Everlasting Blessings of Mata Dadanbai & Dr. Premchand Manghirmalani

पंकज आडवाणी

advertise here

Advertise Here

पंकज आडवाणी : जीवन सफ़रनामो

बिलियर्ड अं स्नूकर : टीन ऐज सिंधी वर्ल्ड चैम्पियन

pankaj_advaniइंसान जी बुद्धी , सलाहियत , क़ाबलियत अं सियाणप जी परीक्षा तदहिं थिंदी आहे जडहिं हू पहिंजे रिवायती खेत्र खे छडे कहिं बिये ग़ैर रवाईती खेत्र में  दाखिल थींदो आहे। शायद सिंधी कौम अकेली अहिड़ी कौम आहे जहिं वक़्त ब वक़्त इहो साबित कियो आहे त सिंधियन खे फ़क़त धंधे में महारत हासिल न आहे पर हू जहिं बि खेत्र में कम कन था कामयाबीअ जी चोटीअ ते पहुचन था। चाहे उहो प्रेम रामचंदानी [सेना ] या राजकुमार हीरानी [फिल्मुं ] या वरी एल के आडवाणी या राम जेठमलानी [सियासत ] सिंधी सपूतन सदायीं साबित कियो आहे त उन्हन में हर खेत्र में कामयाबी हासिल करण जी सलाहियत आहे।  हालांकि सचु इहो आहे त के विरला सिंधी ई पहिंजे रिवायती वापार करण जे खेत्र खे छडे बिये खेत्र में दाखिल थियन था। 

२४ जुलाई १९८५ ते पुणे महाराष्ट्र में जन्म वरतल पंकज आडवाणी अहिड़ो सिंधी आहे जहिं [ जी एस रामचंद - क्रिकेट - खां पोय ] स्पोर्ट्स में सिंधी कौम जो झंडो बुलंद कियो आहे। मराठीअ में चवणी आहे "मूर्ती लहान पण कीर्ती महान " मतलब शख्सियत नंढी पर जसु वढो।  पंकज हिन चवणी जो बेहतरीन मिसालु आहे।  टीन ऐज [उम्र जो १३ खां १९ सालन वारो अरसो ] पूरी करण खां अगु ई पंकज टे भेरा वर्ल्ड चैम्पियन बणजी चुको हो अं खास गालिह इहा त इन दौरान हू बिलियर्ड्स जे सत भेरा वर्ल्ड चैम्पियन गीत सेठीअ खे बि हाराये चुको हो। 

पंकज जे जन्म वठण जे थोरे ई अरसे में पिता जी नौकरीअ सबब कुटुंब कहे कुवैत शिफ्ट थियणो पियो पर पिता जी अकाल मौत सबब कुटुंब १९९० में भारत मोटी अची बेंगलोर में रहियो।  जिते पढायी जो दौर शुरू हुंदे पंकज वर्ल्ड चैम्पियन बणियो।  कर्नाटक स्टेट बिलियर्ड्स हॉल बेंगलोर में माजी नेशनल चैम्पियन अरविन्द सरूर पहिरियों भेरो पंकज खे डिठो , पंकज ऐतिरो नंढो हो जो मुश्किल सां टेबल जी ऊंचाई तायीं पहुंचे पियो।  अरविन्द ते पंकज जी प्रतिभा जो ऐतिरो असर थियो जो हू पंकज खे सेखारिण लगो नतीजे तौर उमर जा १४ साल पूरा करण खां अगु ई पंकज सौ सौ जा ब्रेक पूरा करण लगो।

२००३ में १८ सालन जी उमर में पंकज वर्ल्ड चैंपियन बणियो अं २००५ में जदिहिं हुन वर्ल्ड चैम्पियन गीत सेठीअ खे हारायो त गीत सेठीअ चयो " आडवाणी बिलियर्ड्स जी दुनिया जो राजकुमार बणजी वियो आहे। " २० सालन जी उम्र जो थींदे थींदे पंकज वर्ल्ड चैम्पियनशिप टे भेरा खटी चुको हो।  स्पोर्ट्स माहिर अज़ब में आहिन त पंकज पहिंजे कॅरियर में घणा वर्ल्ड खटन्दो छो जो बिलियर्ड अं स्नूकर अहिड़ी रान्द आहे जहिं में को बि पहिंजे कॅरियर जा  २० साल त आराम सां पूरा करे सघे थो।  पंकज दुनिया में अकेलो रान्दिगर आहे जेको IBSF जी वर्ल्ड बिलियर्ड्स चैंपियनशिप जा बयी टाइटल्स [पॉइंट अं टाइम फॉर्मेट ] न रुगो हिक भेरो पर ब दफा खटी चुको आहे। सिंधी कौम जी खूबी आहे त न त असां डुखियन हालतुन में धीरज छड़ियिन्दा आहियु अं न वरी पहिंजो दिमागी मीजान जाब्ते बाहिर वणन डीन्दा आहियु।  पंकज खे इहा खूबी घणो कम आयी आहे खासकरे उन वक़्त जदिहिं हुन  शुरुआत में हारीन्दे रान्द खटी आहे।   

खटियल टाइटल्स

pankaj_advani1१९९७ : संपत मेमोरियल स्नूकर चैंपियनशिप - टी ऐ सेलवराजा मेमोरियल बिलियर्ड्स चैम्पियनशिप - कर्नाटक राज्य जूनियर स्नूकर चैम्पियनशिप
१९९८: कर्नाटक राज्य जूनियर स्नूकर चैम्पियनशिप
१९९९ : Pot Shot आल इंडिया ट्रायएंगुलर चैम्पियनशिप - Pot Shot नॉन मेडलिस्ट चैम्पियनशिप
२००० : इंडियन जूनियर बिलियर्ड्स चैम्पियनशिप
२००३ : IBSF वर्ल्ड स्नूकर चैम्पियनशिप - इंडियन जूनियर बिलियर्ड्स चैम्पियनशिप - इंडियन जूनियर स्नूकर चैम्पियनशिप
२००५ : वर्ल्ड बिलियर्ड्स चैम्पियनशिप
२००६ : दोहा में Ashiada गोल्ड मेडल
२००८ : IBSF वर्ल्ड बिलियर्ड्स चैम्पियनशिप [Point Format]
२००९ : प्रोफेशनल वर्ल्ड बिलियर्ड्स चैम्पियनशिप
२०१० : एशियन गेम्स गोल्ड मेडल
२०११ : वर्ल्ड बिलियर्ड्स चैम्पियनशिप [सेमी फाइनल ]
२०१२ : वर्ल्ड बिलियर्ड्स चैम्पियनशिप [Timed ]
२०१४ : वर्ल्ड बिलियर्ड्स चैम्पियनशिप [Points ]
२०१५ : वर्ल्ड बिलियर्ड्स चैम्पियनशिप एडिलेड में 

राजीव गांधी खेल रत्त्न अवार्ड

मुल्क जो वड़े में वडो स्पोर्ट्स अवार्ड "राजीव गांधी खेल रत्त्न अवार्ड " २००५ में पंकज आडवाणी खे मिली चुको आहे। अभिनव बिंद्रा [२० साल ] खां पोय पंकज [२१साल ] अहिड़ो प्लेयर आहे जहिं खे ऐतिरी घटि उमर में हे अवार्ड मिलियो आहे। २००५ में हिन अवार्ड लाय जिन बियन बिन नालन जी सिफारिश कई वयी हुई से आहिन क्रिकेटर राहुल द्रविड़ अं टेनिस प्लेयर महेश भूपति। २९-०८-२००६ ते मुल्क जे राष्ट्रपती श्री ऐ पी जे अब्दुल कलाम जे हस्ते दिल्लीअ में पंकज खे हिन अवार्ड सां नवाजियो वियो।