राष्ट्रीय सिंधी भाषा विकास परिषद [NCPSL]
राष्ट्रीय सिंधी भाषा विकास परिषद [NCPSL]
शुरुआती इतिहास: NCPSL History
1947 जे देश जे विरहांगे सिंधी कौम खे न सिर्फ पहिंजो अबाणो वतन सिंध छडण वास्ते मज़बूर कियो पर उन्हन हालतुन खे बि जन्म डिनो जो सिंधी भाषा भारत जे कहिं बि राज्य जी मकानी भाषा जो दरजो बि विंञाये वेठी।
सिंधी अदीबन, भाषा जे माहिरन, सामाजिक तोड़े सियासी सिंधी अगुवानन जी गड़ियल कोशिशिन जे नतीजे तोर 10 अप्रैल 1967 ते सिंधी भाषा खे भारत जे संविधान जी मंज़ूरी मिली मतलब सिंधी कौम खे भाषा जे लिहाज़ खां घटितायी वारो दरजो हासिल थियो। सिंधी भाषा खे संविधान जी इन मंज़ूरी जो इहो मतलब बि हुओ त न सिर्फ राज्य सरकारूं पर भारत सरकार बि सिंधी भाषा जे वाधारे वास्ते कोशिश कन्दी। नतीजे तोर किन राज्यन में सिंधी अकादमियूं वज़ूद में आयूं।
1967 में सिंधी भाषा खे भारत जे संविंधान जे अठें शेडूल में शामिल करण खां वठी 26 मई 1994 ते राष्ट्रीय सिंधी भाषा विकास परिषद [NCPSL] जे बरपा थियण जे विच में 27 सालन जो अरसो गुजरी चुको हुओ। हालांकि इन विच में 1970 ऐं 1972 में भारत सरकार पारां सिंधी तैलीमदानन ऐं अदीबन खे शामिल कन्दे कॉन्फ्रेंस थी चुकी हुयी पर कम जे धरातल ते का तरकी थींदी नज़र न पे आयी।
आखिर 1976 में सिंधी तैलीमी ऐं अदबी खेतर जे जाणुन ऐं माहिरन जी दिल्ली में थियल मीटिंग जी सलाह मूजिब सिंधी सलाहकार कमिटी जे रूप में भारत सरकार जे ह्यूमन रिसोर्स डेवलोपमेन्ट ऐं तैलीमी खाते सेंट्रल हिंदी डायरेक्टरेट जे साये हेठ सिंधी भाषा वास्ते अलग यूनिट बरपा कयी।हकीकत में राष्ट्रीय सिंधी भाषा विकास परिषद [NCPSL] इन यूनिट जो ई विस्तार पातल रूप आहे।
गुजरात राज्य ऐं आसपास जे बियन राज्यन में सिंधी आदमशुमारी खे ध्यान में रखी भारत सरकार राष्ट्रीय सिंधी भाषा विकास परिषद [NCPSL] जो हेड क्वार्टर वड़ोदरा में रखण जो फेसिलो कियो ऐं डायरेक्टर जी चूंड थियण तायीं सेंट्रल हिंदी डायरेक्टरेट जे श्री डॉ गंगाप्रसाद विमल खे परिषद जो कम डिसण वास्ते मुकरर कियो। परिषद जी पहिरियीं मीटिंग उन समे जे ह्यूमन रिसोर्स मिनिस्टर श्री माधवराव सिंधिया जी सदारत में ग्वालियर में 18 नवंबर 1994 ते थी हुयी पर फेसिलो थियण खां पोय बि परिषद जे पहिरियें सिंधी डायरेक्टर जे रूप में डॉ किशोर वासवानी खे 28 जुलाई 1997 ते परिषद जे डायरेक्टर जे ओहदे ते मुकरर कियो वियो ऐं सितम्बर 1997 खां राष्ट्रीय सिंधी भाषा विकास परिषद [NCPSL] जे कम जी शुरुआत थी।
राष्ट्रीय सिंधी भाषा विकास परिषद [NCPSL] जे बरपा करण जो मुख्य मकसद हुओ भारत में सिंधी भाषा, सिंधी साहित्य जो फैलाव ऐं वाधारो [विकास] सिंधी भाषा खे तकनीकी वाधारे जी रफ्तार सां कदम मिलाये हलायिण में मददगार थियण। अगते हली भारत सरकार जे बियन खातन वांगुर राष्ट्रीय सिंधी भाषा विकास परिषद [NCPSL] जो हेड क्वार्टर दिल्ली में कियो वियो।
Objectives of National Council for Promotion of Sindhi Language
राष्ट्रीय सिंधी भाषा विकास परिषद [NCPSL] जा मुख्य उद्देश्य [मकसद] आहिन:
[1] सिंधी भाषा [Sindhi language] जे वाधारे [विकास] फैलाव ऐं विस्तार वास्ते कोशिश करण।
[2] सिंधी भाषा जे अखर कोष में अहिड़न अखरन खे शामिल करण जीयं सिंधी भाषा तकनीकी वाधारे जी रफ्तार सां ठहकी हली सघे ऐं पहिंजो वज़ूद कायम रखी सघे।
[3] सिंधी भाषा ऐं सिंधी में पढ़ाई बाबत भारत सरकार खे मुनासिब सलाह ऐं सुझाव डियण।
[4] सिंधी भाषा ऐं साहित्य [Language & Literature] जे वाधारे वास्ते कोशिशूं करण – सिंधी अदीबन जी होसिला अफ़ज़ाई करण। सिंधी भाषा जे वाधारे ऐं नयें सिंधी साहित्य जे सृजन वास्ते मुनासिब योजनाउं तयार करे उन्हन ते अमल करण।
[5] भारत सरकार – ह्यूमन रिसोर्स डेवलपमेंट – तैलीमी खाते ऐं सिंधी समाज जी मुखतलिफ तैलीमी सामाजिक संस्थाउन , राज्यन जी सिंधी अकादमिन जे विच में पुल जे रूप कम करण। सिंधी संस्थाउन खे सिंधी भाषा जे विकास जी योजनाउन में आर्थिक मदद डियण।
ध्यान में रखण जोग गालिह आहे त राष्ट्रीय सिंधी भाषा विकास परिषद [NCPSL] भारत सरकार जी अख्तियारी हेठ, सालानो मुकरर माली इमदाद [Budget] हासिल कन्दड़ [हिन वकत 8 करोड़ रुपया साल] संस्था आहे पर राष्ट्रीय सिंधी भाषा विकास परिषद [NCPSL] खे कम जे लिहाज़ खां खुद मुखितयार दरजो [Autonomous status] हासिल आहे।
Achievements of NCPSL
जे राष्ट्रीय सिंधी भाषा विकास परिषद [NCPSL] जे गुजिरियल वीहन सालन जे कम जो हिसाब किताब कजे त परिषद जी लेखे जोग कमियाबिन जी लिस्ट में शामिल आहिन
[1] 100 किलाकन जो सिंधी भाषा सर्टिफिकेट कोर्स [100 hour Sindhi Language Certificate Course] वास्ते सिखिया जा किताब तयार कराये अलग अलग शहरन जी मुखतलिफ सिंधी तैलीमी / सामाजिक संस्थाउन खे आर्थिक मदद ड़यी नवजवान सिंधियन खे सिंधी भाषा सां जोड़िणिण।
[2] 1000 खां वधीक सिंधी किताब खरीद करे देश जी सिंधी तैलीमी संस्थाउन ऐं लायबरिनिन खे मुफ्त डियण।
[3] सिंधी अदीबन खे पहिंजो किताब छपायिण वास्ते आर्थिक मदद करण।
[4] IAS जहिड़न इम्तिहानन में सिंधी विषय खणी शामिल थियण वारन वास्ते मकानी सिंधी संस्थाउन जे सहयोग सां ट्रेनिंग ऐं गाइडिंग क्लास हलायिण।
[5] सिंधी अदीबन खे इनाम ड़यी होसिलो वधायिण।
राष्ट्रीय सिंधी भाषा विकास परिषद डायरेक्टर – Directors of NCPSL
Dr. Ganga Prasad Vimal [1994 – 1997]
Dr. Kishore Vaswani [1997 – 2002]
Dr. Jetho Lalwani [2002 – 2005]
Shri Gazanfar Ali [2005 – 2005]
Dr. Pushaplata Taneja [2005 – 2007]
Shri H C Bhatia [2007 – 2008]
Shri P N Saxena [2008 – 2008]
Shri V K Agarwal [2008 – 2008]
Dr. Manohar Matlani [2008 – 2010]
Shri R P Sisodia [2010 – 2010]
Shri Nirmal Goplani [2010 -2015]
Prof. Kesharilal Verma [2015 – 2015]
Dr. Ravi Prakash Tekchandani [2015 – 2018]
Dr. Pratap Pinjani [2018 – —–]
Sindhi Academies in India भारत में सिंधी अकादमियूं
Sindhi Academy Delhi, C.P.O. Building, Kashmiri Gate, Delhi06
Rajasthan Sindhi Academy, Academy Sankul, J-15, jhalana sansthanik shetra, Jaipur
Chhattisgarh Sindhi Sahitya Academy, H No. 35/1236, Punjabi Colony, Ramnagar Katora Talab,
Raipur, Chhattisgarh
Gujarat Sahitya Academy, Abhilakhagar Bhavan, First Floor, Sector-17, Gandhinagar-382017
Sindhi Sahitya Academy, Mulla Ramuji Sanskriti Bhawan Benganga Road, Bhopal, Madhya Pradesh
U P Sindhi Academy, Lucknow
Maharashtra Rajya Sindhi Sahitya Academy, Old Custom House, Near Asitic Library, Fort Mumbai
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.
Posted On 16 Jan 2019