Everlasting Blessings of Mata Dadanbai & Dr. Premchand Manghirmalani

सिंधी पहाका / चवणियूँ

advertise here

Advertise Here

मेहरबानी करे ध्यान डीन्दा त हिनन मां कुछ बि मुहिंजो लिखियिल कोन आहे। मां सिर्फ कोशिश थो कियाँ त जेके सिंधी पहाका / चवणियूँ असां पहिंजे रोज़ाने जीवन में काम आणियूँ था से सभ हिक हंद ते कठा थियन जीयँ नवजवान सिंधी पीढ़ीअ खे सिंधी बोलीअ जे हिनन जेवरातन सां रूह रूहाण जो मोको मिले। हिते पहाकन चवणिन जा मतलब डिनिल आहिन से ज़रूर मुहिंजी समझ अं आजमूदे आधारे आहिन।
एस. पी. सर

Sindhi Proverbs – पहाका , चवणियुं , मुहावरा अयं कहावतूं

[१] कुकुड कोरियिन जी नावं वडेरे जो।
मतलब कमु कन हिकिडा जसु मिले बिये खे।
लड़ायी सैनिक कन्दा आहिन पर जसु सेनापती खे मिलन्दो आहे।
[२] अंधी पींहे कुत्ता खायिन।
मतलब मेहतन करण अं उनजो फलु जेके लायक न हुजन उन्हन में विरहायिण।
[३] हिक तन्दुरुस्ती हज़ार नियामतूं ।
मतलब जे हिक पासे हज़ारे वरदान अं बिये पासे तन्दुरुस्ती हुजे त तन्दुरुस्ती चुँडिजे।
[४] डुबरे डान्द खे मछर बि घणा।
कमज़ोर जी तक्लिफ़ुन जो वधण
[५] जिते लोभी हुजन उते ठोगी भुख न मरन।
मतलब जे असां लालच न कयुं त असां ठगी जो शिकार न थींदासीं।
[६] खाओ मणु बचायो न कणु
मतलब कमु केतिरो बि आणियो पर कुछ बि अजायो न विञायो।
नोटु : अजु शादीयिन में थियन्दड खाधे जे जियान खे डिसन्दे शादी जे कार्ड ते इहो लिखाइण निहायत ज़रूरी लगे थो "खाओ मणु बचायो न कणु। "
[७] वंड विरहाय सुख पाय।
मतलब सचो सुख कठे करण में न पर विराहिण में आहे।
[८] सबुर जिनजो सीर तीर न गुसे तिन जो।
मतलब जे सबुर रखन्दा त कामयाबी ज़रूर मिलन्दी
[९] उहो सोन घोरियो जो कन छिने।
मतलब उन कीमती शय जो बि मुलह कोन आहे जे असां खे नुकसान पहुचे।
[१०] जहिडो संग तहिडो रंग।
मतलब त तव्हां जी जिन सां दोस्ती आहे तव्हां उन्हन जहिडा थी वेन्दा।
[११] धकु हण धीउ खे त सिखे पयी नुहं।
मतलब हिक खे छिबड या ढडको [सजा] डयी बिये खे सेखारिण।
[१२] पैसे पलो मंहागो रूपये पलो सस्तो।
मतलब शय जी कीमत वक़्त अं हालतुन मूजिब मुकर्रर थींदी आहे।
[१३] दायीअ खां पेटु लिकायिण।
मतलब जाहिं खे हकीकत खबर हुजे उन सां कूड़ गालिहाइण।
[१४] जेड़ा उठ तेडा लोढ़ा।
मतलब जेतिरी वधीक जवाबदारी ओतिरो वधीक कमु।
[१५] उठ जी मुहं में ज़ीरो।
मतलब घुरिज जी भेट में तमाम घटि मिलण।
[१६] जेको चुल्ह ते सो दिल ते।
मतलब त जेको वेझो हूंदो आहे सो वधीक वणन्दो [पसंद पवंदो] आहे।
[१७] घणे जायफें घरु न हले घणे मर्दें हरू न हले।
मतलब त जे हिक ई कमु खे वधीक माणुहू कन्दा त कमु सही नमूने कोन थींदो।
[१८] बारी खणन बारू नाहे कमु कचच्न जो।
मतलब जहिं में काबिलियत अं आजमूदो हुजे तहिं खे ई जवाबदारी खणणु खपे।
[१९] नयीं नुहं नवं डींह लथे पथे डह डींह।
मतलब पहिंजे कम खां थोरे वक़्त वास्ते ई मुहं मोड़े सघबो आहे।
[२०] नींगर बि नंढी जुम्मा बि घणा।
मतलब मौका पिया मिलन्दा आहिन। ही पहाको आम तौर तंज [व्यंग] जे रूप में वापिरियो वेन्दो आहे।
[२१] नींगर जा पैर पींघे में पधरा।
मतलब काबलियित न लिकन्दी आहे या नंढी उमर में पहिंजी काबलियित जो इज़हार करण।
[२२] फुडिअ फुडिअ तलाव।
मतलब थोरो थोरो करे बि वढी मंज़िल हासिल करे सघजी थी।
[२३] लभे लठ बि कोन बाबो बन्दुकुन वारो।
मतलब कुछ न हूंदे बि घणो कुछ हुअण जो डेखाउ करण।
[२४] ब पहाका गडु मतलब पाण समझो
[अ] "मर्द केढो बि हीणो त बि जाल खां बीणो।"
[ब] "मर्द केढो बि सियाणो त बि जाल आगियां निमाणो। "
[२५] अच्छा कपडा खीसा खाली समझन पाण खे मुल्क जा वाली।
मतलब कुछ न हूंदे बि अहिडी हलत हलण जण त कहिं मुल्क जा हुक्मरान हुजन।
[२६] नाणे बिना नर वेगाणो।
मतलब - जे पैसा न हुजन त इन्सान पाण खे अकेलो या उबाणको महसूस कन्दो आहे।
[२७] जीउ खुश त ज़हान खुश।
मतलब - जे तव्हां पाण खुश आहियो त दुनिया बि खुश आहे।
[२८] खीसे में नाणो त घुम लाडकाणो।
मतलब जे पैसा हुँदा त शौंक पूरा थी सघन्दा।
[२९] नांग जे पुछ ते पेर रखण।
मतलब बिना मतलब पाण खे खतरे में विझण।
[३०] जो खीर पिये सो वीर थिये।
हीअ चवणी खाधे जी अहमियत समझायिण वास्ते कमु अचे थी।
[३१] कहिं खे वाँगण वाई त कहिं खे बसर बादी।
मतलब : हर कहिंजी पहिंजी पसंद आहे। हिक खे वणन्दड शय बिये खे नापसंद थी सघे थी।
[३२] अचे धीयाणो वञें पियाणो।
हीउ हिकु तमाम पुराणों पहाको आहे जेको उन विशवास सां लागापो रखे थो त [माउ पीउ ] पेकन खे धीउ जो धन न वापिरायिण घुरिजे।