Everlasting Blessings of Mata Dadanbai & Dr. Premchand Manghirmalani

रायपुर सिंधी शान

advt3

advt1

सिंधी शान

हिअ असांजी कोशिश आहे जियँ वध में वध सिंधी समाज सेवियन , मकानी सतह ते कमु कन्दड सिंधी सियासतदानन ऐं  कामयाब नामवर सिंधी व्यापारियन बाबत जाण ऑनलाइन हुजे। जे तव्हां पहिंजो पाण खे या पहिंजे शहर जे कहिं बिये सिंधीअ खे सिंधी शान में शामिल थियण जे काबिल समझो था त असांखे लिखो। 

साई जलकुमार मसन्द

jalkumar_masand2सिंधी समाज जी नयीं आध्यात्मिक गादी "मसन्द सेवाश्रम" रायपुर बरपा करण वारन सिंधी संत जलकुमार मसन्द साहिब जो पको विशवास आहे त इंसान जो आध्यात्मिक वाधारो ऐं राष्ट्रभक्ती पूरविछोट लीकूं आहिन हिक लीक जी तरकी करण जो मतलब आहे बीय जो अज़ख़ुद वधण शायद इन विशवास सबब संत कोशिश करे रहिया आहिन त न सिर्फ अजु जे आमु माणुहुन जे एवजिन में आध्यात्मिकता वधे पर नवां नवजवान, आध्यात्मिक राह ते तरकी कियिल लोक प्रतिनिधी पैदा थियन।  जलकुमार मसन्द साहिब जो जन्म श्री जयरामदास ऐं श्रीमती चन्द्रादेवी मसन्द जे पुट्र जे रूप में 8 अक्टूबर 1947 ते रोहरी सिंध में थियल आहे।  दिसंबर 1947 में संदन कुटुंब लड़े मुंबई अची रहियो ऐं अटकल 10 सालन खो पोय रायपुर में रहण लगो। पढ़ायी पूरी करण खां पोय हू इरिगेशन खाते में सरकारी नौकरी करण लगा।  इन अरसे में हू मकानी विवेकानंद आश्रम जे हैड स्वामी आत्मानन्द जे गहरे लागापे में आया जहिं खेन आध्यात्मिक राह तोड़े समाज सेवा जी राह ते रहबरी कयी।  1969 खां वठी मसन्द साहिब आध्यात्मिक लोक सेवक या अगुवान तैयार करण जे कम में लगा पिया आहिन।  पहिंजी कोशिशिन जे सिलसिले में हु गाँधी जन्म शताब्दी जे मोके ते नवजवान वास्ते रायपुर में ट्रिन डीन्हंन जो शिविर बि लगाये चुका आहिन।  11 सितम्बर 2005 ते छतीसगढ़ सिंधी साधु समाज जी रहबरी हेठ मसन्द साहिब रायपुर में नयीं सिंधी आध्यात्मिक गादी मसन्द सेवाश्रम बरपा कियो।  हीउ आश्रम न सिर्फ वैदिक ज्ञान ऐं लोकसेवा सिखिया जो मरक़ज़ आहे पर हिते वेद, पुराण, उपनिषिद ऐं सिंधी साहित्य बि झझे अंदाज़ में मौजूद आहे।  

खट्टर अमरदास सदोरोमल

khattar_amardasरायपुर शहर जे कामियाब बिजनेसमैन ऐं नामवर समाजसेवी अमरदास खट्टर जो जन्म 2 अगस्त 1963 ते जैसलमेर [राजस्थान ] में थीयिल आहे।  संदस बालपणो तोड़े बी कॉम तायीं पढ़ायी जे दौरान कुटुंब झाँसी में रहंदो हो।  अमरदास खट्टर वापारी संस्थाउन [मंत्री : छ ग चैम्बर ऑफ़ कॉमर्स, सचिव : रायपुर इलेक्ट्रिकल मर्चेंट एसोसिएशन ऐं संरक्षक : मांगरपारा व्यापारी संघ ] सां गडोगडू सिंधी सामाजिक संस्थाउन सां बि जुडियिल आहे।  हिन वक़त हू छतीसगढ़ सिंधी पंचायत जे संघटन मंत्री जे ओहदे ते आहिन खास गालिह इहा आहे त कहिं बि संस्था में अमरदास खट्टर जन या त बिना मुखालफत चूंडिया विया आहिन या उन्हन खे ओहदो आशियो वियो आहे।  गुरु ग्रन्थ साहिब जे सच्चे सेवाधारी अमरदास जी शादी किरण सां थी आहे ऐं जोड़े खे जुडवा पुट्र अभियान [B.Tech] ऐं दलजीत [B.Com] आहिन।          

 

advt4

 

 advt2

 

advt4