्फ कॉलेज ड्राप आउट आहे पर कहिं समे हुन लंदन में टैक्सी ड्राइवर जो कमु बि कियो आहे। 15 अगस्त 1952 ते भारत में जावल जगतियानी जी स्कूली पढ़ाई मद्रास [चेन्नई], मुंबई ऐं बेरुत में थी आहे। कॉलेज जी पढ़ायी विच में छड़िण वक़त हू हिक एकाउंटिंग स्कूल जो विद्यार्थी हो।
कुटुंब जी हालतुन मुकेश खे बहरीन वञन वासिते मज़बूर कयो जिते हिन खे सुरगुवासी मायट्र जो बेबी प्रोडक्ट्स जो दुकान सम्भालिणो पयो। धंधे वापार जी दुनिया में इहो संदस पहिरियों कदम हो। जल्दु ई हिन पहिंजी पहिरियीं कम्पनी ठाहियी जेका छुटियिन जो वक़तु गुजारिण जो बंदोबसतु, खाधो, होटल ऐं इलेक्ट्रॉनिक्स सामान जे विकिरे जहिडा कम कन्दी हुयी। शयिन खे हिक जगह तां बी जगह तायीं पहुचायिण वास्ते हिन पहिंजो अलग लॉजिस्टिक ऐं डिस्ट्रीब्यूशन नेटवर्क तैयार कयो।
मिकी जगतियानी दुबई में रिटेल में धंधो करण वारो लैंडमार्क इंटरनेशनल बरपा कियो। हिन पहिंजी कम्पनी जी वेबसाइट ते ई ट्रेडिंग जो कमु पिण शुरू कयो। हिन वक़त मिडिल ईस्ट, अफ्रीका ऐं भारत में लैंडमार्क इंटरनेशनल जा 100 खां बि वधीक रिटेल आउटलेट्स आहिन।
मुकेश जगतियानी जी शादी रेणुका सां थी आहे। रेणुका न सिर्फ घर ऐं संदस संभाल कन्दी आहे पर खेस रिटेल कारोबार जे इन वडे विसतार खे सम्भालिण में बि मदद कन्दी आहे। हिन वक़त लैंडमार्क इंटरनेशनल वास्ते कमु कन्दडन जो तादाद 45000 खां वधीक आहे पर जल्दु ई इन तादाद में काफी वड़ी वाधि अचण जो इमकान आहे छो जो रेणुका जो विचार आहे त फिटनेस, जिम ऐं कन्फेक्शनरी प्रोडक्ट्स खे बि लैंडमार्क जो हिसो बणाये। बिये पासे मुकेश पहिंजे धंधे खे चीन में बि फैलायिण बाबत विचार करे पियो।
धंधे में मशगूल रहण खां पोय बि मुकेश खे पहिंजिन सामाजिक जवाबदारिन जो हमेशा अहसास रहन्दो आहे। भारत जे पुठिते पियल बारन खे वाधारे जो मुनासिब मोको मिले इन मकसद सां हिन 2000 में चेन्नई में हिक संस्था “LIFE ” लैंडमार्क इंटरनेशनल फाउंडेशन ऑफ़ एम्पावरमेंट शुरू कयी आहे। इहा संस्था हुनरी सिखिया, ग़ैर रिवायती स्कूल, स्कूल ऐं तंदरुस्ती, सामाजिक किलिनिक ऐं झोपिडिन में खास मेडिकल कैम्प जहिडन कार्यक्रमन वसीले पुठिते पयलन जी मदद करे पयी थी। 26 मई 2023 ते मुकेश जगतियानी जो सुरगवासु थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.