Sindhi Pahaka 07
सिंधी पहाका / चवणियूँ
Sindhi Language – Sindhi Sayings – Sindhi Pahaka – Sindhi Chavaniyun – Sindhi Proverbs – Pahaka Ain Chavaniyun
Sindhi Proverbs - सिंधी पहाका चवणियूँ - सिंधी मुहावरा ऐं कहावतूं
टकरीअ खे थिया सूर जायी कुई : घणी कोशिश करण खां पोय बि कुछ खास हासिल न थियण।
तकिडी कुती अंधा गुल्लर जणे : तकड करण सां कमु बिगिडिजी वेंदो आहे।
ठगु ठगे जग खे सियाणो ठगे ठग खे : सियाणे जे सामहूं ठग जी बि न हलन्दी आहे।
थधो घड़ो पाण पहिंजो पाण खे छांव में विहारे : क़ाबलियत पहिंजी जगह हासिल करण वास्ते मोहताज़ न थिये।थोरो डिसी न थिजे अरहो घणो डिसी न थिजे सरहो : हालतूं पयूं बदिलजन हालतुन मूजिब सुखी डुखी न थियण घुरिजे।
तरार जे घाउ खां ज़ुबान जो घाउ बुछिड़ो : कवड़न अखरन सबब पैदा थियल निफ़ाक़ सवलायी सां दूर न थिये।
तिर जो गुथियो सउ चोटूं खाये : नंढी गलती मां बि वड़ो नुकसान थी सघे थो। वक़त जी अहमियत न समझण ।
तुंडन में मंडो पहिलवान : झोपिडिन जी बस्ती में नंढे पके घर वारो बि अमीर लेखिजे।
तुरत दान महा दान : सुठो कम करण में देर न कजे।
ठूठ लगी साहिड़ी भगी : नंढी गालिह खे वधीक अहमियत डियण।
उभिरन्दे न कियो ताउ लहन्दे छा कन्दो : शुरुआत ई सुठी न कयी सो आखिर सुठी करे या न करे।
उहे ई लाटूं उहे ई चुघ : हर हर सागी गालिह या कमु करण।
उहो कजे जो मींहं वसंदे कम अचे : अहिडी हलत न हलजे जो डुखिये वक़त में मोहताजी जो मुहं डिसणो पवे।
उठ ऐं उलूअ जी आकहि मिड़यी हिकड़ी : घटि अकुल वारन जी पहिंजी ज़ात ज़मात थिये थी।
उथि बि नाणो, वेहु बि नाणो, नाणे बिना नरु वेगाणो : अजु इंसान जो न पर पेसे जे क़दुर जो ज़मानो आहे।
उदम खां सिवाय भागु बि मंडो : भाग में लिखियिल खे बि हासिल करण वास्ते मेहनत करणी पवे
उहा अमीरी घोरी जेका सिरु घुरे : पेसे वास्ते जान जोखिम में न विझण घुरिजे
उहो सोन घोरियो जो कन छिने : उन कीमती शय जो बि मुलह कोन आहे जहिं मां नुकसान पहुचे।
उहो ई काठु उहे ई कुहाड़ा : हलत ते कहिं गालिह जो असर न थियण / बदिलाव न अचण
उठ जे मुहं में ज़ीरो : घुरिज जी भेट में तमाम घटि मिलण।
वंडे विरहाये सुख पाये : विरहाये खायिण वारो हमेशा सुखी रहे थो।
वांदो वाणियो कागार फाड़े : बिना कम वेठल कुछ बि कंदो आहे।
वण वण जी काठी : कहिं परिवार जे विचारन में हिकज़िंसायप या समाज में एकता न हुअण।
वणु बबुर जो, खरु माणुहू, ओड़े पाड़े न हुजन : ध्यान रखण घुरिजे त बबुर जे वणु ऐं शैतान [खरु] माणुहुन खां परे रहण फायदेमंद थिये।
वक़त जो फेरो दाल मां सीरो : सुठे वक़त में थोड़ी कोशिश बि कमु रास करे थी।
वार त फणी न त कूड़ायिय खणी : जेका शय असां रखण चाहियूं था तहिंजी संभल करण ज़रूरी आहे।
वात में माखी दिल में काती : मिठो गालिहाये धोखो डियण या पहिंजो स्वार्थ पूरो करण।
वातु आहे अधु तबीब : मिठो गालिहायिण बि बीमार खे आराम पहुचाये थो।
वठण महिल शाहु डियण महिल डिवालो : सियाणप सां ओधर वठण ऐं मोटाये डियण खां इंकार करण।
वाई में वर घणा : हिक ई गालिह जा केतिरा मतलब थी सघन था।
वेरी हिकु बि घणो सजण लखु बि थोरा : नुकसान करण वास्ते हिक ई दुशमन काफी थिये।
विछुंअ खे हणिजे पादरू नांग खे हणिजे लठि : दुश्मन जे हिसाब मूजिब कम आणिण वारे हथियार जो फेसिलो करण।
विकिणी पछितायो रखे न पछितायो : खाधे [जल्द ख़राब थियण वारिन] जी शयिन खे जल्द विकिण सुठो।
विलायती कांव देसी कोयल : बिये देश मां आयल शय खे सुठो समझण जी गलती करण।
वियाजु डीन्ह रात जो घोड़ो, खाये घणो बि तडहिं बि ओहिडे जो ओहिडो : वियाज ते वरतल पेसेन जे चकर मां निकरण डुखियो थिये।
यारन जूं कसरूं बारन मां : हिक जी सज़ा बिये खे डियण।
Click on Page Number
Last Updated 01 May 2021