सिंधियत

सिंधियत सेक्शन – 2021 जा बदिलाव
द सिंधु वर्ल्ड बियन सिंधी वेबसाइट जहिड़ी हिक बी सिंधी वेबसाइट न पर गिलोबल सिंधी समाज जो वर्चुअल होम आहे। हीअ आरसी आहे आलीशान सिंधी वरसे जी चाहे इहो वरसो सांस्कृतिक हुजे, अदबी हुजे या सामाजिक हुजे। सिंधी कौम जे आराधीय देव भगवान झूलेलाल साहिबन जी जन्म साखी हुजे या हुजन सिंधी संतन, धर्म गुरुन, रूहानी रहबरन, नामवर लेखकन, कविन, स्पोर्ट्स शख्सियतूं, सियासी अगुवानन या सामाजिक अगुवानन जूं जीवनियूं हुजन इहे सभु सिंधियत जी आरसी जा अकस आहिन। सिंधियत जी इन आरसी जो हिकु अहम अकसु आहे सिंधी समाज जो ज़िंदगी जियण जो तरीको (Life Style) ऐं सामाजिक जीवन, जहिंजो इजिहार थिये थो सिंधी डिणन – त्योहारन , सिंधी खाधे ऐं सिंधियिन जे धार्मिक विशवास जे मारफ़त।
सिंधी धार्मिक विशवास ऐं सिंधियत
सिंधियत सिरफ वरसे में मिलण वारे गुणन जो मेडु न आहे पर इहा सिंधी समाज जे हर हिक शख्स जे शख्सी जीवन तोड़े सामाजिक जीवन जी बुनियाद पिणु आहे। इंसान जी रोज़ाना ज़िंदगी बदिलिजे थी, बियन खां कुझु अलहदा महसूस थिये, इंसान जे धार्मिक विशवास ऐं रोजाने पूजा पाठ नित नेम जे असर हेठि सो हाणे सिंधी धार्मिक विशवास जेके अग में हिकु अलग सेक्शन हुआ से आहे सिंधियत सेक्शन जो हिकु हिसो हूंदा।
हीउ बदिलाव सिंधी समाज जी धार्मिक हलत खे समझण में पिणु मददगार थींदो छाकाण त सिंधी कौम जे आराधीय देव भगवान झूलेलाल साहिबन जी जन्म साखी ऐं बियन धार्मिक विशवासन जी जानकारी हिक – सागी जगह ते हुअण सबब सिंधी समाज जे धार्मिक जीवन जो साफु ऐं चिट्रो अकसु डिसी सघण सवलो थी पवंदो। इहा गालिह बि समझण सवली थी पवंदी त निफ़ाक़ ऐं सहजीवन – विचारन जो अलग हूंदे बि गडु जियण खे सिंधी कौम जी सुञाणप वारी खासियत जो दरिजो छो हासिल थियो आहे।
सिंधी लोक कहाणियूं – इतिहास ऐं सिंधी भाषा
अगमे इहे सिंधियत सेक्शन जो हिसो हुआ पर इन्हन जे विसतार ऐं सिंधी समाज जे शख्सी तोड़े सामाजिक जीवन जे असर खे धियान में रखी सिंधी भाषा ऐं साहित्य इहो हिकु नओं सेक्शन जोडियो वयो आहे। ब्लॉग सेक्शन खे पिणु नओं रूप डीन्दे सिंधी इतिहास खे इनफॉरमेटिव (जानकारी डियण वारे) ब्लॉग में जगह डिनी वयी आहे।
सिंधियत सेक्शन जो नओं रूप ऐं रचना
सिंधी टिपणे ऐं सिंधी डिणन जे अंदरूनी लागापे तोड़े असां जे जीवन ते असर खे धियान में रखन्दे बिन्ही खे सिंधियत सेक्शन में त रखियो वयो पर अलग अलग उनवान हेठि। कुल मिलाये कयल बदिलावन खां पोय हाणे सिंधियत सेक्शन जा हिसा आहिन :
झूलेलाल जन्म साखी
सिंधी धार्मिक विशवास
सिंधी टिपणो
सिंधी डिण
सिंधी खाधो (सिंधी रेसीपीज)
सिंधी संगीत / वीडियो
नयीं शुरुआत कन्दे असां झूलेलाल संवंत टिपणो – सिंधी तिथियूं , सिंधी डिण ऐं शादी विवाह जा शुभ मोहरत हिक इमेज – मोबाइल ते पिणु पढ़िही सघण जोग – पेश कयो आहे। खाधे जी शौकीन सिंधी कौम वासिते जलदु खाधो रधिण जा वीडियो शामिल करण जे रुख में कोशिश कबी। सागे नमूने सिंधी गीत संगीत जा वीडियो शामिल करण ते बि कमु शुरू कयो आहे जीयं सिंधी नवजवानन खे सिंधी लोक कलाउन छेज, भगत, लाड़ा वगैरह सां वाक़फ़ियत वधायिण जो मोको मिले ऐं उहे सिंधियत खे वधीक बेहतर नमूने समझी सघन।
सिंधियत सुहिणी रहे
एस पी सर (मंघिरमलानी) कोल्हापुर
13 मई 2021