रक्षा बंधन - राखी - रखड़ी

सिंधी टिपणे या हिंदु पंचांग मूजिब राखी सावण महीने जे सतिनारायण या पूर्णिमा जे डींहं ते मलिहायी वेन्दी आहे। शादी शुदा भेनर पेके अची भाउ जे हथ ते रखड़ी बधी वडी उमिर ऐं खुशहालीअ जी दुआ डीन्दी आहे त मोट में भाउ बि वायदो कन्दो आहे त उहो हर मुशिकिल खां भेणु खे बचायीन्दो ऐं डुखिये वक़त में मदद कन्दो। राखी ते सुखिड़ियूं डियण जी पिणु रिवायत आहे।

राखी जे मलीहायिण जी शुरुआत ऐं सबब वास्ते केतिरियूं कहाणियूं बुधण वास्ते मिलन थियूं जिन मां किन जो लागापो वामन अवतार [भगवान विष्णु जो अवतार ] ऐं राजा बालीअ जे युग सां त किन जो महाभारत युग में श्रीकृष्ण ऐं द्रोपदी सां आहे। सभ खां वधीक मशहूर कहाणी आहे चितोर जी रानी कर्णावती जी जहिं मुगल बादशाह हुमायूँ खे राखी मोकिली हुयीं।