Everlasting Blessings of Mata Dadanbai & Dr. Premchand Manghirmalani

सिंधी पहाका / चवणियूँ

advertise here

Advertise Here

मेहरबानी करे ध्यान डीन्दा त हिनन मां कुछ बि मुहिंजो लिखियिल कोन आहे। मां सिर्फ कोशिश थो कियाँ त जेके सिंधी पहाका / चवणियूँ असां पहिंजे रोज़ाने जीवन में काम आणियूँ था से सभ हिक हंद ते कठा थियन जीयँ नवजवान सिंधी पीढ़ीअ खे सिंधी बोलीअ जे हिनन जेवरातन सां रूह रूहाण जो मोको मिले। हिते पहाकन चवणिन जा मतलब डिनिल आहिन से ज़रूर मुहिंजी समझ ऐं आजमूदे आधारे आहिन।
एस. पी. सर

Sindhi Proverbs – पहाका , चवणियुं , मुहावरा ऐं कहावतूं

आह गरीबां कहर खुदायी  : गरीब जी आह परमात्मा जी नाराज़गी जहिड़ो असर रखे थी।
आहे त ईद न त रोज़ो : वक़त ऐं हालतुन मूजिब हलण
अच्छा कपडा खीसा खाली समझन पाण खे मुल्क जा वाली : कुछ न हूंदे बि अहिडी हलत हलण जण त कहिं मुल्क जा हुक्मरान हुजन।
अचे धीयाणो वञें पियाणो : पुराणों पहाको जहिं मूजिब पेकन खे धीउ जो धन न वापिरायिण घुरिजे।
अकन खां अम्ब घुरण : अणथियणी गालिह जे थियण जी उम्मीद करण।  
अखियन में सुरिमो पायिण : बेवकूफ़ बणायिण - ठगे वठण
अकुल जो अन्धो कहिड़ो कन्दो धंधो : बेअकुल कहिड़ो बि धंधो करे नुकसान थींदो
अन्धन बि मुलतान लधो : कमज़ोर केतिरी बि कोशिश करे कामियाब न थींदो।
अंधी पींहे कुत्ता खायिन  : मेहनत जो फलु जेके लायक न हुजन उन्हन में विरहायिण।
अगेई रूसियिल मथां डिणु बि न आयो : हिकु चिंता सां बी चिंता जो जुड़िजण।
अटो खाधो कुऐ मार पयी गाबे ते : करे हिकडो सजा बिये खे मिले।

बंदे जी मन में हिक साहिब जे मन में बी :  इंसान जेको सोचे थो सो न पर जेको परमात्मा खे वणे सो थिये थो।
बणी त बणी न त दाल रोटी घणी :  कामियाबी न मिली तडहिं बि हाणोकी हालत खां ख़राब हालत न थींदी।
बारी खणन बारू नाहे कमु कचन जो  : जहिं में काबिलियत ऐं आजमूदो हुजे तहिं खे ई जवाबदारी खणणु खपे।
भुगिड़ो  विझी भाईवार थियण :  बिना कहिं खास कोशिश जसु खणणु

चरियो चये सियाणो विञाये :  बेअकुल जी सलाह ते कमु करे अकुलमंद बि नुकसान सहे थो।
चरियीअ जूं चूडियूं कडहिं टंग में त कडहिं हथ में  :  बेवक़ूफ़ माणुहुअ जो कहिड़ो भरोसो
चोर जी माउ कुंड में रूऐ : गलत कमु करण वारे लाय पहिंजे डुख जो इजिहार करण बि डुखियो।

दायीअ खां पेटु लिकायिण:  जहिं खे हकीकत खबर हुजे उन सां कूड़ गालिहाइण।
धकु हण धीउ खे त सिखे पयी नूहं : हिक खे छिबड या ढडको [सजा] डयी बिये खे सेखारिण।
डिजे न त डुखायिजे बि न  :  मदद न कजे त दिल बि न रंजायिजे।
डुबरे डान्द खे मछर बि घणा : कमज़ोर खे तक़लीफियूं बि वधीक थियन।
डुधल खीर थणे न पवे  :  ज़बान मां निकतल लफ़ज़ वापस कोन थियन।

फासे खां पोय फथकण केहिड़ो  : कहिं गालिह में अटकी पवण खां पोय अफ़सोस जाहिर करण बेमतलब आहे।
फुडिअ फुडिअ तलाव  : नंढी बचत बि वडी मददगार थी सघे थी।

घणे जायफें घरु न हले घणे मर्दें हरू न हले  : जे हिक ई कमु खे वधीक माणुहू कन्दा त कमु सही नमूने कोन थींदो।
घर में छोरो शहर में ढिंढोरो :  उन शय जी गोलिहा में भटकण जेका पाण वटि हुजे।
घरु गुरुअ जो दरू : पहिंजे घर जी अहमियत गुरु जे दर जेतिरी आहे।
घोडा विकिणी सुम्ह्ण : कहिं बि गालिह जी चिंता न हुअण।  
गुड़ु जाणे गुड़ जी गोथिरी जाणे  : जहिं ते जवाबदारी हूंदी आहे उहो ई तक़लीफ़ुन जो अहसास करे थो।
गुड़ सां मरे त ज़हर छो डिजे  : जे नंढी तज़वीज़ सां कमु थिये त अकुल जो वधीक उपयोग न कजे।

हारे खां पीतो भलो : शय ख़राब थी वेंदी सिर्फ इन करे कमि आणिण बेहतर।
हिक चुप सौ सुख :  गडे वक़त चुप रहण सां सवें सुख मिलन था।
हिक तन्दुरुस्ती हज़ार नियामतूं  : हज़ारे वरदानन ऐं तन्दुरुस्ती जो मुलह हिक जेतिरो आहे ।
हिकु त वणे कोन बियो चये हन्ज खणु  :  अणवणन्दड माणुहअ जी संगत में वकतु डुखियायिअ सां गुजरंदो आहे।

जहिड़ा कांग तहिड़ा बचा  :  औलाद माउ पीउ जहिड़ी थींदी आहे।
जेहिड़ो अनु तहिडो मनु  :  माणुहुअ जा विचार खाधे जी तासीर ते मदार रखन था।
जहिडो संग तहिडो रंग : तव्हां जी जिन सां दोस्ती आहे तव्हां उन्हन जहिडा थी वेन्दा।
जेहिड़ी नियत तेहिड़ी मुराद  :  कमु जो फलु मुराद ते मदार रखे थो।
जहिं जे घर मेँ दाणा तहिंजा चरिया बि सियाणा : पैसे वारे बेअकुल खे  सियाणन जहिड़ो मानु मिले थो।
जेड़ा उठ तेडा लोड़ा :    जेतिरी वधीक जवाबदारी ओतिरो वधीक कमु।
जेको चुल्ह ते सो दिल ते : जेको पियो गडिजे सो पहिंजो महसूस थींदो आहे।
जेको मुडियो सो जुडियो  : आण मञिण वारो बियन सां सवलायी सां जुडिजी सघे थो।
जेको रुसे उन जो हिसो सुसे  :  नाखुश माणुहू हथ आयल ख़ुशी विञाये विहे थो।
जिन जो हिते खपु तिन जो उते बि खपु  :  सुठन माणुहुन जी ज़रूरत हर हंद थिये थी।
जिते लोभी हुजन उते ढोंगी भुख न मरन  : लोभी इंसान खे ठगिण सवलो थींदो आहे।
जेतिरे सवड तेतिरा पेर: पहिंजी सलाहियतुन मूजिब कमु करण घुरिजे।
जेतिरो कायदो ओतिरो फायदो :   जेतिरो नियमन सां हलबो ओतिरो ई फायदो मिलन्दो।
जिते लोभी हुजन उते ठोगी भुख न मरन : मतलब जे असां लालच न कयुं त असां ठगी जो शिकार न थींदासीं।
जीउ खुश त ज़हान खुश : जे तव्हां खुश आहियो त दुनिया बि खुश आहे।
जो खीर पिये सो वीर थिये : हीअ चवणी खाधे जी अहमियत समझायिण वास्ते कमु अचे थी।

कहिं खे वाँगण वाई त कहिं खे बसर बादी :  हर कहिंजी पहिंजी पसंद आहे।
कांवन पिटिये ढोर न मरन :  कमज़ोर जे पाराते जो ताक़तवर ते असर न थिये।
काणीअ जे विहांव में संकट बि घणा :  तक़लीफ़ुन में वाधि - कामियाबी जो नाकमियाबी में बदिलजण
करे बि कीन बधे बि ज़ीन  :  कमु न करण वारा कमु करण जी तयारी जो डेखाव कनि।
खाओ मणु बचायो न कणु  : कमु केतिरो बि आणियो पर कुछ बि अजायो न विञायो।
खीर खंडु थियण : हिक बिये खे समझी गहिरो नातो कायम करण। 
खीसे में नाणो त घुम लाडकाणो :  जे पैसा हुँदा त शौंक पूरा थी सघन्दा।
ख़ुशीअ जहिड़ी खोराक कोन्हे गणितीअ जहिड़ो मरज़ु : ख़ुशी माणुहुअ खे तंदरूस्त रखे त चिंता बीमार बणाये थी।
किनी आंगुर वढीही भली  :  नुक्सानकार गालिह खां परे रहण घुरिजे ।
कोयले जी दलाली में हथ कारा  :  बुरी संगत मां सिर्फ बदनामी मिले थी।
कुकुड कोरियिन जी नावं वडेरे जो : कमु कन हिकिडा जसु मिले बिये खे।

लभे लठ बि कोन बाबो बन्दुकुन वारो  : कुछ न हूंदे बि घणो कुछ हुअण जो डेखाउ करण।

मखण खाधे मथो तपे  :  सहूलियतूं माणीदें बि मीन मेख कढ़ण ।
माउ जणे पुट्र भागु न डिये वंडे  :  इंसान जो प्रालब्ध जन्म डियण वारी माउ बि न थी जाणे।
मूर खां वियाज़ मिठो  : पहिजन बारन खां बारन जा बार वधीक अज़ीज़ महसूस थींदा आहिन।