Everlasting Blessings of Mata Dadanbai & Dr. Premchand Manghirmalani

रमेश सिप्पी

advertise here

Advertise Here

जीवनी : रमेश गोपालदास सिपहमलानी

फेमस सिंधी - फिल्म शोले - मशहूर डायरेक्टर

ramesh_sippyभारत जी हिंदी फिल्म इंडस्ट्रीअ में सिप्पी मतलब बेशुमार हुनर काबलियत अं नवन आईडिया वारो शख्स जहिं खे कामियाबी जी हिक किस्म जी पक जे रूप डिसी सघजे थो।

रमेश सिप्पी जो जन्म २३ जनवरी १९४७ ते कराची में, बॉलीवुड या हिन्दी फ़िल्मुन जी दुनिया में सभ खां वधीक कामियाब प्रोडूसर डायरेक्टर्स में शुमार थींदड गोपालदास सिप्पी [जी पी सिप्पी ] जे पुट्र जे रूप में थियो आहे। रमेश सिर्फ छहन सालन जो हो जो हिन खे फिल्म जे सेट ते वञण जो वझु मिलियो, मौकों हो संदस पिता जी फिल्म "सज़ा" जी शूटिंग जो। जल्द ई रमेश जो फ़िल्मी सफर बि शुरू थियो छो जो इन फिल्म सेट ते अचण जे वाक़िये जे ३ सालन खां पोय फिल्म "शहंशाह" में उन समे जी मशहूर एक्ट्रेस अचला सचदेव जे पुट्र जो रोल कियो।

सतन सालन तायीं पिता , नामवर प्रोडूसर डायरेक्टर जी पी सिप्पी जी सरपरस्तीअ में कमु करण खां पोय १९७१ में जडिहिं रमेश सिप्पीअ शम्मी कपूर, हेमा मालिनी अं राजेश खन्ना जहिडियिन मशहूर कलाकारन खे खणी फिल्म "अंदाज़" डायरेक्ट कयी त इहा फिल्म सुपर हिट साबित थी।

१९७५ में रिलीज़ थियिल "शोले " न सिर्फ रमेश सिप्पी वास्ते कामियाबी जा दरवाजा खोले छड़िया पर बॉलीवुड या हिंदी फ़िल्मुन जी बॉक्स ऑफिस कामियाबी / कमायी जो हिक नावों इतिहास ठाहियो। अजु भले कहिं फिल्म जो कामियाब थियण मतलब कुछ सौ करोड़ रूपियन जी कमायी करण हुजे पर जडिहिं बि हिंदी फ़िल्मुन जी कामियाबी जी गालिह निकरे थी त उन सिलसिले में शोले जे नाले जो शुमार ज़रूर थिये थो।

शोले खां पोय १९८० में रमेश सिप्पीअ "शान" जो डायरेक्शन कियो। हिन फिल्म में बि अमिताभ बच्च्न, शशी कपूर, सुनील दत्त, शत्रुघन सिन्हा, बिंदिया गोस्वामी अं परवीन बॉबी जहिडा नामवर कलाकार हुआ पर शोले जे गब्बर वांगुर हिन फिल्म में पिण विलेन "शाकाल" जो रोल निभायीन्दड कुलभूषण खरबंदा टाडियूँ खटी वियो। न सिर्फ कुलभूषण खरबंदा पर शान में "अब्दुल" जो किरदार निभायीन्दड मज़हर खान जे फ़िल्मी करियर वास्ते बि अहमियत वारी साबित थी। अंदाज़, शोले अं शान कामियाब फ़िल्मुन जे हिन सिलसिले रमेश सिप्पी खे नामवर अदाकारन जे डायरेक्टर तौर मशहूर करें छाडियो।

१९८२ रमेश सिप्पी जी बेमिसाल कामियाबी जो साल हो जो हुन हिंदी फ़िल्मी दुनिया जे बिन मोतबर एक्टर्स दिलीपकुमार अं अमिताभ बच्च्न खे पहिंजी फिल्म "शक्ती " में कमु करण वास्ते राज़ी कियो। दिलीपकुमार हरदिल अज़ीज़ कलाकार हो त इहो उहो दौर हो जो अमिताभ बच्च्न जो मतलब हो हिट फिल्म। फ़िल्मी दर्शक बिन्ही जी अदाकारी जा दीवाना हुआ अं अजु बि आहिन। इहा फिल्म टेलीविजन ते हर हर सिर्फ इन करे डेखारी वेन्दी आहे जो माणुहू दिलीपकुमार अं बिग बी जी अदाकारी जो इहो बेमिसाल मुकाबिलो वरी वरी डिसण चाहियिन था।

हिंदी फ़िल्मी दुनिया में कच्ची उमर जे प्यार जी फिल्म वास्ते अजु बि ऋषि कपूर अं डिम्पल कपाड़िया जी पहिरियीं [Debut] फिल्म बॉबी खे याद कियो वेन्दो आहे। इन जोड़ी जी रुमानियत खे वरी फ़िल्मी परदे ते आणिण जो कमु बि रमेश सिप्पी कियो जो हुन इन्हन बिन्ही अदाकारन खे १९८५ में रिलीज़ फिल्म "सागर" में पेश कियो।

फिल्म्स डायरेक्ट करण खां सिवाय १९८७ में दूरदर्शन ते डेखारी वेन्दड मशहूर अं कामियाब सीरियल "बुनियाद" जेका मुल्क जे विरहांगे जे विषय ते हुयी तहिं जी डायरेक्शन पिण रमेश सिप्पी कयी हुयी। रमेश सिप्पी जे डायरेक्शन में तैयार थियिल भ्रष्ट्राचार [१९८९] , अकेला [१९९१] अं ज़माना दीवाना [१९९५] जी नाकामयाबी सबब हिन हिक किस्म सां डायरेक्शन करण बंद करे छाडियो।

२००३ में रमेश सिप्पी वापस फ़िल्मुन जो रुख कियो पर हिन भेरे फिल्म "कुछ ना कहो " जहिंजो डायरेक्टर संदस पुट्र रोहन सिप्पी हो जे प्रोडूसर तौर। २००९ में रिलीज़ थियिल फिल्म "चांदनी चौक टू चाइना" जहिं में अक्षय कुमार अं दीपिका पादुकोण कमु कियो हो अं जहिंजो डायरेक्टर निखिल आडवाणी हो सा रमेश सिप्पी जी प्रोड्यूस कियिल आखिरी कामियाब फिल्म हुयी। हालांकि इन खां पोय बि रमेश सिप्पी "दम मारो दम" जहिडियिन किन फिल्म्स जो प्रोडूसर रहियो आहे पर इन्हन मां का बि कामियाब कोन लेखी वेन्दी आहे।

२००५ में रमेश सिप्पी खे हिंदी फ़िल्मी दुनिया में सभ खां वधीक अहमियत वारे "फिल्म फेयर अवार्ड" सां नवाजे हिन जो सत्कार कियो वियो। इहो अवार्ड हिन खे गुजरियिल ५० सालन जी सभ खां वधीक कामियाब फिल्म शोले वास्ते डिनो वियो। भारत सरकार बि रमेश सिप्पी खे "पदम श्री" अवार्ड सां नवाजे चुकी आहे।

रमेश सिप्पी – फिल्मोग्राफी

रमेश सिप्पी जे फ़िल्मी कॅरियर - फ़िल्मुन जी लिस्ट हेठ डिजे थी।

डायरेक्टर तौर फिल्मुं

Zamana Deewana (1995)
Akayla (1991)
Bhrashtachar (1989)
Zameen (1987)
Saagar (1985)
Shakti (1982)
Shaan (1980)
Sholay (1975)
Seeta Aur Geeta (1972)
Andaz (1971)

प्रोडूसर तौर फिल्मुं

Sonali Cable (2014)
Nautanki Saala (2013)
Dum Maaro Dum (2011)
Chandni Chowk to China (2009)
Fear (2007)
Taxi No. 9211 (2006)
Bluffmaster! (2005)
Kuch Naa Kaho (2003)
Trishna (1978)
Brahmachari (1968)