झूलेलाल (सिंधी )पलव
सिंधी पलव - पलअु झूलेलाल जो
पलअु सिंधियिन जी पूजा करण जे विधी विधान जो हिकु अहमियत वारो हिसो आहे। रिवायत मुजीब झूलेलाल साहिब जी हर पूजा जी पछाडी पलव सां थिंदी आहे तहिं खां सिवाय पलव हर रोज़ जे नितनेम जो पिणु हिसो आहे। पलव आसीस घुरण वारी प्राथना या अरदास आहे। का आस पूरी थियण वासिते पिणु पलव पारायिण जी रिवायत आहे। बहिराणो साहिब कढ़ण ते पिणु पलव पायिण जो रिवाजु आहे। हर हिक शहर में ऐं हर हिक श्रद्धालु मुजिब पलव में थोरी फेरिफार मुमकिन आहे पर आमु तोर पलव सागिये नमूने पाइबो आहे। असां हित हेठि उहो पलव डयी रहिया आहियूं जेको गांधीनगर कोल्हापुर में पायो वेंदो आहे।
सिंधी पलव - पलअु झूलेलाल जो - वीडियो ऐं सिंधी देवनागिरी में
Singer : Lata Bhagtani (Vishnani) Ulhasnagar
झूलेलाल (सिंधी )पलव
हाणे पलव जे पायिन्दा
तिन जा खाविंद खाली ना करियीं
अचन जे आस करे अजु तो वठु घोठ घणा
बिया बि डातार डेह में पर तो मंझ मणियाँ
हाणे जोशी जुंग घणा जो कायिम आहियीं कलिजुग में ।
लालण लालण मां करियां
त मुंहिंजो लालण कहिड़ी कुंड
मां बारियां थी लकडियूं
त मुंहिंजो लालण बारे बुंड
लालण मूं में कहिड़ी हुन्द
जो लिकी वैठें तूं लाट में ।
माउ चवे थी पुट्र खे पुट्र मखण वठी खाऊ
तुरंदो ताराज़ीअ में जो पैसे लगान्दो पाउ
हाणे अहिड़ो सांवल शाह
जो डीन्दो डाति संगत खे ।
झूलण तुहिंजे दर ते आहे शुआंऱन जो बागु
वेठो आहियीं त सडु दे जे सुमहिंयो आहियीं त जागु
हाणे डे संगत खे लाभु
जो सुवाली आहिन तुहिंजे दर जा ।