सिंधी संत

भारत जे सिंधी समाज जे पुरुखन जे रियाशी हंद सिंध खे सूफिन, संतन, दरवेशन ऐं फ़कीरन जी सरज़मी लेखियो / चयो वेंदो आहे छाकाण सिंध में केतिरिन ई रूहानी रहबरन तोड़े परमात्मा सां जुडियिल संतन जो जन्म थियो आहे। सिंधी समाज जो हिक मुख्य धार्मिक पंथ, पिणु सिंध में सतगुरु स्वामी टेऊँराम साहिबन बरपा कयो हुओ। भारत में अचण खां पोय सतगुरु स्वामी सर्वानंद जन जयपुर राजस्थान में अमरापुर आसथान बरपा करे पंथ खे अगते वधायो। प्रेम प्रकाश पंथ जे सभनी सतगुरुन तोड़े मंडल जे कनि संतन जी बायोग्राफी हिते शामिल कयी वयी आहे। प्रेम प्रकाश पंथ जी खास गालिह आहे त पंथ जा सभु सतगुरु सिंधी परिवार में जावल आहिन।
केतिरा भगत कंवर राम साहिबन खे सिंधी लोक कला भगत जे वरसे जो धणी लेखिन था जेको गलति न आहे पर इहो विसारिण गैर वाजिबी आहे त संत कंवर राम साहिबन सिंधी समाज जी पुरातन संत परम्परा खे न सिरफ कायम रखियो पर अगते वधायिण में लासानी योगदान डिनो आहे। भारत में अमरावती ऐं जलगांव अहिड़ा शहर आहिन जेके संत कंवर राम साहिबन जे भगतन ऐं श्रद्धालुन लाय तीरथ असथान जो दरजो रखन था।
साई पारु शाह जे वरसे खे साई वसण शाह न सिर्फ सम्भालियो पर उन जो विसतार पिणु कयो। हिन वक़त इन वरसे जी जवाबदारी उल्हासनगर जे साई परमानन्द साहिबन ते आहे। सिंध जूं केतिरियूं ई दरबारूं ऐं फेमस सिंधी संत हाणे, जीयं त संत युधिष्ठरलाल (शादाणी दरबार) रायपुर में त साईं चांडूराम (शिव शांती आश्रम ) लखनऊ भारत में आहिन।
संत मीरा मिशन जी शुरुआत साधु टी एल वासवानी साहिबन कयी जंहिं खे दादा जशन वासवानी जन विसतार डयी साधु वासवानी मिशन खे सिंधी समाज जो वड़े में वड़ो आधियात्मक मरकजु बणायो आहे। अजु जी तारीख में मिशन जा सेंटर न सिर्फ भारत में पर विदेशन में बि कमु करे रहिया आहिन।
सिंध जी सरज़मी हुजे या भारत जी देव भूमी सिंधी समाज खे हमेशा बेशुमार रूहानी रहबरन ऐं संतन जी राह रहबरी में पंहिजे आध्यात्मिक ऐं धार्मिक विकास जा वझ मिलन्दा रहिया आहिन। असां इन गालिह ते पूरो यकीन रखन्दा आहियूं त संत समाज जे वासिते रोशन मनारा आहिन त अज्ञान जे अंधकार में भटिकण वारे आम इंसान खे सही राह ते हलण में मददगार आहिन।
असां कोशिश कयी आहे त सभनी संतन जी बायोग्राफी शामिल थी सघे पर शायद कोशिश पूरी तरह सां कामियाब न थी आहे। जिन सिंधी संतन जी बायोग्राफी हिन वक़त शामिल न आहे उन्हन जी जानकारी मिलण ते ज़रूर शामिल कबो।
सिंधियत सुहिणी रहे
एस पी सर (मंघिरमलानी) कोल्हापुर

हेठि हिन वक़त शामिल सिंधी संतन जी लिस्ट डिनल आहे। बायोग्राफी वासिते नाले ते किलिक कयो।