Everlasting Blessings of Mata Dadanbai & Dr. Premchand Manghirmalani

वडियूं पटाटा - सिंधी भाजी

सिंधी रेसीपीज - निजु सिंधी खाधो -  वडियूं पटाटा 

सिंधी रेसीपी वडियूं पटाटा हिक रिवायती सिंधी भाजी ऐं निजु सिंधी खाधो आहे। वडियूं आम तौर पीठल मांहिं जी दाल में कारा मिर्च अधु कुटियिल गरम मसलो मिलाये , उन खे नंढन गोल जहिड़ी शिकिल डयी, उस में सुकाये ठाहियूं वेन्दियूं आहिन। सिंधी रंधणे में सागी सिंधी रेसीपी कम आणे सिर्फ पाणीअ जो अंदाज़ घटि वधि करे रसु वारा या लागि वारा वडियूं पटाटा ठाहिया वेन्दा आहिन। रसु वारा वडियूं पटाटा चांवरन सां त लागि वारा फुलकन सां खाधा वेन्दा आहिन।

वडियूं पटाटा - घुरिबल शयूं

वडियूं – पटाटा – बसर – टमाटा – सावा मिर्च – अदरक – पीठल धाणा मिर्च – गरम मसालो पाउडर – लूण – पाणी – तेल

नोटु : के पटाटन सां मेहा बि कम आणिन था त वरी के ताज़ा टमाटा न कम आणे टोमेटो पियुरी कम आणिन था।

वडियूं पटाटा - ठाहिण जो तरीको

वडियूं पटाटा ठाहिण शुरू करण खां अगु बसर सनही कुतुर करे ऐं पटाटा टमाटा कटे रखी वक़त बचाये सघिजे थो।
कुकर में तेल विझी बसर भूरे थियण तायीं फ्राई कियो।
टमाटा सावा मिर्च अदरक लूण धाणा मिर्च ऐं पाणी मिलाये कुकर जी ट्रिन [3] सिटीयन तायीं गर्म कियो।
वडियूं पटाटा लूण मिलाये घुमायो ऐं थोरी देर घटि बाहि ते गरम कियो।
लागि या रसु जहिं हिसाब वारी भाजी खपे उन मोजिब पाणी मिलाये ढकु बंद कियो।
कुकर जूं चार सीटियूं वजण तायीं बाहि ते रखो।
तव्हां जा वडियूं पटाटा तैयार आहिन।

Last Updated 20 May  2021

error: Content is protected !!