मन में विचार आयो

सुबह जो पंजे बजे वीडियो कॉल जी रिंग बुधी मूं शिरकु भरियो ऐं कॉल करण वारे जे नाले त मुहिंजो फूदनो ई फेरे छड़ियों। तव्हां बिलकुल सही अंदाज़ लगायो आहे। इहा कॉल हुयी अमेरिका वियिल साईं निखमिणेमल जी।

छा एस पी सर सुमिहिया पिया हुअव छा ? शिकिल सां त न थो लगे ? पोय भला जवाब डियण में ऐतिरी देर छो ?

मन में विचार आयो जे हिक भेरे में हिकु सवाल पुछे या हिक भेरे में का गालिह समझे हां त पोय हुन खे निखमिणोमल केर चवे हां ?

बियो कुछ खास न ! एस पी सर ! बस मन में विचार आयो त, महीना थी विया आहिन तव्हां सां गडु वेही चाहिं पियण खे ? सो हकीकी न सही खियाली [हू शायद वर्चुअल चवण चाहिन पिया ] नमूने ई सही। डिसो न तव्हां जे सामहूं बि चाहिं जो गिलास भरियो पियो आहे।

मां कुछ चवण जी कोशिश कयी पर सामहूं केर हुओ इहा त तव्हां खे खबर आहे न ? सो तव्हां जे अंदाज़े मूजिब मुखे चप चोरिण जो मोको न त मिलणो हुओ ऐं न ई मिलियो।

छा आहे एस पी सर जो अजु हिकु चुटिकिलो पढ़ियो। हिक नयीं शादी कियिल कुंवार चये पयी

छा जो अनलॉक आहे ? शादी त पंजाहु माणुहुन जी मोजूदगी में था करायिन ऐं चवन था हनीमून सिर्फ ब जणा मिली कियो ? हाणे केर बुधाये इन्हन खे जे भीड़ न हुजे त हनीमून जो मजो कहिड़ो ? न नवों शहर, न होटल जो तन्हा कमरो, न चैईनी पासे रोमांस जी खुशुबू पखेड़िण वारन नयीं शादी कियिल बियन केतिरन जोड़न जी भीड़ ? इहो बि को हनीमून थियो ?

बस एस पी सर इहो पढ़ी मुहिंजे मन में विचार आयो दिल के अरमां आसुओं में बह गये। सोचियुम छो न तव्हां खां बि पुछां त तव्हां जे मन में कहिड़ो विचार पियो अचे ?

हाणे मां विचार पियो कियां त कहिड़ो जवाब डियां ?

बुधो एस पी सर ! नियाणे जी फ़ोन अचे पयी। तव्हां विचार करे तैयार रहिजो ! मां थोरी देर में वरी कॉल कियांव थो।

त दोस्तों जे तव्हां जे मन में को विचार आयो आहे ऐं तव्हां बि फ़ोन करण चाहियो था त तव्हां जो स्वागत आहे।