उमर मारवी
सिंध जो ट्रैजिक रोमांस – उमर मारवी
सिंधी साहित्य – शाह जूं सत सूहिणियूं – सिंधी लोक कहाणी – शाह जो रिसालो
हअं बि सिंधी साहित्य खे समाज जो आइनो लेखियो वेन्दो आहे पर शाह साहिब सिंधी लोक कहाणिन जेके सिंध जे ट्रैजिक रोमांस जे रूप में बि मशहूर आहिन तिन खे शाह जो रिसालों जो हिसो बणाये सिंधी अदीबन खे समझाणी डिनी आहे त बेमिसाल साहित्य उहो आहे जेको समाज सां जुडियिल आहे। शाह साहिब जिन सतन खे सिंधी साहित्य या शाह जूं सत सूहिणियूं लकब सां नवाजियो उन्हन मां फ़क़त मारवी आ जहिंजो नालो सिंधी लोक कहाणी जे उनवान में पहिरियूं न पर पोय लिखियो वेन्दो आहे। मुहिंजे नज़रिये सां डिसजे त उमर मारवी हिक इश्क जी दास्तां खां वधीक कहाणी आ पछितावे ऐं पहिंजे वतन वासिते मुहोबत जी। खेरु कहाणी लिखण खां अगु मां ऐतिरो ज़रूर चवन्दुम त उमर मारवी सां मुहिंजी पहिरियीं वाकफयित अटकल पंजाहु साल अगु उन वक़त थी हुयी जहिं वक़त मां पहिंजे पिता जन जे वातां बुधो हो
मंदी थीउ न मारवी तुहिंजो उमर बि आहे
उमिर भर जा लहिजा जो पल में थो लाहे।
उमर मारवी - सिंधी लोक कथा
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.
मारवी जो जनम
मारवी जो जनम उमेर सूमरो जे राज में थार रेगिस्तान जे गोठ मालीर में थियो हो। संदस माउ पीउ वट खेती वासिते चंगी ज़मीन हुयी। उहे हू जानवर बि पालीन्दा हुआ मतलब त कुटुंब हिक खुशहाल ज़िन्दगी गुजारे रहियो हो ऐतिरो जो कुटुंब खेती जे कम वासिते हिक नौकर बि रखियो हो।
फोग जी चाहत ऐं रीस
जनम खां ई मारवी सुहिणी लेखी वेन्दी हुयी। जडिहिं हुअ जवान थी त संदस सुंह गुलाब जे गुल वांगुर टिड़ी जगि ज़ाहिर थी। मारवी बेमिसाल ऐं मन मोहिन्दड सुंह सबब आसपास में मशहूर थी वयी। घर जो नोकर फोग बि इन सुंह जी कशिश खां पाणु कोन बचाये सघियो ऐं मारवी खे चाहिण लगो। पहिंजी चाहत जे हथां मज़बूर थी घर जो नौकर हूंदे बि हुन मारवी सां शादी करण जी पहिंजी इच्छा ज़ाहिर कयी।
मारवी जे पीउ न सिर्फ इंकार कियो पर मारवी जो मंगिणो हिक बिये सुठे घर जे नवजवान सां करे छड़ियो। इन गालिह नौकरी तां कढियिल नौकर फोग जी दिल में रीस ऐं बदिले जी बाहि बारे छड़ी। हू पाण त मारवी जे कुटुंब खे को नुकसान पहुचायिण जी हालत में कोन हो सो हू सिधो वञीं बादशाह उमर वट पहुतो। बदिले जी बाहि में बरन्दे हुन उमर से सामहूं मारवी जी सूंह जो अहिडो त बयान कयो जो उमर मारवी खे डिसण बिना ई उन सां शादी करण वासिते बेसबुरो थी पयो।
उमर जो मारवी जे गोठि अचण
उमर जहिं वक़त मारवी जे गोठ पहुतो तहिं वक़त मारवी गोठ खां बाहिर वारे खूह तां पानी भरण निकती हुयी। उमर इन वझ जो फायदो वठी मारवी खे खणी उमरकोट हलियो आयो। मारवी उमर सां शादी करण खां इंकार करे छड़ियो पर उमर हुन कहे आज़ाद करण बदिरां हिक किसम सां उमरकोट किले में क़ैद करे छडियो। वकतु गुजिरंदो रहियो सियारो जी जगह ते बरसात जी मूंद अची वयी पर उमर जी तरह तरह जी लालचुन, शाही ज़िंदगी जे खुवाबन ऐं बेशकीमती सूखीडियिन जो मारवी ते को बि असर न थियो। हुअ हाणे बि पंहिजे वतन,पंहिजे गोठ वापस मोकिलण जी, पहिंजे मंगिणो थियिल मुडस सां ज़िन्दगी गुजारिण जे ज़िद ते कायम हुयी।
उमर जो हक़ीक़त सां वाकिफ़ थियण
ऐतिरो वकतु गुजिरण सबब उमर जो सबुर बि अची जवाब डियण जी हद ते पहुतो हो। ओचितो हिक वाक़िये सबब उमर खे खबर पयी त नंढी बालपणे वारी अवसथा (उमिर) में हुन ऐं मारवी हिक ई दायीअ जी थनुं पीती हुयी। डिसजे त इन हिसाब सां मारवी उमर जी भेण थी। हिन गालिह उमर जे मन खे हिक किसम जे पाप जी भावना सां भरिये छड़ियो। पहिंजे बेखयाली में थियिल गुनाह खे बख्शायिण जी मुराद सां उमर न सिर्फ मारवी खे आज़ाद करे वापस मालीर मोकिलियो पर भेणु समझी खेस झझी दौलत, सोन ऐं बियुं केतिरियूं सूखीडियूं बि डिनियूं ।
गोठ वापस अची मारवी खे महसूस थियो त सिर्फ संदस मंगिणो थिएल मुडस पर संदस जाति ऐं गोठ वारा मारवी खे पहिरियें वांगुर न था लेखिन। मंगिणो थिएल मुडस त संदस पाकीजगीअ ते बि शक थो करे। हिन गालिह न सिर्फ मारवी खे दुखी कियो पर इहा गालिह उमर जे कनन तायीं बि पहुती उमर फेसिलो कयो त हू पाण मारवी जे गोठ वेन्दो ऐं मारवी जी बेगुनाही ऐं पाकीजगीअ जे सभनी शकन खे दूर कन्दो।
पाकीजगीअ जो सबूत
उमर पहिंजी फौज सां रवाना थियो जडिहिं हू गोठ वेझो पहुतो त गोठ वारन खे लगो त उमर हमलो करण अचे थो सो सभु मारवी वटि पहुची उमर खे रोकिण बाबत चवण लगा। उमर बि उते अची पहुतो। उमर खे डिसी मारवीअ चयुस त पहिरियूं त तो गुनाह कयो आहे ऐं हाणे हमलो करण आयो आहीं। उमर सजी हकीकत बयान कन्दे गोठ वारन जे सामहूं चयो त मां बाहि में ततलु लोह जो टुकर हथ में झलीन्दुम मुहिंजे हथ जो न जलण सबूत थींदो मारवी जी बेगुनाही जो पर मारवी उमर खे रोकीन्दे चयो त इहो इमतिहानु हुअ डीन्दी। बाहि बारे हिक लोह जी छड़ उन में तपाई वयी ऐं उहा मारवी हथ में खंयी। सभु गोठ वारा डिसी खुश थिया त मारवी जे हथ खे को बि ज़ख्म कोन रिसियो हो। पाण खे बेगुनाह साबित करे मारवीअ बाकी ज़िंदगी सुख सां गुजारी।