राजकोट

राजकोट भारत जे टॉप टेन साफु शहरन में तोड़े दुनिया जे तेज़ी सां तरकी करण वारन टॉप पंजवीहन शहर में शामिल आहे। राजकोट खे हिन्दु शहर बि चयी सघिजे थो छाकाण शहर जी कुल आदमशुमारी में गैर हिन्दुन जी हिसेदारी मुशकिल सां ट्रे सैकड़ो मस थींदी। शहर में जेके भाषाउं बुधण में अचन थियूं – गालिहायूं वञन थियूं सिंधी भाषा उन्हन मां हिक आहे। राजकोट शहर जे सिंधी समाज हिक खासि कामियाबी हासिल कयी आहे उहा आहे सिंधी धर्मशालाउन जो निर्माण। जेकडहिं डिसजे त शहर जी कुल सिंधी जनसंख्या जी निसबत में समाज जी ठाहिरायल धर्मशालाउन जो तादाद काफी वडो महसूस थिये थो। सिंधी धर्मशालाउन जी इन वडी संख्या जे करे राजकोट खे सिटी ऑफ़ सिंधी धर्मशाला बि चयो वेन्दो आहे।