भारत जा बिया राज्य - सिंधी जनसंख्या

भारत में रहण वारन सिंधियिन मां लगभग 90 % छतीसगढ, गुजरात, मध्य प्रदेश, महाराष्ट्र, राजस्थान ऐं उतर प्रदेश इन्हन छहन राज्यन में रहन था। एनसीआर – दिल्ली / न्यू दिल्ली में बि काफी वड़े तादाद में , जेको छतीसगढ़ जी सिंधी जनसंख्या खां वधीक आहे , सिंधी रहन था। बाकी रहियिल बियन सभनी राज्यन में कुल मिलाये सिंधी जनसंख्या जो बिन लखन तायीं पहुचण बि डुखियो महसूस थिये थो।
हिते भारत जे उन्हन राज्यन खास करे डखण ऐं ओलह तरफ जे राज्यन जी सिंधी जनसंख्या जी जानकारी डिजे थी । इन्हन ऐराजिन में सिंधी आदमशुमारी बेहद खां घटि ऐं तमाम वधीक टिड़ियल पखड़ियल आहे। चेनई हैदराबाद जहिड़ा के बेहद थोरा शहर आहिन जिन खे सिंधी जनसंख्या जे लिहाज़ खां इलाके जे सरताज जो लक़ब डयी सघिजे थो। इन्हन मां कुझु जा सिटी पेज बि ठाहिया वया आहिन।
इन्हन ऐराजिन में रहण वारन सिंधियिन जे सामाजिक कार्यक्रमन जी जानकारी देश जे बियन हिसन में रहण वारन सिंधियिन तायीं पहुचण सवलो थिये इन मुराद सां इन ऐराजी वासिते सिटी पेज लाय हिक हज़ार खां वधीक सिंधी जनसंख्या हुजण जी शर्त हटायी वञे थी। जंहिं बि शहर मां समूरी जानकारी मिलन्दी उन शहर जो पेज ठाहियो वेन्दो।
सिंधियत सुहिणी रहे
एस पी सर (मंघिरमलानी) कोल्हापुर