मध्य प्रदेश सिंधी जनसंख्या

हिन वकत असां खे मध्य प्रदेश जे 53 शहरन / गोठन में रहण वारन सिंधी परिवारन जे तादाद बाबत जाण आहे ऐं इन जाण जे आधार ते इहो अंदाज़ आहे त मध्य प्रदेश राज्य में डेढु लखु खन सिंधी कुटुंब रहन पिया। जेकडहिं हिक कुटुंब में छह मेंबर लेखिया वञन त इन जो मतलब थींदो त मध्य प्रदेश जी सिंधी जनसंख्या नवन लखन जे आसपास आहे।
इंदौर लगभग अढ़ाई लख सिंधी जनसंख्या सबब मध्य प्रदेश जो वधि में वधि सिंधी जनसंख्या वारो शहर आहे।  बैरागढ़ भोपाल ऐं जबलपुर मध्य प्रदेश जा बिया अहिड़ा शहर आहिन जिन जी सिंधी आदमशुमारी हिक लख खां वधीक आहे।  कटनी जी सिंधी आदमशुमारी बि चालीह हज़ारन खां त वधीक थींदी। बुरहानपुर, खंडवा, ग्वालियर,सागर, सतना ऐं उज्जैन बिया अहिड़ा शहर आहिन जिन जी सिंधी आदमशुमारी या त पंधिरिहन हज़ारन जे आसपास आहे या उन खां बि वधीक आहे।
छतीसगढ़, गुजरात ऐं महाराष्ट्र वांगुर मध्य प्रदेश में बि घणी सिंधी आदमशुमारी वारन शहरन जो प्रदेश जी सिंधी आदमशुमारी में हिसो कुल सिंधी आदमशुमारी जे अटकल 65 % खां 70%  जेतिरो आहे। दरअसल में  मध्य प्रदेश में पंजन खां डहन हज़ारन जे विच वारी सिंधी आदमशुमारी वारन शहरन जो तादाद काफी वधीक आहे ऐं शायद इन करे केतिरन खे मध्य प्रदेश जी सिंधी जनसंख्या हकीकी जनसंख्या खां घणी वधीक महसूस थिये थी। जे तव्हां जो शहर लिस्ट में शामिल न आहे या सिटी पेज न ठहियल आहे त पंहिंजे शहर जी जानकारी मोकिले सहयोग कयो।
सिंधियत सुहिणी रहे
एस पी सर (मंघिरमलानी) कोल्हापुर