Everlasting Blessings of Mata Dadanbai & Dr. Premchand Manghirmalani

सिंधी पुलाव

सिंधी राइस रेसीपीज - सिंधी खाधो -भुगल चांवर

जे तव्हां सिंधी फ़ूड हैबिट्स ते ध्यान डीन्दा त आम तौर सिंधी रंधणे में दाल ऐं चांवरन जे रधिजण जो मतलब थींदो आहे डिनर या रात जी रसोई। सिंधी राइस रेसीपीज में आम चांवरन खां सिवाय बि जेका मशहूर सिंधी रेसिपी आहे सा आहे सिंधी पुलाव या भुगल चांवर जेके आम सिंधी खाधो त आहिन ई पर शादी विवाह जे मोकन जी बि सिंधी रेसिपी आहिन।

केतिरन खे इहो महसूस थींदो आहे त सिंधी पुलाव ऐं बिरयानी सागी सिंधी रेसिपी आहे पर हकीकत में बिन्ही में फरकु आहे। बिरयानी में बियूं भाजियूं मिलायजन थियूं पर आम तौर सिंधी पुलाव में न। इहो सचु आहे त सिंधी पुलाव ठाहिण जे तरीके में मामूली फेरफार करे सिंधी बिरयानी, मटन या चिकन बिरयानी ठाहे सघजी थी पर सिंधी पुलाव हिक अलग सिंधी राइस रेसिपी आहे। सिंधी रेसिपी सिंधी पुलाव ऐं सिंधी बिरयानी जे ठाहिण जो तरीको लगभग सागो हुअण सबब सिंधी रेसिपीज में असां सिंधी बिरयानी खे अलग सां शामिल न था कयूं।

सिंधी पुलाव -घुरिबल शयूं

चांवर – बसर – मिर्च पीठल – सजो गरम मसलो मतलब लौंग, कारा मिर्च , दालचीनी, फोटा वगैरह पर हणोके समे में घणे भांङै बाजार में मिलन्दड तैयार पीठल गरम मसाला कम आंदो वेदो आहे।

नोटु : जे तव्हां सिंधी बिरयानी ठाहिण था चाहियो त पुलाव ठही तैयार थियण खां थोरो अगु मुंद मूजिब बाजार में मिलन्दड कहिडियूं बि भाजियूं जेके अलग ओबारियिल हुजन मिलाये सिंधी बिरयानी तैयार करे सघो था।

सिंधी पुलाव -ठाहिण जो तरीको

सिंधी पुलाव ठाहिण वक़त जे चांवर अधु किलाकु खन अगु पाणीअ में पुसाये रखबा त भुगल चांवर वधीक जायकेदार लगन्दा।
थांव में थोरे गीह में कटियिल बसर ऐं मसाला विझी विचोली बाहि ते बसर जे घाटे भूरे थियण तायीं गर्म कियो। [सिर्फ बसर जे तव्हां बाजार मां आंदल गरम मसालो कम आणियो था त ]
लूण मिर्च चांवर,पाणी ऐं गर्म मसालो मिलायो।
1 -2 मिनट गर्म कियो। [जे तव्हां सिंधी बिरयानी ठाहिण चाहियो था त अधु ओबारियिल भाजियूं या मटन या चिकन विझी हल्के हथन सां घुमायो ]
चांवर जे रधिजण वास्ते आम तौर चांवरन जे अंदाज़ खां बीणो पाणी कम आणिबो आहे पर पाणी जो मिक़दार तव्हां जे कम आंदल चांवरन जे किसम ते मदार रखे थो।
थांव खे ढके गर्म कियो ऐं अटकल पंज सत मिनिट रधिजण जो इन्तिज़ार कयो।
रधिजी तैयार थियण गर्म हूंदे ई सर्व कयो।

Last Updated 12 April 2021

error: Content is protected !!