Everlasting Blessings of Mata Dadanbai & Dr. Premchand Manghirmalani

साधना

advertise here

Advertise Here

जीवनी – साधना शिवदासानी

बॉलीवुड जी सिंधी एक्ट्रेस - फैशन आइकॉन - मिस्ट्री गर्ल

sadhanaछहें अं सतें दशक [१९६०-१९७०] जी हिंदी फ़िल्मुन जी मशहूर हीरोइन साधना शिवदासानी अं नामचीन सिंधी सियासतदान श्री लालकृष्ण आडवाणी में हिकु अज़ब लागापो आहे बिन्हिन हस्तियिन जी जन्म भूमी आहे कराची सिन्ध जिते सिंधी साहित जी क्रान्तिकारी लेखिका पोपटी हीरानंदानी जो बि जन्म थियो हो। साधना जो जन्म २ सितम्बर १९४१ ते थियो हो पर मुल्क जे विरहांगे तायीं मतलब १९४७ तायीं हुन जी स्कूली पढ़ायी शुरू कोन थी हुयी छो जो घर में अकेलो बार हुअण सबब वढे लाड कोड सां पालियो वियो अं मायिट्रन खे साधना जेको वक़्त स्कूल में गुजारे उहो विछोडो बि कबूल कोन हो।

शिवदासानी कुटुंब में फ़िल्मुन वास्ते मुफ़ीद माहोल हो ऐतिरो जो साधना जो इहो नालो सिर्फ इन करें रखियो वियो छो जो संदस पिता जी पसंददीदा हीरोइन हुयी साधना बोस। विरहांगे बाद कुटुंब मुंबई आयो जिते साधना जी स्कूली पढ़ायी शुरू थी।

साधना जी पढ़ायी जे दौर में पहिरियीं सिंधी फिल्म "अबाणा" जी शूटिंग शुरू हुयी फिल्म जी यूनिट जे कहिं मेंबर साधना खे हिक नाटक में कमु कन्दे डिठो अं फ़क़्त पन्दिरहन सालन जी साधना खे हिकु लख रुपियन जे मेहनताणे ते हीरोइन जी नंढी भेण जे रोल वास्ते फिल्म में शामिल कियो वियो। "अबाणा" साधना वास्ते हिक फिल्म न पर पहिंजन सपनन जी दुनिया में पहिरियों कदम हुअो।

बॉलीवुड जे मशहूर प्रोडूसर सुबोध मुखर्जीअ १९६० में फिल्म "लव इन शिमला" जी हीरोइन जे रूप में साधना खे पेश कियो। फिल्म जो डायरेक्टर आर के नायर हिकु २२ सालन जो नवजवान हो अं फिल्म जी शूटिंग जे दौरान बिन्हिन में प्यार थी वियो पर जियँ त साधना नाबालिग हुयी अं संदस मायिट्रन खे नायर पसन्द कोन हो तहिं करे इहो प्यार परवान कोन थी सघियो। हकीकत में साधना जी खास हेयर स्टाइल - जा अजु बि "साधना कट " नाले सां मशहूर आहे सा - आर के नायर जी सोच हुयी। फिल्म लव इन शिमला बॉक्स ऑफिस ते ऐतिरो कामियाब थी जो साधना रातों रात स्टार थी वयी। इन फिल्म खां पोय हुन केतरियिन ई फ़िल्मुन में कमु कियो।

फ़िल्मी दुनिया में हीरोइन जे चूड़ीदार सलवार कुर्ते अं रवे [ओढनी] जे दौर जी शुरुआत साधना १९६५ जी हिट फिल्म "वक़्त " खां शुरू कयी। इन्ही दौर में राज कपूर सबब साधना खे आर के नायर सां वरी कमु करण जो मौकों मिलियो हिन भेरे हुनन कहिं को वझु न डिनो अं १९६६ में शादी कियाऊँ।

पहिंजे अनोखे हेयर स्टाइल "साधना कट" सबब साधना नवजवान छोकरियिन जी फैशन आइकॉन जे रूप में मशहूर हुयी। साधना कट खां सिवाय साधना पहिंजे अखियिन में खास तरीके सां काजल लगायिण, खास नमूने सां गिचीअ में दुपटो [रवो] पाईण, कनन में वडे आकार वारा वाला, अलग अलग नमूनन जा जूड़ा ठाहिण, शरारा या टाइट सलवार सां बिना बांहुन वारो कुरतों पायिण जहिडिन गालिहियिन सबब बि फैशन आइकॉन लेखी वेन्दी हुयी। सस्पेंस फिल्म "वो कोन थी "[१९६४], "मेरा साया " [१९६५] अं "अनीता " [१९६८] खां पोय त साधना "मिस्ट्री गर्ल" जे रूप में बि मशहूर थी वयी।

साधना १९७४ तायीं हिंदी फ़िल्मुन में कमु कियो अं इन वक़्त में हुन कुल ३३ फ़िल्मुन में एक्टिंग कयी जिन मां लगभग २० फ़िल्मुन खे सुपर हिट फ़िल्मुन जे दरजे में रखियो वेन्दो आहे। साधना जी आखरियिन फिल्म "गीता मेरा नाम" हुयी जहिं में हुन डबल रोल कियो हो। 

साधना पहिंजे वक़्त जे हर नामवर डायरेक्टर अं मशहूर हीरो सां फिल्मूं कयुं पर राज खोसला हिकु अहिडो डायरेक्टर जो जहिं सां साधना "वो कोन थी "[१९६४], "मेरा साया " [१९६५] अं "अनीता " [१९६८] जहिडियिन बेमिसाल अं कामियाब फिल्म्स में कमु कियो हो। हिक इंटरव्यू में राज खोसला बाबत साधना चयो हो "असां जी हिक बिये वास्ते समझ ऐतिरी वधीक आहे जो गडु कमु करण वक़्त असां पाण खे वधीक सहुलियित वारी हालत में महसूस कन्दा आहियूं। हुन [राज खोसला खे ] मुहिंजी एक्टिंग जे लिहाज़ खां ताकत अं कमज़ोरी जी बिये कहिं डायरेक्टर जी भेट में वधीक समझ आहे। "

१९६८ में पहिरियों भेरो हिंदी फ़िल्मी दुनिया खे साधना जी ख़राब तन्दुरुस्ती बाबत खबर मिली। हुन खे थाइरोइड सां लागापो रखन्दड बीमारी हुयी। २५ दिसंबर २०१५ ते साधना जो स्वर्गवास थियो।

फिल्मोग्राफी – साधना शिवदासानी

साधना जूं कुछ कामयाब फ़िल्मुन जा नाला आहिन
१९६० : लव इन शिमला
१९६१ : हम दोनों
१९६२ : असली नकली
१९६३ : मेरे महबूब
१९६४ : दूल्हा दुल्हन
१९६५ : वक़्त
१९६६ : गबन
१९६७ : अनीता
१९६९ : एक फूल दो माली
१९७० : इश्क़ पर ज़ोर नहीं
१९७१ : आप आये बहार आयी
१९७२ : दिल दौलत दुनिया
१९७४ : छोटे सरकार अं गीता मेरा नाम