डबरा (ग्वालियर)

डबरा शहर में रहण वारा सिंधी कुटुंब पंज सउ खां कुझु मथे त थी सघन था पर इन संख्या जो छह सउ ते पहुचण मुमकिन न आहे। हाणे जे गुजिरियल डहाकन में सिंधी परिवारन जे नंढे हुजण खे धियान में रखिजे त इहो चवण सही थींदो त डबरा जी सिंधी जनसंख्या ट्रे हज़ार पंज सउ आहे। घटि मुफासिले सबब डबरा ऐं ग्वालियर जा सिंधी सामाजिक रुप में हिक बिये सां गहिरायी सां जुडियल आहिन। हिक शहर में थियण वारे धार्मिक उत्सव सामाजिक जलसे में बिये शहर जा सिंधी मौजूद रहन था तहिंकरे बि डबरा जी सिंधी आदमशुमारी हकीकी खां वधीक महसूस थिये थी।