Sindhi Pahaka 05

मखण खाधे मथो तपे  :  सहूलियतूं माणीदें बि मीन मेख कढ़ण ।
मान जो बुखियो सभु को नान जो बुखियो को कोन : इंसान खाधे पीते जो न पर इज़त जो तलबगार थिये थो।
मारे मुसलमान करिणि : को कम ज़बरदस्ती करायिण।
मारिजे त मीरु न त चाकरु छा तुकाईजे : जे हथ अटिकायिणो [झगड़ो करण] ई आहे त वड़े माणुहू सां अटिकायिजे।
मरण मोहरत न पुछे न पुछे तिथि या वार : मौत जो भरोसो कोन थिये।
मसाणी गिआनु मसाणन तायीं : कहिं खास हालत / हंद ते मिलियल गिआनु उन हालत तायीं महदूद थिये थो।
माउ जणे पुट्र भागु न डिये वंडे  :  इंसान जो प्रालब्ध जन्म डियण वारी माउ बि न थी जाणे।
माउ मूरी पुट्र बसर खान : पहिंजी खानदानी हैसियत वड़ी डेखारिण जी कोशिश करण।
माउ मुरली पीउ तम्बूरो पुट्र वजायिण में पूरो : बार में माउ पीउ जे लछ्णन खे छड़े पहिंजो को बि लछ्ण न हुअण। 
माउ पेटां को सिखी कोन आयो : इंसान मेहनत करे को बि कमु सिखी सघे थो।
माट्रेली माउ, उस जो ताउ, कढ़िन सदा साहु : हीउ पहाको माट्रेली माउ मां मिलन्दड़ दुखन बाबत आहे।
मेहिं चये गायिं खे हलु पुछ कारी : पाण में केतिरियूं ई घटितायूं हूंदे बि बिये जी नंढी घटितायी जी गालिह करण।
मिठिडा घुर त घुरायिं  : जे तव्हां बियन खे सिक, इज़त मानु डियो था त तव्हां खे बि इज़त मानु मिलन्दो।
मूर खां वियाज़ मिठो  : पहिजन बारन खां बारन जा बार वधीक अज़ीज़ महसूस थींदा आहिन।
मुअल जियरन वसि : मुअल इंसान जी सामाजिक हैसियत उन जे बारन जी मरज़ी ते मदार रखे थी।
मुअल शींह खां जियरी बिली भली : नामचीन दोस्त जो मदद न करे उन खां मददगार गरीब दोस्त सुठो।
मुड़स त फड़ो न त जड़े जो जड़ो : मुड़स अणागी हलत न हले त छा जो मुड़स।
मुहं मखण वास्ते लभे न तेलु, चौवाटे बारे डिया : बेढंगी हलत हलण।
मुहिंजी चाहे भिति किरे पर तुहिंजी बकरी मरण घुरिजे : पहिंजो वड़ो नुकसान करे वेरी खे थोरो नुकसान पहुचायिण।
मुलतानी घेतिलो [खास किसम जो जूतो] जेको पाये तहिं खे पूरो : सभनी सां ठहकी हलण वारो शख्सु।