पंचायत जा कम

(01) पंचायत हिक सामाजिक संस्था आहे सो इंसान जी हरि उहा कारगुजारी (activity) जंहिंजो लागापो समाज सां हुजे तन्हि वासिते नियम ठाहिण ऐं धिआनु रखणु त नियमन जो सही नमूने में पालन थिये थो

(02) सामाजिक जलसन या बियन कार्यक्रमन लाय रिथ (planning) करणु

(03) समाज में हिक जिनसायिप (equality) रहे इन लाय बिन धुरिन जे निफ़ाक़ वक़त बिन कन्हि जी तरफ़दारी कन्दे अहिड़ो मुनासिब फेसिलो करणु जीयं न सिर्फ उन्हन बिन्ही धुरिन जो निफ़ाक़ु खतम थिये पर सामाजिक एकता बि कायम रहे

(04) पंचाणो (जहिड़े नमूने हाउस टॅक्स थिये थी) उन नमूने मुकिरर करणु जीयं समाज जे कन्हि बि तबके खे उहो आर्थिक बोझु महसूस न थिये

(05) पंचाणे तोर जमा (वसूल) कियल पेसन मां
(अ) समाज जे गरीबगुरबे खे बीमारी सीमारी या बिये वड़े खरच वारे वक़त मदद करणु
(ब) समाज जे होनहार ऐं घुरिजाऊ विद्यार्थिन खे पढ़ायी वासिते आर्थिक मदद डियणु
(स) सामाजिक कार्यक्रमन वासिते धर्मशाला या बिल्डिंग ठाहिराइणु

(06) असां हिन्दु आहियूं सो गउ ब्राह्मण जी शेवा ऐं संभाल असां जो फरज़ु आहे हिन पेसे जी जुग में इहो पिणु पंचायत जो कमु आहे त शादी विवाहं या ग़मी जे समे ब्राह्मण स्वामी जी ड़खिणा अहिड़े नमूने मुकिरर करे जो आम माणुहू खे आर्थिक बोझु महसूस न थिये पर सागे वक़त ब्राह्मण स्वामी जे घर में बि अन धन जा भंडारा भरियल रहनि

(07) सामाजिक डिण बिना धार्मिक पंथ जो विचार किये मलिहाइणु

(08) चेट्री चंड्र जहिड़े सिंधी सुञाणप वारे डिण ते जलसे तोड़े बहिराणे साहिब जी अहिड़े नमूने रिथा ऐं बंदोबसतु करणु जो न सिर्फ सिंधी समाज जी एकता ज़ाहिर थिये पर बियन मकानी (local) समाजन में सिंधी समाज वासिते सिक ऐं आदर जी भावना पैदा थिये

(09) पंचायत जो इहो पिणु हिकु अहम कमु आहे त समाज में पंहिजे सामाजिक, सांस्कृतिक ऐं साहित्यिक वरसे बाबत सुजागी कायम रखण वासिते वकत ब वकत ऐं लागीतो अहिडिन कारगुजारिन जी रिथा करे जिन में समाज जे हरि शख़्स खे शामिल थियण जो मोको मिले