Sindhi Pahaka 06

सबुर जिनजो सीर तीर न गुसे तिन जो :  जे सबुर रखन्दा त कामयाबी ज़रूर मिलन्दी।  
सभुको पहिंजे घरां थो खाये : को कहिं जो मोहताज़ न आहे। 
सच जी बेड़ी लुड़े पर कोन बुड़े : सच जी राह ते हलण सां तकलीफ ज़रूर अची सघे थी पर आखिर में जीत मिले थी। 
सच ते साहिब राज़ी :  सचायी ते हलण वारा भगवान जी मेहर हासिल कन था।
सचाई मिरचाई कूड़ थिये गुड़ : सची गालिह मिरचन वांगुर तिखी लगे त कूड़ गुड़ जहिड़ो मिठो।
सचु सीर, कारी बकरी जो अछो खीर : सचु सदायीं सचु थिये चाहे सउ परदन में लिकायिण जी कोशिश कजे।       
सचु त वेठो नचु :  सचाई हमेशा ख़ुशी डिये थी।
सघो खाये अनु त अघो खाये धनु : तंदूरस्त माणुहू खे खाधो खपे त बीमार जे इलाज वास्ते धनु खपे।
सखी ऐं शूम जो हिसाब बारिहें महीने सागो : कंजूस तोड़े दानवीर जो हिसाब आखिर में हिक जहिड़ो थिये
सखीअ जो बेड़ो सदा तरे : जेको दानु करे थो उन वटि खोटि न पवे।
सखीअ खां शूम भलो तुरित डिये ज़वाबु :  मदद जो डेखाव करण खां बरवक़त इंकार करण बेहतर आहे। 
सखणी कुनी घणो उभामें :  घटि ज्ञानवान जो वधीक गालिहायिण।
संगु तारे संगु बोड़े :  सोहबत जे हिसाब सां इंसान जा लछ्ण बदिलजन था।
साला शींहन खे बि पियारा : वेझे संग वारा दिल जे वधीक वेझो थियन।
सपु न मारे, सप जो सिराप मारे : बिना मतलब जो भउ वधिक नुकसान पहुचाये थो।
ससु काठ जी बि घोरी : ससु मां सुख मिलण जी उमीद न कजे।  
सउ कुआ खायी बिली हली हज़ ते : पाप करण खां पोय तीर्थ यात्रा करण।
साये खे सहे कोन सखणे खे डिये कोन :  न बियन जी  कामियाबी सहण ऐं कहिंजी मदद बि न करण।
साये  मां सउ सुख : पेसे वारे या सुखी माणुहुअ मां केतिरा ई फायदा मिली सघन था। 
सेण अखियन जा नेण :  सेणन  जी  अहमियत अखियन खां घटि न आहे।
शहर वसियो कोन लुटेरन जी बेघी मची : वक़त खां अगु कम जी तयारी करण 
सिकिणीअ खे जाओ पुट्र चूमियन में कढ़िययसं साहु : घणे इन्तिज़ार खां पोय उमीद खां वधीक मिलण संभालिण डुखियो थिये।
सिजु तिरी हेठां न लिके : सच खे लिकायिण नामुमकिन आहे।   
सिर सलामत त पग़ पाणही पवंदी : जे हयाती आहे त इज़त बि मिली वेन्दी।
सीरो खाधो पातल फाटी : कम पूरो थियण खां पोय केरु याद रखे।
सियाणो कांव बि टंगो फासे : वधीक होशियारी बि नुक़सानकार थी सघे थी।
सियारे जो सिजु खणु पाउ में ई वंञे : सियारे जे डीन्ह वांगुर कम में वक़त जी खबर न पवे 
सोन खां घड़ायी महांगी : असुल शय खां उन जी संभाल ते वधीक खरचु थियण।
सोटी हुजे साणु त गड़हु गोही ना करे : जे मालिक सुजाग रहंदो न नौकर बराबर कमु कन्दा रहन्दा।
सुकल सां गडु आलो काठु बरे : गुनाहगार सां गडु बेडोहिन खे सजा मिलण।
सुख जो सालु नंढो दुख जी घड़ी बि वड़ी : सुख जो समो गुजारिण सवलो आहे।    
सुमहियल शींह खे उथारिण : ताकतवर सां बिना मतलब खेस करण।    
सुरमो सभुको पाये पर अखि अखि जो फेरु : उहे ई कपड़ा हिक ते सुंहन पर बियन ते न।
सुंञे खे सीट बि घणी : थोरो हुअण वारे खे घणो तकबर थिये। 
सूरत खां सीरत भली : सुठी शिकिल जी भेट में सुठा लछ्ण वधीक फायदेवारा थियन।
सुती बिली कुआ कीन मारे : कम छड़े विहण सां को फायदो न मिलन्दो।
सुई पाणही सगे खे चोरीन्दी  : गालिह थी आहे त अगते बि वधन्दी।