Everlasting Blessings of Mata Dadanbai & Dr. Premchand Manghirmalani

सिंधी डिण

सिंधी डिण त्यौहार - सिंधी सांस्कृतिक वरसो

सिंधी समाज ऐं सिंधी डिण त्यौहार
इहो हिकु ऐतहासिक सचु आहे त सिंधी सभ्यता दुनिया जी पुरातन सभ्यताउन मां हिक आहे। सिंधी कौम तमाम अमीर, चिट्रे ऐं लासानी सांस्कृतिक वरसे जी मालिक आहे। इहा गालिह सिंधी डिणन जे मलिहायिण जे तरीके सां पिणु साबित थिये थी। सिंधी कौम डिणन खे जोश ऐं खास नमूने, जहिं में सिंधी संगीत, नाचु (सिंधी फोक डांस) छेज ऐं बियूं लोककलाऊँ शामिल आहिन, मलिहायिण वास्ते मशहूर आहे।
सिंधी कौम सामाजिक ऐं धार्मिक उत्सव मलिहायिण बि मशहूर आहे। आमु तौर इहे जलसा सामाजिक कमन लाय ठाहियल बिल्डिंग (धर्मशाला / पंचायत भवन) में थींदा आहिन। बियन हिन्दुन वांगुर सिंधी बि गियारस, सतिनारायण ऐं गणेश चौथ [संकष्टी] ते विरतु रखन्दा आहिन।
झूलेलाल साहिब जे जन्म खां अगु सिंधी सिंधु नदिअ जे किनारे ते जल देवता खे मिरक शाह जे ज़ुलमन खां बचायिण जी प्राथर्ना करण वास्ते कठा थिया हुआ। उहे सभु चालीहन डीन्हन जे विरतन ऐं प्राथ्रनाउन खां पोय झूलेलाल साहिब जे जन्म वठण जी आकाशवाणी बुधी घर मोटिया हुआ। अजु भी हर साल सिंधी चालीहन डीन्हन जो विरतु रखन्दा आहिन जहिंखे चालीहो सडिबो आहे। बियिन कौमुन सां यकसार थीं हलन्दड सिंधी कौम किन हिन्दु डिणन खे बि पहिंजा सिंधी डिण करे मलिहाये थी। इन्हिन में मुख्य आहिन गणेशोत्सव , रामनवमी , बसंत पंचमी, नवरात्रा ऐं तुलसी विवाह।
चेट्री चंड्र या झूलेलाल साहिब जो जन्म डींहुं जेको सिंधी नयें साल तौर भी मलिहायियो वेन्दो आहे सो सिंधियन जो वड़े में वडो डिणु लेखियो वेंदो आहे। सिंधी डिणन में सिर्फ हिक लाल लोयी आहे जेको आम तौर सागियअ अंग्रेजी तारीख मतलब 13 जनवरी ते मलिहायियो वेन्दो आहे।
सिंधी डिण – मलिहायिण जी अंग्रेजी तारीख
सिंधी नवजवान खे धियान में रखणु घुरिजे त सिंधी डिण सिंधी टिपणे मूजिब मलिहाया वंञन था। सिंधी कैलेंडर या टिपणो चंड्र साल ते त अंग्रेजी कैलेंडर सिज साल ते मदार रखे थो तहिंकरे सिंधी डिण मलिहायिण जी अंग्रेजी तारीख हरि साल बदिलिजी वञे थी। सिंधी साल जो वधीक या धरमाउ महीनो पिणु सिंधी त्योहारन जी तारीख में बदिलाव आणे थो। जेकडहिं इन बाबत तव्हां जो को सुवाल त बिलाशक असां खे लिखो।
सिंधियत सुहिणी रहे
एस पी सर (मंघिरमलानी) कोल्हापुर

सिंधी डिणन जी लिस्ट

सिंधी त्योहारन जी लिस्ट हेठि डिनिल आहे। मलिहायिण जी तारीख वासिते सिंधी टिपणो डिसो । त्योहार मलिहायिण सां जुडियल सिंधी रीती रिवाज़ ऐं उन डिण सां जुडियिल खास सिंधी खाधे जी जानकारी वासिते तोड़े इन जे मलिहायिण सां जुडियिल समूरी जानकारी वासिते सिंधी त्योहार जे नाले ते किलिक कयो

सिंधी डिण - वधीक जानकारी ऐं सिंधी त्योहारन सां जुडियल कहाणियूं

उनवान – शीर्षक ते किलिक करे लागापे वारो पेज डिसो 

Last Updated 14 May 2021

error: Content is protected !!