Sindhi Pahaka 03

गडह अगियां गजर लटिकाइण : लालच डियण। लालच में फासाये पहिंजो कम कढ़ण। 
गडह जी लत खां हाथी जी लत भली : निरबल ते जीत खां ताकतवर खां मिलियल हार वधीक जसु डिये। 
गडह खे गुलकन्द खारायिण : कहिं खे उहो डियण हू जहिंजे लायक न आहे। 
गडहु छा जाणे गीअरन मां : बेकदिरे माणुहु खे कहिड़ो क़दूर पवन्दो।      
घणे जायफें घरु न हले घणे मर्दें हरू न हले  : जे हिक ई कमु खे वधीक माणुहू कन्दा त कमु सही नमूने कोन थींदो।
घणे ई सवड़ि घणो सीउ नाहे सवड़ि नाहे सीउ : संतोष में सवें सुख 
घणो अकुल घर जो घाटो : पहिंजी सियाणप बियन वास्ते कम आणिण सां घर ते ध्यान घटिजी वञे थो 
घणो मालु कोन्हे हालु : पेसेन जे हुअण सां कुछ न थिये बियन जी मदद / खरचु करण वास्ते दिल खपे 
घर में छोरो शहर में ढिंढोरो :  उन शय जी गोलिहा में भटकण जेका पाण वटि हुजे।
घरु बारे डियारी करण : वड़ो नुकसान करे नंढी ख़ुशी हासिल करण 
घरु गुरुअ जो दरू : पहिंजे घर जी अहमियत गुरु जे दर जेतिरी आहे।
घुरजूं जिन जूं घटि से पहाड़ चढ़िहन्दा झटि : घटि घुरिजन वारे लाय तरकी करण सवलो थिये 
घटो पालियो उन लाय पियो चरे चारो : फायदे जी लालच में नुकसान थियण 
घोडा विकिणी सुमहण : कहिं बि गालिह जी चिंता न हुअण।
घोट माउ खां एनर माउ तकिडी : जहिंजो कम आहे उहो न पर बिया था तकड़ कनि 
गिदड़ ड्राख न पुजे चवे थू खटा : जेका शय न मिली सघे उन खे ख़राब चवण  
गप में घिडिजे त फीन्गुन खां न ड्रजिजे : माहोल ऐं पसगीरदायी जे असर खां न बची सघिबो आहे।   
गोड़ा हमेशा पेट ड़ाहुं वरनि : पहिंजा हमेशा फायदो कनि था। 
गुड़ु जाणे गुड़ जी गोथिरी जाणे  : जहिं ते जवाबदारी हूंदी आहे उहो ई तक़लीफ़ुन जो अहसास करे थो।
गुड़ सां मरे त ज़हर छो डिजे  : जे नंढी तज़वीज़ सां कमु थिये त अकुल जो वधीक उपयोग न कजे।
गूंगंन जो गायिण बोड़न जो बुधण : न थियण वारियूं गालिहियूं 
गुरु कजे सुंञाणे पाणी पीयजे छाणे : को बि फेसिलो करण खां अगु जाच करण / जाण हासिल करण फायदेमंद थिये .