Everlasting Blessings of Mata Dadanbai & Dr. Premchand Manghirmalani

करेला बसर - बसर जूं सिंधी भाजियूं

सिंधी रेसीपीज - सिंधी खाधो - करेला बसर - भिन्डी बसर

सेयल भाजी दर हक़ीक़त में अकेली न पर बसर जी सिंधी भाजिन जो ग्रुप आहे। सिंधी रंधिणे में वधीक रधियूं वेन्दड या कम अचण वारिन शयुन में आम तोर पटाटा ऐं चांवर शामिल करे इन्हन खे सिंधी खाधे जूं मुख्य शयूं चयो वेंदो आहे पर सिंधी खाधे जा शौकीनन खे खबर आहे त सिंधी रंधणे में जेतिरो पटाटन जो वापर थिये थो ओतिरा ई बसर कम अचन था। केतिरियूं सिंधी रेसीपीज आहिन जेके बिना बसर ठही न सघन्दियूं आहिन। आम तौर जेका सिंधी रेसिपी बसर मां ठहे थी उन खे सेयल भाजी चयबो। सेयल भाजियूं बसर खां सिवाय बी मुख्य भाजी जे आधार ते नालों हासिल कन थियूं । मिसाल तौर करेला बसर करेलन जी सेयल भाजी आहे त भिंडियिन जी सेयल भाजी खे भिंडियूं बसर चयबो आहे।

नॉन वेज खाधन में बि सेयल मछी या सेयल अंडा बि ठाहे सघिजन था। दरअसल जेका असां अंडा भुर्जी खाऊँ था सा हिक किसम सां अंडन जी सेयल भाजी आहे।

अहमियत वारी जानकारी

सभ सेयल भाजियूं थोरी घणी फेरिफार सां सागिये नमूने ठाहियूं वेन्दियूं आहिन।  आम तौर जेको फर्क थींदो आहे सो बसर छड़े बी भाजीअ सां लागापो रखन्दो आहे मिसाल तौर करेला बसर ठाहिण खां कुछ किलाक अगु करेला छिले लूणी रखिया वेन्दा आहिन जीयं उन्हन जी कोड़ाणिण निकरी या घटिजी वञें।  

सेयल भाजियूं - ठाहिण जो तरीको

सेयल भाजी ठाहिण जो बुनियादी तरीकों आहे
(1 ) थोरे तेल में कटियिल बसर टमाटा सावा मिर्च अदरक जी पेस्ट ऐं लूण मिलाये बसर गुलाबी थियण तायीं गर्म कबो आहे।
(2) पोय बी मुख्य भाजी [करेला/ भिंडी ] हैड्र धाणा अं गरम मसालो मिलाये बसरन जो रंग गुलाबी मां बदलिजी भूरसुरो थियण तायीं गर्म कबो आहे।
(3) जे सीपरी जी जगह ते कुकर में सेयल भाजी ठाहियो था त ढकु यकदम न खोलियो पर हवा पूरी तरह सां निकरण तायीं इंतिज़ार कयो। किन घरन में सीपरी में ठाहिण खां पोय बि सीपरी खे ढकु डयी उन मथां वज़नी जीयं हिमाम दसतो रखी कुझु मिनिट इन्तिज़ार कयो वेन्दो आहे।
धिआनु रखो बसरन सां गडु तव्हां जेका बी भाजी वापिरायो था उन मूजिब ठाहिण जो तरीको कुझु थोरो बदिलिजी वेन्दो आहे।

करेला बसर

आम तौर छिलियिल ऐं लूणीयिल करेलन खे चीर डयी बिज कढिया वेन्दा आहिन। इन खाल (खाली थियल जगह ) में मसालो भरियो वेन्दो आहे। करेले मथां धागो वेडिहिबो आहे जीयं मसलो अंदर रहे। पोय उन खे अधु ओबारे तैयार रखबो आहे।
बसर तैयार थियण ते उन्हन में इहे अधु ओबारियिल करेला विझी करेला बसर तैयार कबा आहिन।

भिंडी बसर - भींडियूं बसर

आम तौर सजी जी सजी भिंडी कम आन्दी वेन्दी आहे। भिंडी जो मथियों ऐं हेठियों हिसो कटे चीर डयी मसलो भरबो आहे।
बसर तैयार थियण ते उन्हन सां इहे मसलो भरियिल भिंडियूं मिलाये भिंडी बसर ठाहिबा आहिन।

Last Updated 20 May  2021

error: Content is protected !!