भावनगर

भावनगर गुजरात राज्य जे उन्हन विरलन शहरन में शामिल आहे जिन में सिंधी आदमशुमारी जे लिहाज़ खां सुठे अंदाज़ में आहिन। भावनगर में चार हज़ार पंज सउ खां बि वधीक सिंधी परिवार रहन्दा आहिन मतलब त भावनगर जी सिंधी जनसंख्या ट्रीह हज़ार हुजण में को शकु न आहे।
रसाला कैंप ऐं सिंधुनगर इहे भावनगर जूं उहे ऐराजियूं आहिन जिते वधीक सिंधी रहन पया था। हालांकि पोयन बिन ट्रिन डहाकन में चंगन सिंधी परिवारन सरदारनगर, रुपानी सरकल, घोघा सरकल, आनंदनगर, शास्त्रीनगर ऐं डॉ गिडवानी रोड जहिड़न इलाकन में घर ठाहिराये उते रहण शुरु कयो आहे।
भावनगर जी सिंधी जनसंख्या में लाड़ी लोहाणा सिंधी समाज जो वडो हिसो आहे। चेट्री चंड्र, होली, दसहरो ऐं नवरात्रा इहे डिण भावनगर जो सिंधी समाज हिक बिये जे सहयोग सां ऐं गड़िजी वड़े पैमाने ते जोश सां मलिहाईंदो आहे।