Sindhi Pahaka
सिंधी पहाका / चवणियूँ
Sindhi Language, Sindhi Sayings, Sindhi Pahaka, Sindhi Chavaniyun, Sindhi Proverbs, Pahaka Ain Chavaniyun
मेहरबानी करे ध्यान डीन्दा त हिनन मां कुछ बि मुहिंजो लिखियिल कोन आहे। मां सिर्फ कोशिश थो कियाँ त जेके सिंधी पहाका / चवणियूँ असां पहिंजे रोज़ाने जीवन में काम आणियूँ था से सभ हिक हंद ते कठा थियन जीयँ नवजवान सिंधी पीढ़ीअ खे सिंधी भाषा जे हिनन जेवरातन सां रूह रूहाण जो मोको मिले। हिते पहाकन चवणिन जा मतलब डिनिल आहिन से ज़रूर मुहिंजी समझ ऐं आजमूदे आधारे आहिन। इहो ज़रूरी न आहे त तव्हां बि मुहिंजे कढ़ियल मतलब सां रज़ामंद थियो छो जो पहाकन जी इहा बि खूबी थिये त हर हिक पहिंजी समझ ऐं हालतुन मूजिब मतलब कढ़ण वास्ते आज़ाद थिये।
मुहिंजो इहो अकीदो आहे त दरअसुल में हर हिक पहाके चवणी सां का न का आखणी , को खासु आज़मूदो या का घटना जुडियिल आहे पर सिंध जे काफी वड़े अरसे तायीं गैर हिन्दु हुकुमिरानन जी हुकूमत हेठि रहण सबब सिंधी साहित्य ऐं इतिहास जो वडो हिसो नासु थी चुको आहे। जेकडहिं इन बाबत खोजना थी सघे त न सिर्फ सिंधी नवजवान तबके खे पहाकन जे वज़ूद जी जानकारी मिलन्दी पर गडोगडु सिंधी भाषा ऐं सिंधी समाज जे इतिहास, सामाजिक ऐं सांस्कृतिक विरसे बाबत पिणु बेशक़ीमती जानकारी मिली सघे थी।
एस. पी. सर (मंघिरमलानी) कोल्हापुर
Sindhi Proverbs - सिंधी पहाका चवणियूँ - सिंधी मुहावरा ऐं कहावतूं
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.
अचे धियाणो वञें पियाणो : पुराणों पहाको जहिं मूजिब पेकन खे धीउ जो धन न वापिरायिण घुरिजे।
अछी डाड़ीही अटो ख़राब : उमिर जे लिहाज़ खां बेवाजबी [गलत ] कम करण।
अशा कपडा खीसा खाली समझन पाण खे मुल्क जा वाली : कुछ न हूंदे बि अहिडी हलत हलण जण त कहिं मुल्क जा हुक्मरान हुजन।
अगेई रूसियिल मथां डिणु बि न आयो : नाखुश माणुह सां नाराज़ थियण वारी गालिह थियण ।
अगियां बाहि पोयां दरियाहु : बिन्ही पासे मुसीबत मौजूद हुअण / सही फेसिले ते न पहुची सघण
अगु अगिरायायी जो करे खता सो खाये : बिना मतलब झगड़े जी शुरुआत करण वारो पछताये थो।
अघु खटाये खायिजे, वटु खटाये न खायिजे : बेईमानी करे कमायिण खां बेहतर आहे वड़े मुनाफे ते धंधो करण।
आह गरीबां कहर खुदायी : गरीब जी आह परमात्मा जी नाराज़गी जहिड़ो असर रखे थी।
आहे त ईद न त रोज़ो : हासिल शय जो बेकदिरायिते नमूने उपयोग करण – समझदारी खां कमु न वठण ।
अक कारा करण : बेदिलियो ऐं बिना मकसद कम करे का खास कामियाबी हासिल न करण।
अकन खां अम्ब घुरण : अणथियणी गालिह जे थियण जी उम्मीद करण।
अखियन में सुरिमो पायिण : बेवकूफ़ बणायिण – ठगे वठण
अकुल जो अन्धो कहिड़ो कन्दो धंधो : बेअकुल कहिड़ो बि धंधो करे नुकसान थींदो।
अखि लभेये कानि ऐं उंदहिं खां नफरत : जहिं जी अहमियत खबर न हुजे उन जे वज़ूद सां फरकु न पवे।
अम्बन जी सिक आम्बिडिन मां न लहे : को बि शख्सु बिये जी जाय न वठी सघन्दो आहे।
अंबार मां दाणो ई बसि आहे : सियाणो माणुहू थोरे में ई गालिह समझी वेन्दो आहे।
अणजाण लाय छा फिटकी छा मिसरी : बेवक़ूफ़ शयुन जी सही भेट न थो करे सघे
आण मंञीं झगड़ो छुटो : हार कबूल करण मतलब झगड़ो खतम करण
अन्धो छोकरो लसो टको टिकाणे हवाले : बेकार शय मां जिंदु छड़ाये सोभारो थियण।
अन्धन आन्दो कुतन चटियो : बेअकुल जी मेहनत बेकार वञे थी।
अंधन अगियां आरसी टंगिण : कुछ हासिल न थियण वारो कम करण।
अंधन में काणो राजा : नासमझन जी ज़मात में थोरे अकुल वारो।
अन्धन बि मुलतान लधो : कमज़ोर केतिरी बि कोशिश करे कामियाब न थींदो।
अंधे खां काणो भलो : कुछ न मिलण खां कुछ थोरो मिले तडहिं बि सुठो।
अन्धो हाथी लश्कर जो जियानु : ताकतवर पर बेअकुल दोस्त बि वडो नुकसान पहुचाये सघे थो।
अंधी पींहे कुत्ता खायिन : मेहनत जो फलु जेके लायक न हुजन उन्हन में विरहायिण।
अटो खाधो कुऐ मार पयी गाबे ते : करे हिकडो सजा बिये खे मिले।
आज़मायल खे आज़माये सो धूड़ मुहं में पाये : जहिं धोखो डिनो हुजे उन ते विशवास करण सां सिर्फ नुकसान ई थींदो
बाबा भली ढकी भली : लिकियिल गालिह लिकियिल रहे त सुठो ।
बबुर खां बेर घुरण : बुरे इंसान मां सुठे कम जी उमीद करण
ब बि वया त छह बि वया : घणे जी लालच में हथ वारो बि विञाये विहणु ।
बकिरीअ खे सास जी कासाई खे मास जी : हर हिक खे पहिंजी पहिंजी चिंता थिये।
बन्दे जे मन में हिक साहिब जे मन में बी : इंसान जेको सोचे थो सो न पर जेको परमात्मा खे वणे उहो थिये थो।
बंद त लख जी खुली त कख जी : जेका गालिह खबर न आहे सा वड़े मुलह वारी थिये।
बणी त बणी न त दाल रोटी घणी : कामियाबी न मिली तडहिं बि हाणोकी हालत खां ख़राब हालत न थींदी।
बाहि लगण ते खूह खोट्रिण : वकतु रहन्दे खबरदार न थी ऐन वक़त ते बचाव जा तरीका गोलिहिण।
बरे तेलु ऐं वटि शाबास मिले डिये खे : कमु करे हिकडो जसु मिले बिये खे
बारी खणन बारु नाहे कमु कचन जो : जहिं में काबिलियत ऐं आजमूदो हुजे तहिं खे ई जवाबदारी खणणु खपे।
बारिहां गिदिरा तेरिहां लागदार : घटि उजरत वारे कम में हिसो वठण वारा वधीक हुअण।
बासे मणु डिये कणु : अंजाम [वायदो] वधीक जो करण पर डियण वक़त घटि डियण।
भाणु त खेती न त कोरी रेती : संभाल न रखण सां सुठी शय मां बि फायदो न थो थी सघे।
भगवान जी चकी हले आहिस्ते पर पींहें सन्हो : देर सवेर पहिंजे हर कर्म जो फलु भोगिणो पवे थो।
भजन्दड़न जे अगियां त विहन्दड़न जे पुठियां : बुज़दिल इंसान पहिरियूं पहिंजे बचाव जी गालिह सोचे थो।
भरी बाजार में भागुअ लधा भुगिडा : सुठियूं शयूं हूंदे बि कसी शय खरीद करण।
भरी बेड़ीअ में वाणियो गोरो : कहिं खे खास करे कमज़ोर खे अजायो डोहु डियण।
भरी मारे भेरो न मारे : को बि कमु थोरो थोरो करे करण फायदेमंद थिये या सलाहियत खां वडो कम करण
भतु पराओ डिसि पेटु पराओ न कजे : मुफ्त में मिले तडहिं बि सेहत जो खियाल रखी वापिरिजे।
भुगिड़ो विझी भाईवार थियण : बिना कहिं खास कोशिश करण जे जसु खणणु
भुलिये खे भोलो कोन्हे : अणजाणे में थियल गलती माफ़ करण घुरिजे।
बिली जी गिचीअ में घिड़िन्णी बधण : खतरे वारो कम करण
बिली खे ख्वाब में बि छिछड़ नज़र अचन : चाहत पूरी थींदी महसूस थिये
बिलीअ शींहुं पढ़ायो , शींहुं बिलीअ खे खायिण आयो : जहिं खां सिखिया वरती उन खे पाण खां घटि समझण।
बिना कमायी नानिका मुखे साधन जहिड़ो कर : मेहनत करण खां सिवाय फलु हासिल करण जी चाहत जो इजिहार।
बिनि घुरिये मोती मिलन घुरिये न मिले बीख : नसीब जो लिखियिल बिना घुरे मिले त अण लिखियिल घुरे बि न मिले।
बिन बेड़िन जो सवार विच सीर बुड़ो : मुंझियल इंसान खे मंज़िल न मिले थी।
बिन जालुन जो वरु तहिंजो मसाणन में घरु : ब शादियूं करण वारे जी हालत जियरे मसाणन में पहतुल जहिड़ी थिये थी।
बुछिड़ो कुतो धणी पिटाये : बारन जी खराब हलत वास्ते माउ पीउ खे बि डोहारी लेखियो वेन्दो आहे।
बुधी बुधी अंधो बि वाट लहे : बियन जी मदद वठी अणजाण बि मंज़िल हासिल करे सघे थो।
बुढ़ापे में खल खराब थियण : वड़ी उमिर में नंढी उमिर वारन जहिड़ियूं हरकतूं करण
बुड़न्दड़ खे कख जो सहारो : वड़ी मुसीबत वक़्त थोरी मदद बि घणी महसूस थिये थी।
बुड़ियल बेड़ी जो लोह बि मिलियो त भलो : नुकसान जी हालत में जेको बि बचाये सघिजे सो सुठो।
बुख बुछिडो टोलु, डानहि दीवाना करे : बुख में इंसान होश हवास विंञाये थो विहे।
बुख में बसर बि मिठा : अणाठ में मामूली मदद बि वड़ी महसूस थींदी आहे।
बुखियो जटु मूरी खाये , मूरी बुख वधाये : बेअकुल खे खबर ई न पवे त जहिं खे दवा पियो समझे सा बीमारी वधाये पयी
Click On Page Number
Last Updated 01 May 2021