सिंधी शख्सियतूं

गुजिरियल कुझु सालन में मोस्ट पॉपुलर सिंधी वेबसाइट में शुमारी वेन्दड बिभाषी वेबसाइट द सिंधु वर्ल्ड डॉट कॉम ग्लोबल सिंधी समाज वासिते सिंधी शख़्सियतुन जी बायोग्राफी वासिते वड़े में वड़ो ऑनलाइन सोर्स बणिजी चुकी आहे। सिंधी संतन खां शुरू करे, फिल्म ऐं टेलीविजन जे संसार जूं सिंधी शख्सियतूं, सिंधी एक्टर , सिंधी एक्ट्रेस , सिंधी प्रोडूसर डायरेक्टर्स – सिंधी अदब जा सूरमा मशहूर सिंधी लेखक , नामवर सिंधी कवी – सिंधी सियासतदान – सिंधी स्पोर्ट्स पर्सन्स ऐं इहो बायोग्राफी जो सिलसिलों सामाजिक कम कन्दडन ऐं धंधे में कामयाब सिंधियन तायीं फैलियल आहे।
असां जो तमाम पुख्तो रायो आहे त बायोग्राफी या जीवनी कहिं बि शख़्सियत जो फ़क़त जीवन सफ़रनामो न आहे पर हक़ीक़त में बायोग्राफी डिनिल वक़्त जे अरसे में समाज / कम्युनिटी जे आर्थिक – सामाजिक हालतुन ऐं सांस्कृतिक जीवन जो आइनों आहे। घणा ई भरा कहिं लासानी शख्सियत जी जीवनी नवजवान पीढ़ीअ लाय तमाम सुठे नमूने राह देखारिईन्ड ऐं होसिलो वधाईन्ड साबित थिये थी।
असां इन गालिह खां बिलकुल इंकार न था कयूं त भारत जूं हिन्दु सिंधी शख्सियतूं असां जो मरकज़ रहियूं आहिन ऐं इहो सिलसिलो हलन्दो रहंदो। इहा हिक वडी कामयाबी आहे त सिंधी क़ौम जहिं खे मज़बूरीअ में सिंध छडे , विस्थापित थी अची अहिड़ी ज़मीं ते थायिंको थियणो पियो जा सिंधी सभ्यता ऐं संस्कृति जी मौजूदगीअ जे लिहाज़ खां कमज़ोर हुयी। तहिं खां सिवाय विस्थापित सिंधियन खे कहिं हिक हंद वसाये सिंधी वरसे खे मुफीद हालतूं मसयर करे डियण बदिरां सिंधियन खे भारत जे अलग अलग शहरन में जगह डिनी वयी। इहा सिंधी कौम जी ज़िंदह रहण जी ख्वाइश ऐं जफ़ाकशी करण जी सलाहियत जी लासानी कामयाबी आहे जो थोरे ई वक़्त में खाली हथें बेसिरोसामन विस्थापित थियल सिंधी अजु भारत में बॉलीवुड [हिंदी फिल्म्स ] जा वड़ा फायनेंसर्स, शेयर बाजार जा नामवर नाला, लगभग हर शहर जा कामयाब वापारी आहिन। चाहे स्पोर्ट्स, सियासत जहिड़ियन खेतिरन में के थोरा ई सिंधी अगते आया आहिन पर आम तौर सभु कामयाबीअ जी बुलन्दीअ ते आहिन।
2021 जा बदिलाव
लगभग पंजन सालन खां पोय TSW खे नयें रूप में पेश कन्दे धियान में आयो त बायोग्राफी सेक्शन में शामिल सिंधी शख़्सियतुन जे तादाद में काफी वाधि आयी आहे सो इनखे नयीं ऐं वापिरायिण में सहूलियत भरी रिथा मूजिब पेश करण ज़रूरी आहे सो हाणे नामवर -मकबूल सिंधी शख्सिययूं इन मुख्य उनवान सां गडु सिंधी संत ऐं पदम अवार्ड सां नवाज़ियल सिंधी इहे उनवान वज़ूद में आया। सिंधी अदबी शख़्सियतुन वासिते पुराणा बयी उनवान (01) साहित्य अकादमी अवार्ड हासिल साहित्यकार (02) सिंधी साहित्यकार कायम रखिया वया आहिन।
पंहिंजन महदूद वसीलन ऐं ह्यूमन रिसोर्सेज जी मदद सां सभनी सिंधी शख़्सियतुन जी मुकमल जानकारी हासिल करण सवलो न आहे सो जिन सिंधी शख़्सियतुन बाबत असां वटि मुकमल जानकारी न आहे तिन खे शामिल करण वासिते Synopsis या मुख़तसर में इहो नओं हिसो बायोग्राफी दुनिया में जोडियो वयो आहे।
भारत लड़े अचण वासिते मज़बूर कयल सिंधी समाज खे भारत में थाईंको थियण में, सिंधी वरसे, सिंधी भाषा, सिंधी लोक कलाउन खे जियरो रखण में, मकानी सिंधी समाज जी बहबूदी ऐं वाधारे लाय किन सिंधी शख़्सियतुन पाणु तोड़े पंहिजे परिवार जी हद खे पासीरो रखन्दे पंहिजे गोठ / शहर जे सिंधी समाज वासिते लासानी योगदान डिनो आहे या डयी रहिया आहिन सिंधी समाज जे इन्हन अनमोल रतनन जी जानकारी पापुलेशन सेक्शन में लागापे वारे सिटी पेज ते आइकोनिक सिंधी शख्सियत इन उनवान हेठि शामिल करण जो फेसिलो कयो वयो आहे।
असां पंहिजे पारां वेबसाइट जे हिन हिक मुख्य हिसे खे वधीक जानकारी भरियो ऐं वापिरायिण में सहूलियत भरियो ठाहिण जी पूरी पूरी कोशिश कयी आहे पर तव्हां जो रायो असां जे वासितो बेशकीमती आहे। सागे नमूने जे का सिंधी शख्सियत शामिल थियण खां रहिजी वयी आहे त ज़रूर उन बाबत जानकारी मोकिले सहयोग कयो।
सिंधियत सुहिणी रहे
एस पी सर (मंघिरमलानी) कोल्हापुर

सिंधी शख़्सियतुन जी जानकारी लाय सेकशन उनवान ते किलिक कयो