Everlasting Blessings of Mata Dadanbai & Dr. Premchand Manghirmalani

पकोड़ा - मशहूर सिंधी डिश

सिंधी सिनेक - पकोड़ा - सिंधी खाधो - सिंधी रेसीपीज

सिंधी खाधो ऐं सिंधी फ़ूड हैबिट्स हमेशा खां रीस जो विषय रहिया आहिन। अजु हॉटेल्स में जहिं खे स्टार्टर्स जो नालो डयी हिक नयीं रीत चयजे थो दरअसल इहा सिंधी फ़ूड हैबिट्स में शामिल तमाम पुराणी रीत आहे। जे तव्हां धिआनु डिनो हुजे त बियन कौमुन जा माणुहू सिंधी खाधो ऐं पकोड़ा पापड़ सागी मायने वारे अखर जे रूप कम आणीन्दा आहिन। हकीकत में त इहे पकोड़ा स्टार्टर्स आहिन जेके सिंधी आम तौर या त रोटी खांईण खां अगु ख़ाईन था या सजे डींह में कहिं बि वक़त सिनेक तोर।

पकोड़ा तरियिल सिंधी खाधो आहिन ऐं शायद त सभनी किसमन जे खाधन में इहा अकेली सिंधी रेसिपी आहे जहिंजा बेशुमार नमूना या किसम आहिन। ऐतिरा जो शायद त दुनिया जी का बि रेसिपी मुकाबिलो न करे सघे। पकोडन जा कुझु खास ऐं मशहूर किसम [सिर्फ नाला ] हेठि शामिल कजन था।

सिंधी सिनेक - पकोड़ा - किसम

आम तौर पकोड़ा मतलब सनिहा बसर पियिल पकोड़ा पर अलग अलग वेज ऐं नॉन वेज पदार्थ कम आणे पकोडन जा बेशुमार किसम ठाहे सघजन था। हिन लिस्ट में असां सिर्फ तमाम वधीक ऐं खास किसम जे पकोडन खे शामिल कियो आहे।
ब्रेड पकोड़ा
पटाटन जा पकोड़ा
पालक पकोड़ा
बीहन जा पकोड़ा
मिरचाई पकोड़ा
पनीर पकोड़ा
अंडे [एग] जा पकोड़ा
अम्बडीअ जा पकोड़ा
मांहि ऐं मुंगन जी दाल जा पकोड़ा
गोबी पकोड़ा
कीमे जा पकोड़ा
मछी जा पकोड़ा
डब्बू मिर्च जा पकोड़ा

पकोड़ा - घुरिबल शयूं

बुनियादी किसम सनिहा पकोड़ा

बेसण – कटियिल बसर, सावा मिर्च ऐं सावा धाणा – सजा धाणा – पीठल मिर्च – खाधे जी सोडा – लूण – पाणी – गीहु

पकोड़ा - ठाहिण जो तरीको

सभनी शयुन खे मिलाये मुनासिब पाणी जो वापर कन्दे हिक थोरी घाटी मिलावट ठाहियो। धिआनु रखो त मिलावट में गोडिहा न तैयार थियन।
थोरो गरम गीहु मिलाये मिलावट खे हिकु भेरो वरी हिककरो कियो।
कड़ाहीअ में पकोड़ा तरिण वासिते गीहु गरम कियो।
हथ सां या चमचे सां थोरी थोरी करे मिलावट गरम गीह में विझो। कुछ देर खां पोय रंग कुछ भुरसुरो नज़र अीन्दो। इन्हन अधु तरियिल टुकरन खे गीह मां बाहिर कढ़ी छाणीअ मथां रखो।
ध्यान रखो त पकोड़ा तरिण वक़त बाहि तमाम तेज़ न हुजे।
अधु तरियिल टुकरन जा वधीक नंढा टुकर कियो ऐं सुनहरो भूरो रंग हासिल करण तायीं वरी तरियो।

हाणोके समे में सिंधी घरन में फुदिने, सावन धाणन ऐं अम्बिडी या लीमे जी रसु कमि आणे सायी चटणी ठाही वेंदी आहे जेका पकोडन सां बेहद ज़ायकेदार लगंदी आहे।

Last Updated 20 May  2021

error: Content is protected !!