Everlasting Blessings of Mata Dadanbai & Dr. Premchand Manghirmalani

मोस्ट पॉपुलर सिंधी सांग्स

advertise here

Advertise Here

हरदिल अज़ीज़ मशहूर सिंधी गीत

सिंधी संगीत - सिंधी गायक - सिंधी लाड़ा 
मोस्ट पॉपुलर सिंधी सांग्स जी लिस्ट ठाहिण को सवलो कमु न आहे छो जो सिंधी कौम वटि लासानी आवाज़ जे जादूगरन सिंधी सिंगर्स जी वडी लिस्ट आहे जेका हर डहाके में नवां नाला जुड़ण सबब पयी बदिलजन्दी आहे।  जहिं वक़त मां 20 मोस्ट पॉपुलर सिंधी सांग्स जी लिस्ट ठाहिण जो कमु शुरू कियो त पहिंजी कामयाबी बाबत सामहूं केतिराई शक शुबिहा नांग वांगुर फण कढ़ी बीठल पातम।  भगत कँवर राम, मास्तर चंदर , प्रो राम पंजवानी ऐं भगवंती नावाणी खां शुरू करे 21 सदी जी सिंगिंग सेंसेशन वंदना निरंकारी तायीं बेशुमार अहिड़ा सिंधी सिंगर्स आहिन जेके न सिर्फ सिंधी संगीत जे शौकीनन जी दिलिन में रहन पिया पर गडोगडु संदन गायाल हर हिक गीत उन ओज वारो आहे जो आल टाइम मोस्ट पॉपुलर सिंधी सांग्स जी लिस्ट में शामिल थियण लायक पिण आहे। 
इहा अज़ब में विझण वारी पर मज़ेदार ऐं ध्यान डियण जोग गालिह आहे त पहिंजे धंधे जे लाडे वास्ते मशहूर सिंधी कौम में गीत संगीत लाय इन हद तायीं चाहु आहे जो सिंधी कौम में खास मोकन ते खास किसम जी गीत संगीत जी बैठकुन जी पुराने समे खां हलन्दड रिवायतूं आहिन।  सिंधी लाड़ा शादी जहिड़े ख़ुशी जे मोके सां लागापो रखन्दड त सिंधी भगत धार्मिक उत्सव सां लागापो रखण वारी गीत संगीत जी सिंधी रिवायत आहे। वेझडायी जे फेमस सिंधी सिंगर्स जी लिस्ट मां के नाला राज झूरानी, पिंकी मैदासनी  ऐं पायल बठीजा आहिन।  

popular_sindhi_songs

कंवर राम साहिब सिंधी संगीत, सिंधी डांस ऐं आखाणी बुधायिण जी कला जो मेलाप करे सिंधी गीतन ऐं गायिकी खे सिंधी भगत जे नयें रूप में पेश करे हिक नयीं रिवायत शुरू कयी। बिलाशक भगत साहिब सिंधी गीत संगीत जी दुनिया जे शुरुआती दौर जे नायाब नगीनन में शामिल आहिन।  केतिरा डहाका गुज़िरी चुका आहिन पर अजु बि "नाले अलख जे बेड़ो तार मुहिंजो " बुधी दिल मां इहो ई आवाज़ अचे थो हीउ आ मोस्ट पॉपुलर सिंधी सांग। प्रो राम पंजवानी न सिर्फ भगत साहिब जी रिवायत खे कामियाबी सां अगते वधायो पर मटकी जो संगीत जे साज़ जे रूप में कमि आणे सिंधी संगीत खे नवों आयाम ऐं सिंधी गीतन खे हरदिल अज़ीज़ी जी बुलन्दिन ते पहुचायो। राम पंजवानी जन जे पॉपुलर सांग्स जी लिस्ट तमाम वडी आहे पर मुहिंजे नुक्ते नज़र सां मां "जियन जोगीयडा मन को भेरो कनि " खे लफ़्ज़न जी चूंड ऐं रूह खे राहत डियण वारे आवाज़ सबब मोस्ट पॉपुलर सिंधी सांग्स वास्ते पहिंजी पसंदगी जो वोट डियां थो। 
बिलाशक सूफी कलाम ऐं ग़ज़ल गायिकी लाय मास्टर चंदर जहिड़ी क़ाबलियत वारो बियो सिंधी सिंगर न थियो आहे।  इहो बि सचु आहे "रूठा ही रहन शल हुजेन हयाती" खे शामिल किये बिना मोस्ट पॉपुलर सिंधी सांग्स जी का बि लिस्ट अधूरी लेखी वेंदी।  "अञा त ऐट्र मां नंढी आहियां " में मास्टर चंदर पहिंजी गायिकी जे दायरे जो फैलाऊ कंदे आखाणी बुधायिण जी कला जो गीत संगीत जो मेलाप कंदे तजुरबो कियो आहे। अज़ब जी गालिह इहा आहे जो सिंधी संगीत जे शौक़ीनन खे इहो तजुरबो ऐतिरो पसंद पियो जो इहो गीत आल टाइम मोस्ट पॉपुलर सिंधी सांग्स में शामिल थी वियो।  इन में को शकु कोन्हे त महेश चन्दर [मास्तर चन्दर जो पुट्र] ऐं काजल चंदीरामानी [राम पंजवानी जन जी डोहिट्री] सिंधी गायिकी जे आकाश जा चमकंदड सितारा, हुनरी कलाकार ऐं मशहूर सिंधी सिंगर्स आहिन पर इहो चवण बि गलत न आहे उहे पहिंजन वड़न जी हासिल कियिल हरदिल अज़ीज़ी जी बुलन्दीअ तायीं न पहुची सघिया आहिन। 
मोस्ट पॉपुलर सिंधी सांग्स जी गालिह भगवंती नावाणी खे शामिल किये बिना बेमायने  लेखी वेंदी।  सिंधी गीतन ऐं संगीत खे घर घर पहुंचायिण में , हरदिल अज़ीज़ी जा नया तैयार करण में हिन लोक गायिका तमाम अहमियत वारो योगदान डिनो आहे।  इहो सचु आहे त भगवंती नावाणी जी सुञाणप सिंधी लाड़ा [Wedding Songs] गायिण में महारत हासिल गायिका जे रूप में वधिक आहे पर संदस गायाल "सुखमनी साहिब" [गुरु ग्रन्थ साहिब जी पवित्र बाणी] या "ठार माता ठार" बिना हरदिल अज़ीज़ गायकन जी गालिह करण जो को मतलब कोन आहे।  मुखे पकु आहे त जहिं वक़त असां जी मोस्ट पॉपुलर सिंधी सांग्स जी लिस्ट तैयार थी वेंदी त समझ में अची वेंदो त इन लिस्ट में भगवंती नावाणी जो वडो योगदान आहे। 
1970 खां 1990 वारे अरसे में सिंधी गीत संगीत जी दुनिया में हरदिल अज़ीज़ी जी हिक नयी रिवायत जो दौर आयो।  इन दौर में मोस्ट पॉपुलर सिंधी सांग्स उहे हुआ जेके कहिं अकेले या भगतन जे ग्रुप कहिं धर्मिक उत्सव में पेश किया।  हकीकत में कटनी मध्यप्रदेश जे दिलीप ऐं गोरधन, नवजवानी डाहूं कदम वधायीन्दड जी बालक मंडलीअ गुरबाणी गाये हिन रिवायत जी शुरुआत कयी।  इहा अलग गालिह आहे त अजु यह बालक मंडली बि बियन वांगुर बॉलीवुड फिल्म्स जे हिंदी गानन जी धुन ते तैयार सिंधी रीमिक्स सांग्स पेश करे पयी।  
सिंधी गीत संगीत जे उफ़क जा हाणोका सितारा आहिन जतिन उदासी, जगदीश मंगतानी, मोहित लालवानी ऐं वंदना निरंकारी।  जगदीश ऐं मोहित धर्मिक उत्सवन ते वधीक ध्यान पिया डियन , जतिन उदासी लाइव कंसर्ट्स जे वसीले मुंबई जी म्यूजिक इंडस्ट्री में मानवारी जगह हासिल करण जी ज़फ़ाकशी में रुधियिल आहे त वंदना निरंकारी चूंड सिंधी गड़िजाणिन / प्रोग्रामन वसीले सिंधी संगीत जे शौकीनन खे सिंधी कलामन जहिड़ी सिंधी संगीत जी पाडुन सां वरी जोड़िण वास्ते कोशिशियूं करे रही आहे।  हुअ संत निरंकारी मंडल जे उत्सवन में धार्मिक गीत बि पेश कंदी आहे। 
चंद्रु आत्मा, सतराम रोहिड़ा। कमला केसवानी, कमलेश कपूर, लता भगतानी ऐं बिया केतिरा ई नाला आहिन जिनजो ज़िकरू मोस्ट पॉपुलर सिंधी सांग्स जे हिन लेख में करण लाज़िमी आहे। मुखे खातिरी आहे त तव्हां लेख जे खतम थियण ऐं 20 आल टाइम मोस्ट पॉपुलर सिंधी सांग्स जी लिस्ट जो इन्तिज़ार कयो पिया था सो मां बि रुखनो साबित न थीन्दुम बस सिर्फ हिक गालिह मां इहो तव्हां ते छडियो आहे त हिनन मोस्ट पॉपुलर सिंधी सांग्स खे 1 खां 20 नंबर तायीं रखण जी जवाबदारी ते आहे।  

लिस्ट :: 20 मोस्ट पॉपुलर सिंधी सांग्स

आखिर कुछ त डींदो - डींदो कटोरो या कटोरी 
अलाये जे छा में राज़ी आ 
अञा त ऐट्र मां नंढी आहियां
बेड़ीअ वारा अदा रे मुहाणा लाल ते थी वञा 
भाउ त मुहिंजो 
हिकु सोन जो रुपियो हिकु चांदी जो रुपियो 
जियन जोगीयडा मन को भेरो कनि 
जिये मुहिंजी सिंध मां त  घोरियां 
लाड़ो लाड़ी आणीनदों 
लाल मुहिंजी पति रखिजायँ भला झूलेलाल 
लालू पहिंजो हिन्दोरन में मां झुलायां 
मुहिंजी बेड़ी अथयी विच सीर ते 
नाले अलख जे बेड़ो तार मुहिंजो 
पार पुजायीन्दो झूलेलाल 
पेरे पवंदी मानि हथ जोडिन्दी मानि 
रखु संदुली ते पेर मुहिंजा मोर लाडा 
रूठा ही रहन शल हुजेन हयाती 
सतिरहां हज़ार मुहिंजी माउ खे मोटाये डे 
सिक में सिकी खे कीन सिकायिज़ 
सिंध हुजे या हिन्द हुजे - सिंधियन जा मेला 

हिन वेबसाइट में शामिल सिंधी वीडियोज  में तव्हां खे मथे डिनिल मोस्ट पॉपुलर सिंधी सांग्स मां के गीत मिली सघन था।