Everlasting Blessings of Mata Dadanbai & Dr. Premchand Manghirmalani

एस पी सर

advertise here

Advertise Here

spsir_02

प्रोफाइल

जन्म तारीख : 17 जुलाई 
पढ़ायी : बी. एस सी ; बी. बी ऐड.
शौंक : पढहण , लिखण ऐं सैर 
पसंदीदा संगीत : गुरबाणी - ग़ज़ल्स 
पसंदीदा टी वी प्रोग्राम : कॉमेडी ऐं डांस शो 
पसंदीदा साहित्य : गुरबाणी ऐं हिंदी उपन्यास 
लिखियिल किताब : ज़ीज़ल 70 सालन जी 

प्रोफाइल

जन्म स्थान : बुरहानपुर -मध्यप्रदेश 
पेशो : साइंस टीचर - वेबसाइट हलायिण 
जुनून : भारत में सिन्धियत जी महफ़ूज़ी वास्ते कमु करण 
पसंदीदा सैरगाह : गोवा जा सामुंडी किनारा 
पसंदीदा फिल्म : कभी ख़ुशी कभी गम 
यादगार पल : धीउ जो जन्म 

जीवन सफ़रनामो

सिंधी टीचर : सिंधी वेबसाइट : फेमस सिंधी : सिंधी लेखक ऐं कवी

lt17 जुलाई 1957 ते बुरहानपुर, मध्यप्रदेश में दादनबाई ऐं डॉ प्रेमचंद मंघिरमलानी जे ट्रियें पुट्र जे रूप में जन्म वठण वारे सचानंद मंघिरमलानी खे सिंधी समाज में कुदरती रहमत साणु खणी जन्म वठण वारिन शख्सियतुन में शुमारे सघजे थो। जीयं त माता पिता जो आदिगुरु धनश्री गुरु नानकदेव साहिबन में अटल अकीदो हो ऐं गुरबाणी  पाठु करण संदन जीवन जो नितनेम हुओ सो बालपणे खां ई सचानंद खे धार्मिक ऐं सामाजिक जीवन जा संस्कार हासिल करण जो सुठो मोको मिलियो।  कुटुंब जी सालानो मशग़ूलिन जो हिकु अहम हिसो हो गुरुनानक साहिबन जी छटी मलिहायिण - इहो उहो जलसो हो जहिं सचानंद में बियन मदद करण जे ज़ज़्बे खे ज़िंदगीअ जो हिसो बणजण में मदद कयी।
13 सालन जी नंढी उमिर में "नन्हा मुन्ना राही हूँ, इस देश का सिपाही हूँ " जो नारो बुलंद कन्दे हुन स्कूल जी विद्यार्थी परिषद जे उपाध्यक्ष जी चूंडिन में कामियाबी हासिल करे पहिंजे टीचर्स  रायो "हीउ बारु सियाणप ऐं काबिलियत सां मालामाल आहे " खे सही साबित कियो। स्कूली सिखिया जे डीन्हन में सचानंद  सिर्फ डेबिट क्लब जो माहिर मेंबर हो पर बैडमिंटन, क्रिकेट, शतरंज ऐं कैरम बोर्ड जहिडिन रांदिन में बहरो वठण में अगरो हो।  स्कूल जे NCC ट्रुप जो अगवानु हुअण सां गडोगडु भाषण जी चटाभेटी , नाटक ऐं बियन सांस्कृतिक मशग़ूलिन में केतिरा ई इनाम हासिल किया।
स्कूली सिखिया जे दौरान NCC जी ट्रेनिंग सचानंद जे दिल में देशभक्ति जे ज़ज़्बे जा बिज़ पोखिया जेके कॉलेज जी पढ़ायी दौरान वधी वणु थिया।  NCC जे केतिरन सालानो ट्रेनिंग कैम्पस खां सिवाय सचानंद खे मध्यप्रदेश जे नुमाइन्दे तोर रानी खेत [नैनीताल] में थियल बेसिक लीडरशिप कोर्स जे कैंप में शामिल थियण जो मोको मिलियो। बी.एससी जी पढ़ायी पूरी करण ऐं NCC जो C सर्टिफिकेट [सीनियर विंग ] हासिल करण खां पोय मिलिट्री में ऑफिसर थियण वास्ते हू बैंगलोर में थियल SSB [Service Selection Board Exam] में बि शामिल थियो हो पर किन हालतुन सबब मिलट्री में शामिल न थी सघियो।
18 जनवरी 1982 ते सचानंद ऐं शोभादेवी जी शादी थी।  वाहेगुरु जोड़े खे हिकु पुट्र [प्रेमांशु] ऐं हिक कन्या रतन [सुखदा] जी दौलत बख्शे पहिंजी रहमतुन सां मालामाल रखियो आहे।

पेशेवर ऐं सामाजिक जीवन

sp_social1बी.एस सी जी पढ़ायी पूरी करण खां पोय सचानंद मंघिरमलानी महाराष्ट्र जे जळगाव ज़िले जे चालीसगाव शहर जे इंदिरा गाँधी सिंधी हाय स्कूल में साइंस टीचर जे रूप में पहिंजे पेशेवर जीवन जी शुरुआत कयी।  1981 में हू कोल्हापुर आयो ऐं साधु वासवानी हाय स्कूल ऐं जूनियर कॉलेज में बतोर साइंस टीचर कमु करण लगो।  25 सालन जी नौकरी खां पोय 2004 में हुन वॉलेंटरी रिटायरमेंट वरती। पहिंजी नौकरी जे अरसे में हू असिरायिते नमूने सिखिया डियण वास्ते काफी मशहूर रहियो ऐं गांधीनगर कोल्हापुर जा सिंधी सिक हुब ऐं इज़्ज़त विचां खेस एस पी सर चवण लगा।  एस पी सर जे पढ़ाहिण जे तरीके जे असिरायिते हुअण बाबत ऐतिरो लिखण काफी आहे त संदस नौकरी जे अरसे में को बि विद्यार्थी डहें दरजे जे बोर्ड जे इम्तिहान में साइंस में नापास न थियो।
बतोर साइंस टीचर कामियाब पेशेवर ज़िन्दगी गुजारिण वारो एस पी सर सामाजिक जीवन में बि पुठिते कोन हो।  सिंधी समाज जी मकानी हलचलुन में बहरो वठन्दे हुन "सिंधु मराठा डांस ऐं म्यूजिक सेंटर" गांधीनगर जे बरपा कन्दड़ सेक्रेटरी ऐं "रोटरी क्लब ऑफ़ गांधीनगर" [RI Dist. 3170 ] जे चार्टर सेक्रेटरी जे ओहदे ते बि कमु कियो। 

घण हुनरी शख्सियत जो इजिहार

sp_sirगांधीनगर कोल्हापुर में पहिंजे साइंस टीचर जे जीवन जे दौरान एस पी सर न सिर्फ स्कूल में सालाने सांस्कृतिक कार्यक्रम जी रीत शुरू कयी पर केतिरा ई साल बतोर कोऑर्डिनेटर ऐं एंकर इहो प्रोग्राम पेश कियो।  स्कूली बारन जे वास्ते सिखिया ऐं सैर वास्ते सालानी ट्रिप शुरू करण में बि संदस वडो हथु हो।  एस पी सर जे विद्यार्थिन खे विज्ञानं प्रदर्शन, स्पोर्ट्स डे, डांस ऐं ड्रामा में बहरो वठण वास्ते हिमथायिण ऐं मायट्रन खे समझाये बार खे बहरो वठण जी मोकल वठी डियं वारे लाडे खेस हरदिल अज़ीज़ बणाये छडियो। 
वक़त मूजिब सामाजिक जीवन में आयल तबदील मूजिब एस पी सर पिण ऑरकुट ऐं फेसबुक जहिडिन सोशल नेटवर्किंग साइट्स सां जुडियो।  फेसबुक ते हुन "सिंधी न्यूज़ वर्ल्ड" ऐं "द सिंधु वर्ल्ड" नाले जा ब ग्रुप शुरू करण सां गडोगडु पहिंजी सिंधी वेबसाइट द सिंधु वर्ल्ड डॉट कॉम वास्ते द सिंधु वर्ल्ड नाले जो पेज बि ठाहियो आहे।  यूट्यूब ते एस पी सर जा ब चॅनेल्स आहिन :
गुरुसिख          ऐं         प्रेम प्रकाश पंथ      
हणो के व्हाट्सप्प जे ज़माने में बि व्हाट्सप्प वापिरायिण वारन सिंधियन लाय एस पी सर हिकु सुञातल नालो आहे। 

 

 

एस पी सर खे हिंदी में बरवकत हिंदी में कविता रचिण जी कुदरती डाति हुअण सां गडु मुखतलिफ विषयन ते लिखित में पहिंजा विचार ज़ाहिर करण में बि महारत हासिल आहे। www.ibibo.com पारां थियल "The Great Indian Blogger Hunt" जे टॉप 50 ब्लॉगरन में शामिल एस पी सर इन वेबसाइट जे "Hall of Fame" जो बि हिसो हुओ। एस पी सर,  11 फरवरी 2008 खां 22 फरवरी 2008 जे विच में रोज़ाना ज़ी न्यूज़  ऐं  ज़ी बिजनेस ते डेखारियल बजट सां लागापे वारे प्रोग्राम "Public Ka Vittmantri" जे पंजन फाइनलिस्ट मां हिकु आहे [ मथियों वीडियो डिसो ]
ब्लॉगर वेबसाइट ते एस पी सर जा My Article World    ऐं    India Travel World  इहे ब ब्लॉग आहिन जिनखे 9 A Listed world bloggers जी "Blogging To Fame" चटाभेटिअ में नॉमिनेशन हासिल थियल आहे।  इंडिया टूरिज्म सां लागापो रखण वारी ऐं चंगे वड़े विस्तार वारी वेबसाइट www.amarbharat.com  सां एस पी सर बतोर कंटेंट डेवलपर जुडियिल आहे।
सिंधी समाज सां लागापो रखण वारियूं कुछ बियूं वेबसाइट जिन सां एस पी सर जो लागापो आहे से आहिन : 
www.devvani.com  - प्रेम प्रकाश पंथ जे भजनन ऐं संतन जे सत्संग जा वीडियो 
Prem Prakashi - प्रेम प्रकाश पंथ बाबत 
Tirth Dham Khandwa - खंडवा जी तीर्थ धाम दरबार जी वेबसाइट 
Swami Ramesh Prakash - कटनी जे संत स्वामी रमेश प्रकाश जन जे जीवन ऐं कमन बाबत 

सामाजिक जवाबदारी ऐं ज़ुनून

एस पी सर जी ज़िन्दगी में, भारत जे सिंधियन वास्ते कमु करण जो जेको ज़ुनून , सामाजिक जवाबदारी जो अहसास नज़र अचे थो उन जी बुनियाद आहे माता दादनबाई ऐं पिता डॉ प्रेमचद मंघिरमलानी जो उन्हन डुखियिन, बेइज़्ज़ती भरी, जियण जी ज़फ़ाकशी सां भरियल ऐं तक़लीफ़ुन वारिन हालतुन जो बुधायल हाल जिनखे सजी सिंधी कौम मुल्क जे 1947 जे विरहांगे सबब मुहं डियण लाय मज़बूर कयी वयी हुयी। 
एस पी सर पहिंजे जुनून भारत जे सिंधियन में, खेन हिक बिये सां जोड़े, नवजवान सिंधी तबके खे सिन्धियत जे आलिशान विरसे सां जोड़िण जी कोशिश करण जे कम जी शुरुआत काफी समो अगु कयी हुयी पर रिटायरमेंट वठण खां पोय त संदस वक़त जो वडो हिसो इन जुनून खे हकीकत जो जामो डियण में खरचु पियो थिये।
गांधीनगर कोल्हापुर ऐं आसे पासे जे शहरन जे सिंधियन वास्ते फ्री एस एम एस सेवा "सिंधु" शुरू करण जेका लगभग चार साल शुरू रही।
2010 में एस पी सर गांधीनगर कोल्हापुर जे सिंधियन जे घरन ऐं दुकानन जी विचूर वारी "द सिंधु वर्ल्ड डायरेक्टरी" तैयार करे छपायी।  सागे साल में गांधीनगर - जेको हिकु वडो मार्केट आहे - जे होलसेल ऐं रिटेल सिंधी वापारिन जी समूरी तफसील वारी "गांधीनगर वर्ल्ड बिजनेस डायरेक्टरी " बि छपायी। 
22-10-2015 ते दहशरे जे शुभ डीन्ह ते एस पी सर  "Gandhinagar World android app"  लांच कियो।  हिन मोबाइल अप्प वसीले गांधीनगर कोल्हापुर जे सिंधी वापारिन जी सेक्शन मूजिब जाण सवलायी सां मोबाइल फ़ोन ते मिली सघे थी।  को बि शख्स दुनिया जी कहिं बि कुंड मां इहो अप्प गूगल प्ले स्टोर तां फ्री डाउनलोड करे पहिंजी मोबाइल ते इंसटाल करे कमि आणे सघे थो।  
भारत जे सिंधियन खे सुख दुःख जा नियापा मोकलिण में सहूलियत थिये इन मुराद सां 2016 में एस पी सर हिकु बियो मोबाइल अप्प "सुःख दुःख" लांच कियो हो पर घटि वापर सबब इहो बंद करणो पियो।
10 अप्रैल 2017 ते सिंधी भाषा जे भारत जे संविधान जी अठियीं सूची में शामिल थियण जा 50 साल पूरा थिया।  हिन मोके खे वधीक यादगार बणाइन्दे एस पी सर भारत जे सिंधियन जी शहर मूजिब डायरेक्टरी ठाहिण जी मुराद सां " SW Sindhu Directory App " लांच कियो आहे। को बि शख्स हेठ डिनिल लिंक ते किलिक करे इहो अप्प फ्री डाउनलोड करे पहिंजी मोबाइल ते वापिराये सघे थो। 

Free Download -TSW Sindhu Directory App

ताज़ो एस पी सर भारत में सिंधियन जे गुजरियल 70 सालन बाबत जाण वास्ते हिकु किताब - ज़ीज़ल 70 सालन जी - इ बुक जे रूप में पेश कियो आहे।  

सिंधी भाषा डाहूँ पहिंजे जुनून ऐं नवजवान सिंधी तबके खे सिन्धियत जे विरसे जी जाण डियण जी पहिंजी सामाजिक जवाबदारी पूरी कन्दे एस पी सर www.thesindhuworld.com पेश कयी आहे जेका सतगुरु स्वामी देव प्रकाश महाराजन 29 अगस्त 2006 ते लांच कयी आहे।  हीउ वेबसाइट बिन भाषाउन अंग्रेजी ऐं सिंधी देवनागिरी में आहे ऐं शायद त दुनिया जी अकेली सिंधी वेबसाइट आहे जेका नियम सां हर महीने अपडेट थींदी आहे।
एस पी सर www.gandhinagarworld.com बि तैयार कयी आहे। इहा वेबसाइट शुरुआत में गांधीनगर कोल्हापुर जे होलसेल ऐं रिटेल वापर जी जाण जे मकसद सां पेश कयी वयी हुयी पर हाणे कोल्हापुर गांधीनगर जे सिंधी समाज बाबत जाण जे ज़रिये रूप में कमु पयी करे। 

ओहदा ऐं अवार्डस

सिंधु मराठा डांस ऐं म्यूजिक सेंटर गांधीनगर - बरपा कन्दड़ सेक्रेटरी
"रोटरी क्लब ऑफ़ गांधीनगर [RI Dist. 3170 ] - चार्टर सेक्रेटरी
बेस्ट टीचर अवार्ड 
रोटरी डिस्ट्रिक्ट 3170 में "Family Values" ते लिखियिल लेखन वास्ते अवार्ड 
साल 1992 - 1993 में रोटरी डिस्ट्रिक्ट 3170 जे बेस्ट क्लब सेक्रेटरी जो अवार्ड