अर्जुन चावला
Introductory / TSW Citation
2021 जो सिंधी भाषा जो साहित्य अकादमी अवार्ड मकबूल सिंधी शायर, तैलीमदान श्री अर्जुन चावला खे मिलियो। भारत में लडे अची सिंधी कौम जे थाईंके थियण जी जफाकशी वारे समे में साहित्यिक जीवन जी नंढी उमिर में (पहिंजी उमिर जे 17 -18 साल में हूंदे) शुरुआति करण वारे आला दरजे जे सिंधी लेखक, साहित्यिक नुकतचीनीकार ऐं एडिटर अर्जुन चावला वासिते अदबी दुनिया जे इन आला अवार्ड मिलण जे इंतिजार जो इहो बेहद वडो अरसो साबित थियो। लासानी तैलीमदान ऐं घणिन सालहियतुन जे धणी अर्जुन चावला जी लेखणी खे वंदन कन्दे टीम TSW पारां (रंगीन अखर श्री अर्जुन चावला जन जे छपियल किताबन जा नाला आहिन)
नेण निंडाखरा हुआ आजाद सचल जा, जो चारण चोरयो चंग ऐं डिनो सडु सरहद तां
उभरिया अकस हजार हुआ जीतामडा जुगनू, बुधी हुयी अर्जुन बि अहसास जी आहट
अर्जुन चावला - बायोग्राफी (जीवन परिचय)
श्री अर्जुन चावला जो जनम 10 फरवरी 1931 ते गडियल भारत जे सिंध प्रान्त जैकबआबाद जिले जे कशमोर में कुंदबी देवी ऐं श्री गाहीमल चावला जे पुट्र जे रूप में थियल आहे। विरहाङो थियण तायीं अर्जुन चावला कशमोर , कंधकोट ऐं जैकबआबाद में पहिंजी स्कूली तैलीम हासिल करे चुका हुआ। भारत में अची अलीगढ़ मुसलिम यूनिवरसिटी मां ग्रेजुएशन करण खां पोय अर्जुन चावला आगरा यूनिवरसिटी मां एम.ए. (अंग्रेजी साहित्य) ऐं बी. एड कयी।
पढ़ायी पूरी कन्दे ई अर्जुन चावला खे ग्वालियर जे के आर गवर्नमेंट गर्ल्स कॉलेज में अंग्रेजी जे लेकचरार जे ओहदे ते नोकरी मिली वयी। तैलीमी खेतर में कमु कन्दे अर्जुन चावला, म.प्र. शिक्षा विभाग हायर सेकंडरी स्कूल में प्रिंसीपाल, डिस्ट्रिक्ट एजुकेशनल सर्वे ऑफिसर ऐं टीचर ट्रेनिंग इंस्टीटयूट गुना में प्रिंसीपाल जे ओहदे ते कमु कन्दे जून 1991 में रिटायर कयो ऐं 1992 खां वठी उहे अलीगढ़ में रहन पया।
इहो शायद त विरहाङे खां पोय वारिन सिंधी समाज सामहूं आयल तकलीफुन जो असर हुओ जो अर्जुन चावला जी सिरजन सलाहियत साहित्य जो रुख कयो। तैलीमी खेतर जे कम सां गडु साहित्य सिरजन बि हलन्दो रहियो ऐं 1987 में संदस शायरी जो पहिरियों किताब जो चारण चोरयो चंग छपिजियो। इन किताब जे दरजे बाबत ऐतिरो ई लिखण काफी आहे त न सिरफ सिंधी अदबी दुनिया ऐं आम सिंधी खे इहो पसंद पयो पर इन किताब वासिते अर्जुन चावला खे भारत सरकार जे सेंट्रल हिंदी निर्देशालय जो इनाम पिणु मिलियो।
अटकल छहन डहाकन जे अदबी सफर अर्जुन चावला खे न सिरफ नवं (09) छपियिल किताबन जी मिलकियत सां मालामाल कयो आहे पर खेसि केतिरिन ई अवार्ड्स सां नवाजियो पिणु आहे।
सिंधी भाषा ऐं सिंधी कविता जे खेतर में अर्जुन चावला जो ऐतिरो असर आहे जो अंग्रेजी मैगजीन स्काईलार्क इंडिया जडहिं सिंधी कविता ते खास परचो (special issue) छपियो त उन जी एडिटिंग (संपादन) जी जवाबदारी अर्जुन चावला खे डिनी।
अर्जुन चावला छपियिल किताब
1987 – चारण चोरयो चंग (शायरी)
2001 – उभरिया अकस हजार (शायरी)
2009 – अहसास जी आहट (शायरी)
2012 – कच ऐं कोडियूं (मजमून)
2012 – पहिंजे हिसे जो गम (शायरी)
2014 – जीतामडा जुगनू (मजमून)
2014 – सरहद तां (तरजुमो)
2020 – नेण निंडाखरा (शायरी)
2020 – मॉक भिनल पंखडियूं (मजमून)
Books Window
Awards
Sahitya Akademi Award: 2021
Title of Book: नेण निंडाखरा (शायरी)
Other Awards:
1987 – सेंट्रल हिंदी निर्देशालय जो अवार्ड
2001 ऐं 2009 राष्ट्रीय सिंधी भाषा विकास परिषद (NCPSL) वठां अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.